Fìlipì 1:19 - Meta’

¹⁹ Mə wɨə ghaʼ ɨmbə̀ʼ ɨghəm nɨ mə̀ kyerɨ ni ənjìm ə̀kɔ̀ŋgɨ̀ ze nɨ mbən ə kɔ̀ŋgɨ̀ə̀ bə̀ fɔrɨ ənjìm ə̀wèèrɨ̀ ze nɨə nɔʼ rɨ əmbɨ Əzwî ə Yeso Kristo, Ŋwiə̀ bɨrɨ chɨ əmɨ rəŋgəʼ koŋ.

Ikan feg

¹⁹ Mə biri ya gyènde imbə̀ʼ icheg ne mə̀ kyèri gha, inga inug mbo̰ ijìm, mə biri dù inga ngəʼ. Mə kyèri ane imbə̀ʼ icheg ne mbə̰ mbe chàʼrà Ŋwiye inum, Azwighi Yeso Kristo ze bə̀ wètè amə.

Fìlipì 1:19 Cross References

Ɨ̀fàʼì 16:7

Ənɨ mbɨ nyaʼə sɨə wò pe ə Misià, mbɨ nyaʼa kəb ni njɨ mbə wo nyɨ ə Bitinià, àyɨə chəi Əzwî ə Yeso ə nyaʼa ben ni mbɨ wo nyɨ ɨŋga əbà əbeŋ ze.

Rm 8:28

Tɨ̀ kyerɨ ni ənɨ ɨnû jìm, Ŋwìə̀ wɨə fàʼə̀ ni bə̂d mbe nɨ ghaʼ əməd zə ɨ̀chɔ̀m, əne yɨə bə̂d mbe nɨ wɨ̀ nyaʼa tɔŋ ni mbɨ yeʼ mbɨ bə̂d ɨchî nɨ wɨ̀ nyaʼa fə nuŋɨ.

Rm 8:9

Àyɨə chəi mbə̀n ə ghɨ̀ ɨnû mbe nɨ nyamnyod ə feenɨə. Mbə mbɨə ghɨ̀ yeʼ mbe nɨ Əzwî ə ghà ɨ nən, əne yɨ əwù ze nɨ Əzwî ə Ŋwiə̀ ə kaŋ yeʼ ɨŋga nən. Ka wə̀d we nɨ chəi Əzwî ə Kristo ɨŋga məd yɨ i wə̀d Kristo.

1 Kɔrèn 4:17

Əzɔ̂ yɨ əton nɨ mɨə tom ə Timotì əsɨ nən. Məd yɨ mɨ wan nɨ mə̀ ghaʼi kwàʼ rɨŋgəʼ. Məd wɨə fàʼ əmbɨ Ə̀nùŋɨ̀sɨg ənɨ i fîŋ jìm. Məd bɨrɨ nɔɔrɨ mbə ɨtu ɨmbə̀ʼ ɨnû mbe nɨ mə̀ nyaʼə ghɨ̀ ənɨ mə̀ nyaʼa ben ə Kristo Yeso, nɨ yeʼ ɨnû mbe nɨ mɨə chwi ɨsɨ jìm ɨŋga rɨfetɨ bə̂d Kristo rɨjìm.

2 Kɔrèn 1:11

ɨchî nɨ mbə̀ə kɔ̀ŋgɨ̀ ə Ŋwiə̀ ɨgwɨ na. Mbə mɨ ghɨ̀ əne, bə̂d mɨ̀nɔnɔʼ bɨrɨ naʼ məben-əwe əmbɨ ə Ŋwiə̀ ɨmbə̀ʼ əwa, ɨmbə̀ʼ ɨghəm nɨ wɨ̀ bɨrɨ wiirɨ ə̀kɔ̀ŋgɨ̀ ə bə̂d mɨ̀nɔnɔʼ, əne nàʼ əghɨ ze nɨ mbɨ kɔŋgɨ əməd nɔn.

Gàlesìyà 3:5

Ŋwìə̀ we nɨ naʼ Əzwî ɨ nən bə̀ faʼ ɨnû yiirɨ əkaʼ nən wa nyaʼa ghɨ əne ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?

Gàlesìyà 4:6

Ɨchî nɨ mbə̀ yeʼ bɔn, Ŋwìə̀ fə chà Əzwî ə Wan məd ɨŋga ta fîŋ. Əzwî ze ə zɨə kyeŋə ghàə̀ ni, “Mbǎʼ, mɨ Mbǎʼ!”

Fìlipì 1:18

Ka əze yɨ i ənû ə mɔʼɔ! Ənû ə kyeŋ nɨ yeʼ əŋgu yɨ ni ənɨ mɨnə̂njɨ̀ jìm, kɨ̀ à kɨ mbɨ ə fîŋ chɔ̀m kɨ̀ mbɨ ə fîŋ rɨbɔ̀ŋ, mə wɨə ghaʼə ni ɨ mbɨə ghà ɨkə̂n chɔ̀m ɨmbə̀ʼ ə Kristo.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.