2 Kɔrèn 2:9 - Meta’

⁹ Mə nyaʼa ŋwaʼnɨ ə̀ŋwàʼnɨ̀ ze ɨmbə̀ʼ zweʼrɨ əwən ɨ zə ni mbə mbɨə zuunɨ əmɨ ənɨ ɨnû jìm ə.

Ikan feg

⁹ Mə ya chà àŋwàʼrì ze inən ni nèn gha kə̀ mbə biri zùgrə tikə te tijìm ne mə̀ nàʼà inən.

2 Kɔrèn 2:9 Cross References

2 Kɔrèn 10:6

Ənɨ mbə̀ fə chwi ni mbə mbɨə zuunɨ ə Kristo, tɨ̀ bɨrɨ sɨ zɨ ɨchə ɨgwɨ ə bə̂d mbe nɨə chəi mbɨə zuunɨ əməd.

2 Kɔrèn 2:3

Mə nyaʼa ŋwaʼnɨ ə̀ŋwàʼnɨ̀ ze ɨchî nɨ mə̀ nyaʼa ŋwaʼnɨ, ɨmbə̀ʼ mə mɨ yeʼe, tɨ bə̂d mbe nɨ kəʼ berɨ ghɨ ni ɨghaʼi swi ɨŋga mɨ fîŋ wɨrɨ bèŋ ə tɔɔnɨ mɨ fîŋ. Mə kyerɨ rəsìʼ ɨmbə̀ʼ mbə̀n mɨjìm ni ɨghaʼi mɨ swi ɨŋga mɨ fîŋ, wɨ bɨrɨ bɨ swi ɨŋga tən.

2 Kɔrèn 2:4

Ənɨ mə nyaʼa ŋwaʼnɨ ə̀ŋwàʼnɨ̀ ze ɨ nən, mə nyaʼa kàŋ kə̀n əku, mɨ fîŋ bə̀ tɔb əmɨ, əne mə nyaʼa zə̀ʼ. Chəi mə̀ nyaʼa ŋwaʼnɨ ɨmbə̀ʼ tɔɔnɨ tə fîŋ. Mə nyaʼa ŋwàʼnɨ̀ ɨmbə̀ʼ mbə̀ kyerɨ ni mə kàŋ ghaʼ əwən kwàʼ rɨŋgəʼ.

2 Kɔrèn 2:8

Əne mə wɨə buʼ ɨbɔ ɨ nən ni mbə̀ chwi ɨ bɔ ni mbə kɨrɨ ghaʼ əməd.

2 Kɔrèn 8:2

Ɨ mbɨə nyaʼa zə ŋgəʼ əku, àyɨə ɨghaʼi nyaʼa swi ɨŋga fîŋ tɨ mɨ̀mə̌d. Əze ə nyaʼa ghɨ̀ ni mbɨ saŋnɨ chè əbɔ, ka à bè yeʼi ni ɨkwaŋ mɨ̀mə̌d nyaʼa bə̀ chè əbɔ.

2 Kɔrèn 8:24

Əne mbə̀ chwi ənweenɨ əmbɨ ə bə̂d mbɔ̂ ni mbə ghaʼ mɨ̀mə̌d, bə̀ chwi əton nɨ tɨə goŋ ɨgɔ̂ ɨmbə̀ʼ əwən, ɨmbə̀ʼ tɨfetɨ bə̂d Kristo te zə.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 2:22

Mbə kyerɨ ə ni Timotì nyaʼa chwi nɨ tə yɨə wə̀d ə̀fàʼì chɔ̀m. Ɨghabɨ ə wan mbɨ i mbǎʼ, wɨ̀ fə fàʼ mbɨ num nɨ gha ɨkə̂n chɔ̀m.

2 Tès 3:14

Wə̀d mɔʼɔ mɨ ton i nɨ zuunɨ ɨnû mbe nɨ tɨ̀ ŋwaʼnɨ ɨŋga ə̀ŋwàʼnɨ̀ zɔ̂, mbə̀ nweenɨ əməd. Tɨ mbə̀ berɨ ə ənû ə mɔʼɔ nɨ ghɨ mbɨ məd, ɨmbə̀ʼ ətu ə nid ɨ bɔ.

Filemɔ̀n 1:21

Mə kàŋ kyerɨ ənɨ rəsìʼ ni à bɨrɨ ghɨ ɨnû mbe nɨ mə gha ɨ ne. Mə wɨə ŋwaʼnɨ ɨ ne ni à kyerɨ ni à bɨrɨ ghɨ ɨnû mbe chè ɨchî nɨ mə̀ nyaʼa ghɨ ɨ ne.