Fìlipì 2:9 - Meta’

⁹ Əne Ŋwìə̀ fə nɔ̀ əməd nùŋ əsɨ ze nɨ che ɨsɨ jìm. Wɨ̀ fə bə̀ nàʼ ɨkum ɨ bɔ nɨ che tɨkum rɨjìm.

Ikan feg

⁹ Icheg ne wì ya ghi ane, Ŋwiye ya si nɔ̀ aməd nɔ̀ŋì igun ati kyen ne che iti ndəŋ ijìm. Wì ya bə̀ nàʼ ikum ibo ne che tikum ndəŋ tijìm.

Fìlipì 2:9 Cross References

Matìyò 11:27

“Mɨ Mbǎʼ fə nàʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chə bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ Wan fɔrɨ wə̀d mɔʼɔ we nɨ Wan də̀b nɨ chwi əməd ɨ bɔ.

Matìyò 28:18

Yeso nyaʼa wò əsɨ mɨ̀mə̌d pè ghà ni, “Ŋwìə̀ fə nàʼ ɨka jìm ɨ num ni mə̀ tumbɨ ɨkaŋ fɔrɨ si.

Lk 10:22

“Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Jn 13:3

Yeso nyaʼa kyerɨ ni i Mbǎʼ nyaʼa fə zɨ̀ ɨnû jìm ɨŋga ti rɨkyerɨ-ɨbɔ. Wɨ̀ nyaʼa bə̀ kyerɨ ni à yɨə Ŋwìə̀ nyaʼa tom əwi fɔrɨ ni tə wɨə wɨrɨə wò əsɨ ə Ŋwiə̀.

Jn 17:11

Tɨ̀nîn mə wɨə sàŋ ɨsɨg sɨə yeʼe əsɨ ne. Àyɨə mɨ̀mə̌d mbɨə kɨrɨ ɨŋga ɨsɨg. Mɨ Mbǎʼ nɨ Zeŋɨ màànɨ̀, nəŋgɨ mɨ̀mə̌d ənɨ ɨka we nɨ yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Nəŋgɨ mɨ̀mə̌d ɨmbə̀ʼ mbɨ yeʼ ənɨ ənû ə mɔʼ, ɨchî nɨ mɔ̌ mbɨ ne tɨ̀ bə̀ yeʼ ənɨ ənû ə mɔʼ.

Jn 17:12

Ənɨ mə nyaʼa mbɨ mɨ̀mə̌d, mə wɨə nyaʼə nəŋgɨ mɨ̀mə̌d ni tɨ əghɨ ə mɔʼɔ ə ghɨ i mɨ̀mə̌d. Mə wɨə nyaʼə ghɨ̀ əne ənɨ ɨka we nɨ nyaʼa yeʼ ənɨ e ɨkum, nɨ yeʼ ɨkum we nɨ à nyaʼa naʼ ɨ num. Mə wɨə nyaʼə nəŋgɨ mɨ̀mə̌d, əne chəi wɨ mɔʼɔ rəbɔʼ mɨ̀mə̌d nyaʼa nimɨ kɨrɨ ənɨ we nɨ nyaʼa berɨ nim. Wɨ̀ nyaʼa nim ɨmbə̀ʼ ənû ze nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀ ə jwɨ ənɨ rəsìʼ.

Jn 17:5

Əne tɨ̀nîn, kyɨə Mbǎʼ, wumnɨ əmɨ əsɨ ze nɨ à yeʼ əŋgu. Wumnɨ əmɨ ɨchî nɨ à nyaʼə wumnɨə bɔŋ à nyaʼa sɨə tekɨ ɨsɨg.

Ɨ̀fàʼì 5:31

Ŋwìə̀ nyaʼa nɔ əməd nùŋ ənɨ e əbà əbɔ ə jɨgɨ ni wɨ̀ chub ənɨ Ə̀chà bə̂d fɔrɨ ənɨ Wə̀d nɨə chɨ̀ə̀ bə̂d rəŋgəʼ, ɨmbə̀ʼ wɨ̀ ghɨ ni mɨ̀Izre beŋ tə fîŋ, Ŋwìə̀ waʼ ɨnû rɨbɔ̀ŋ mɨ̀mə̌d.

Efesùs 1:10

Wɨ̀ nyaʼa nuŋ əne, ɨmbə̀ʼ ənɨ nyùmə̀ kuʼu, wɨ̀ bɨrɨ nɨŋ ɨghɨjìm mbe nɨ yeʼ ɨkaŋ mbɨ mbe nɨ yeʼ ɨgwɨ ə si fɔtɨ mbɨ Kristo nɨ yeʼ ətu ɨgwɨ ɨghɨ mbe jìm.

Kòlosè 1:18

Məd yɨ ətu rɨ ənɨ nyamnyod məd, əne yɨ ɨfetɨ bə̂d Kristo. Məd yɨ ɨkɔ rɨ ənɨ ɨfetɨ we. Məd yɨə bə ə wan-fə̀d nɨ zwemə tɨ ənɨ ɨvɨ. Əne yɨ ni məd yɨ ə̀chèmbì ənɨ ɨghɨjìm.

2 Tès 1:12

Tɨ̀ wɨə kɔ̀ŋgɨ̀ ə Ŋwiə̀ ni bə̂d wumnɨ Ə̀nùŋɨ̀sɨg Yeso ɨmbə̀ʼ əwən. Tɨ̀ wɨə bə̀ kɔ̀ŋgɨ̀ə̀ ni bə̂d bə wumnɨ əwən. Ənû zɔ̂ ə bɨrɨ ghɨ̀ ɨmbə̀ʼ ɨghəm nɨ a Ŋwiə̀ mbɨ Ə̀nùŋɨ̀sɨg Yeso Kristo mbɨə ghɨ̀ ɨ̀chɔ̀m ənɨ ə nən.

