Fìlipì 3:11 - Meta’

¹¹ ɨmbə̀ʼ ɨchî mɨ chwiə, mə bə̀ zwemə.

Ikan feg

¹¹ Mə ya ghìyə̀ ane nè nɔ̀ŋɔ̀ ikɔndi gha, tì mə bə̀ kòʼ ni zweme ane iwu icheg ne məd ya zweme ane iwu.

Fìlipì 3:11 Cross References

Lk 14:14

À mɨ ghɨ̀ əne, Ŋwìə̀ bɨrɨ zɨ əbɔrəbɔd ɨgwɨ ne, ɨmbə̀ʼ ɨghəm nɨ chəi ənɨ tɨ mbɨ wì ənû ze nɨ à ghɨ̌. Ŋwìə̀ bɨrɨ wì ənû ze nɨ à ghɨ̌ ənɨ ə nyùmə̀ we nɨ bə̂d mbe nɨə ghɨ̀ ɨnû nɨ kuʼnɨ bɨrɨ zwemə.”

Jn 11:24

Màta nyaʼa wììrɨ̀ ɨ bɔ ni, “Mə kyerɨ ni wɨ̀ bɨrɨ wɨrɨ zwemə əni ze nɨ sɨ nwìə̀.”

Ɨ̀fàʼì 23:6

Ənɨ Pɔ̂l nyaʼa zə ni əbà ə fibɨ̀ tɨ ənɨ mbaŋə̀ te yɨə nyaʼə mɨ̀Sadusiî bə̀ zə ni əbà ə cherə yɨ nyaʼə mɨ̀Farisiî, wɨ̀ nyaʼa kyeŋ rɨkǎ əkaʼ mə̀saʼ əbeŋ mbe ghà ni, “Mbɨ bɔŋgɔb, mɔ̌ yɨə Farisiî, bə̀ yeʼ wan Farisiî. Mbə mbɨə saʼ əmɨ əgha ɨmbə̀ʼ ɨghəm nɨ mə wɨə nuŋ ɨkɔndɨ wòmə̀ ni bə̂d bɨrɨ zwemə.”

Ɨ̀fàʼì 26:7

Mba ɨnəbɨ mbe wum chɔ̀b rɨ̀be tɨə wòm ənû ze nɨ Ŋwìə̀ nyaʼa kaʼi. Ɨ mbɨə ghɨ̀ əne ɨchî nɨ mbɨə wumnɨ əməd ənɨ tə fîŋ rɨjìm əziə mbɨ ɨzimɨ. À yɨ ɨmbə̀ʼ ənû zɔ̂ nɨ mɨ̀Jû zɨ ɨsaʼi ɨgwɨ num, kyɨ ɨfɔ̂n!

Ɨ̀fàʼì 27:12

Ɨchî nɨ chəi əsɨ ze nɨ mbɨ nyaʼa pè təm nyaʼa kuʼ nɨ tɨ̀ mbɨ chub əŋgu ənɨ ə nyùmə̀ we nɨ ɨfə ə kɔ əku, bə̂d mɨ̀nɔnɔʼ nyaʼa ghà ni mbɨ wo ɨmbì, ɨghə̀m mbə pè ə Fonìz. Fonìz yɨə nyaʼa əsɨ ə kyeŋ ə Kret. Ə zɨə nyaʼə neŋ əbà ze nɨ nyùmə̀ ə jwɨ̀ə̀. Tɨ̀ nyaʼa chub əŋgu pè ənɨ nyùmə̀ ɨfə we nyaʼa chě.

Rm 11:14

ɨmbə̀ʼ mbɨ bɔŋgɔb mɨ̀Jû ghɨ ə̀dìì əne ghɨ̀ mə chɨ mbɨ mɔʼɔ rəŋgəʼ.

1 Kɔrèn 15:23

Ŋwìə̀ bɨrɨ zwemnɨ wə̀d mɔʼ mɔʼ ɨwaŋ ɨwaŋ. Wə̀d rɨtu we nɨ wɨ̀ zwemnɨ yɨə Kristo. Ənɨ Kristo wɨrɨ yeʼe, wɨ̀ bɨrɨ beenɨ zwemnɨ bə̂d mbe nɨ yeʼ mbɨ Kristo.