Mə̀Hibrù 1:4

Ŋwìə̀ nyaʼa ghɨ ni Wan məd dabə chè mbɨ̀aŋgɨrə̀, ɨchî nɨ ɨkum we nɨ wɨ̀ nyaʼa naʼ ɨ bɔ bə chè wɨ mɨ̀mə̌d.

Mə̀Hibrù 1:9

À wɨə ghaʼə ɨnû nɨ kuʼnɨ bə̀ bànə̀ mbe nɨ chəi mbɨ kuʼnɨ, əne Ŋwìə̀, e Ŋwìə̀ fə zɔʼ e ənɨ mɨwud ɨmbə̀ʼ ɨghaʼi swi ɨŋga e fîŋ. Wɨ̀ fə zɔʼ e chè ɨchî nɨ wɨ̀ zɔʼ mbe bɔŋgɔb.”

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

Mə̀Hibrù 2:9

Àyɨə tɨ̀ wɨə zə ə Yeso nɨ Ŋwìə̀ nyaʼa ghɨ ni wɨ̀ tɔ swiʼ əton mbɨ̀aŋgɨrə̀ ənɨ ɨkə nyumə̀. Wɨ̀ fə ghɨ̀ ni wɨ̀ berɨ ɨzeŋɨ zeŋɨ bə̀ berɨ ɨwumnɨ. Wɨ̀ nyaʼa zə ŋgəʼ kwɨ, ɨmbə̀ʼ ənjìm ɨ̀chɔ̀m Ŋwìə̀, ɨ we tɨ̀ wɨ̀ kwɨ ɨgwɨ ətu ə bə̂d mɨ̀jìm.

1 Pità 3:22

Wɨ̀ fə wo ɨkaŋ pè chub əbà əbɔ ə jɨgɨ ə Ŋwiə̀. Ɨ wɨə sɨə tùmbɨ̀ mbɨ̀aŋgɨrə̀ bə̀ tùmbɨ̀ ɨzwî jìm mbe nɨ yeʼ ɨkaŋ fɔrɨ ɨgwɨ ə si.

2 Pità 1:17

Ŋwìə̀ Mbǎʼ nyaʼa nàʼ ɨwumnɨ bə̀ nàʼ ɨzeŋɨ zeŋɨ ɨ bɔ ənɨ ə nyùmə̀ we nɨ gɨ̂ Ŋwìə̀ we nɨ mbɨə nàʼ ɨwumnɨ kyeŋ ɨ bɔ nyaʼa gham ɨ bɔ ni, “Wɔ̂ yɨ mɨ Wan nɨ mə̀ ghaʼi kwàʼ rɨŋgəʼ, mɨ fîŋ ə bɔ̀ŋ əku ɨmbə̀ʼ əməd!”

3 Jɔn 1:7

ɨmbə̀ʼ ɨghəm nɨ mbɨ fə jwɨ̀ ɨ wo fàʼ əmbɨ Kristo nɨ chəi mbɨ ben nɨ nɨŋ əghɨ ə mɔʼɔ rɨ əmbɨ ə bə̂d mbe nɨ chəi mbɨ kɨrɨ ben ə Kristo.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 11:15

Aŋgɨrə̀ we nɨ pe ənɨ mbɨ sambe nyaʼa fə i tàŋ, əne gɨ̂ rɨ kǎ kǎ mɔʼɔ tɨə nyaʼə gham rɨkaŋ ghàə̀ ni, “Ənû ɨfɔ̀n rɨ ɨgwɨ ɨsɨg fə bèŋ sɨ ənû ɨfɔ̀n a Ə̀nùŋɨ̀sɨg mbɨ əzɨ wə̀d məd we nɨ wɨ̀ zɔʼɔ. Əne məd bɨrɨ tumbɨ ɨsɨg koŋ koŋ.”

Ɨnû 19:16

Ɨkum wɨə nyaʼa ɨgun ə ngywɨ̌ məd bə̀ fɔrɨ ɨgun ɨbi ɨwu ɨməd. Ɨkum we yɨ ni: Ɨfɔ̂n ɨgwɨ mɨfɔ̀n mbɨ Ə̀nùŋɨ̀sɨg ɨgwɨ mɨ̀-ə̀nùŋɨ̀sɨg.

Ɨnû 3:21

Mə bɨrɨ ben ni wə̀d we nɨ baŋ ɨnû rɨbɔ̀ŋ chub ɨgun ətən ɨfɔ̀n ɨban num, àmei ɨchî nɨ mə̀ nyaʼa bə baŋ mbɨ bə̂d pə̀n əne chub ɨban mɨ Mbǎʼ ɨgun ətən ɨfɔ̀n əməd.

Ɨnû 5:12

Ɨ mbɨə nyaʼə kwerɨ ɨkyî ənɨ ə gɨ̂ kǎ kǎ ghàə̀ ni, “Wan njɨ̀g we nɨ mbɨ nyaʼa kyemɨ ə kùʼ ni mbɨ naʼ ɨka, naʼ mbɔ̂n, naʼ ɨwe, naʼ ɨwumnɨ bə̀ naʼ ɨzeŋɨ zeŋɨ ɨ bɔ. Wɨ̀ bə̀ kùʼ ni mbɨ zɨ əbɔrəbɔd ɨgwɨ məd!”