1 Kɔrèn 9:22

Ənɨ mə̀ yeʼ əkaʼ bə̂d mbe nɨ bɔrɨ, mə bə̀ bɔd, ɨmbə̀ʼ mə̀ ghɨ ni bə̂d mbe nɨ bɔrɨ ben ə Kristo. Mə fə bèŋ ənɨ ɨghɨjìm əmbɨ ə bə̂d mɨ̀jìm, ɨmbə̀ʼ mə̀ che ənɨ tɨkwɨrɨ ɨnə̂njɨ̀ jìm chɨ̀ mbɨ mɔʼɔ rəŋgəʼ.

1 Kɔrèn 9:27

Mə wɨə yimbɨ mɨ ɨnyod ɨmbə̀ʼ wɨ ben ə̀bòʼò ɨ num, ɨmbə̀ʼ mə mɨ ghà ɨkə̂n chɔ̀m əmbɨ ə bə̂d cherə, tɨ mə̀ sam əmɨ ɨchwɨ we.

2 Kɔrèn 11:3

Àyɨə mə wɨə bɔə ni ɨchî nɨ jɔ nyaʼa nɨŋ ɨwe tambɨ ə Efà, ɨ mbe tɨ mbɨ bə̀ fèbrɨ̀ tə rɨkɔndɨ tɨ ənɨ ɨchî nɨ mbə̀ə fàʼ əmbɨ Kristo ənɨ ə fîŋ jìm bə̀ fɔrɨ ənɨ ə fîŋ nɨ zeŋɨ.

1 Tèsàlonikà 3:5

À yɨ əton nɨ ɨchî nɨ chəi ənɨ tɨ mə nyaʼa wɨrɨ nyìʼ wò ɨmbì, mə nyaʼa tom ə Timotì əsɨ nən ni wɨ̀ yeʼe zə ni mbə mbɨə kɨrɨ nuŋ fîŋ ɨgun ə Kristo ə. Mə nyaʼa ghɨ̀ əne ɨmbə̀ʼ ɨghəm nɨ mə̀ wɨə nyaʼə bɔə ni ɨghə̀m ənumbɨ bə̂d fə numbɨ əwən əne ghɨ̀ ə̀fàʼì ze nɨ tɨ̀ nyaʼa faʼ ə chè ətu ə̀kǒ.

2 Tès 2:3

Tɨ mbə̀ ben ə ni wə̀d mɔʼɔ che ənɨ ɨkwɨ ɨnə̂njɨ̀ mɔʼɔ tambɨ əwən, ɨmbə̀ʼ ɨghəm nɨ chəi əni ze ə bɨrɨ kɨrɨ yeʼe pè ənɨ bə̂d mbe nɨ bɨrɨ ton ɨnû jìm ɨmbə̀ʼ ə Ŋwiə̀ fə yeʼe, wə̀d we nɨ ton ə Ŋwiə̀ bə̀ ton tɨkə rɨ məd bə̀ jwɨ̀ bə̂d zə. Məd yɨ we nɨ bɨrɨ nim.

2 Timotì 4:8

Əne Ə̀nùŋɨ̀sɨg we nɨə saʼə bə̂d ɨchî nɨ kuʼnɨ bɨrɨ naʼ əjwɨ-əgu ɨ num əni ze nɨ wɨ̀ bɨrɨ yeʼe ɨ saʼ ɨsɨg. Wɨ̀ bɨrɨ naʼ ɨmbə̀ʼ ɨghəm nɨ mə wɨə ghɨ̀ ɨnû nɨ kuʼnɨ. Chəi wɨ̀ bɨrɨ naʼ àmei ɨ num. Wɨ̀ bɨrɨ bɨ naʼ əmbɨ ə bə̂d mbe nɨə wòmə̀ ni wɨ̀ wɨrɨ yeʼe.

Mə̀Hibrù 11:35

À yɨ ɨbenɨ nyaʼa ghɨ ni məyi nɨŋ mbə ɨfurɨ mbe nɨ nyaʼa kwɨ wɨrɨ zwemə. Mbɨ nyaʼa chə mbɨ mɔʼɔ ə nəb ndəŋ, àyɨə mbe nyaʼa ton ni tɨ mbɨ chɨ əwən sàŋɨ̀, ɨmbə̀ʼ mbə mɨ kwɨ, mbə bɨrɨ wɨrɨ zwemə əne jɨg ɨ̀tènɨ̀ we nɨ bɔŋɨ chè.

Ɨnû 20:5

(Chəi ə̀bùʼ ə bə̂d ze nɨ nyaʼa fə kwɨ nyaʼa zwemə pè ənɨ ɨghəm ɨwu mbe chuʼ fibɨ̀ fə mi.) Wɔ̂ yɨ ɨghəm rɨtu nɨ bə̂d bɨrɨ zwemə.