2 Kɔrèn 1:8 - Meta’

⁸ Mba bɔŋgɔb, tɨ̀ kə̀b ni mbə kyerɨ ŋgəʼ ze nɨ tɨ̀ nyaʼə zə ɨŋga əbà əbeŋ ze rɨ ə Esià. Ɨkom we nɨ mbɨ nyaʼa zɨ ɨgwɨ na nyaʼa kaŋ faŋ bə̀ nìd kəb nyem əwa. Wɨ̀ nyaʼa ghɨ̀ tɨ̀ kɔndɨ ni chəi tɨ̀ bɨrɨ wɨrɨ chub ɨkǎ.

Ikan feg

⁸ Ìmba məfi fɔrɔ ìta njàbi, tì kə̀b gha mbə̀ wendi iku ngəʼ ne tì ya zə̰ inga aba aben ze a Esìyà. Ngəʼ ne tì ya zə̰ ya nìd ako ne chəyi tì ya ywirì kyèri gha tì biri nyìʼ. Tì ya kɔndi gha chəyi tì biri chughi izɔm.

2 Kɔrèn 1:8 Cross References

Ɨ̀fàʼì 16:6

Pɔ̂l mbɨ Sailàs fɔrɨ ə Timotì nyaʼa wò chè ə Frigìà nɨ nyaʼa ɨŋga əbà əbeŋ ze rɨ ə Gàlesià. Chəi Əzwî ə Zeŋɨ ə nyaʼa ben ni mbɨ ghà ɨŋgam Ŋwiə̀ ə Esià.

Ɨ̀fàʼì 19:41

Ənɨ wɨ̀ nyaʼa gha əne, wɨ̀ nyaʼa ghà əmbɨ ə bə̂d mbe nɨ nyaʼa fetɨ ni mbɨ sɨ wo əwən.

Ɨ̀fàʼì 2:9

Tɨ̀ yɨ rɨ ə Patìà, rɨ ə Medìà bə̀ fɔrɨ rɨ ə Elàm; tɨ̀ yɨ rɨ ə Mèsòpòtemìà, rɨ ə Jùdeyà bə̀ fɔrɨ rɨ ə Kàpàdosìà; tɨ̀ yɨ rɨ ə Pontùs bə̀ fɔrɨ rɨ ə Esià;

Rm 1:13

Mbɨ bɔŋgɔb, mə kə̀b ni mbə̀ kyerɨ ni mə wɨə nyaʼə kàŋə̀ kə̀b nɨ yeʼe əsɨ nən ɨghəm nɔnɔʼ, àyɨə ɨnû mɔʼɔ nyaʼa kən əmɨ. Mə nyaʼa kəb yeʼe ɨmbə̀ʼ mə̀ ghɨ ni bə̂d mɔʼɔ rəkaʼ nən ben ə Ŋwiə̀, àmei ɨchî nɨ mə nyaʼa bə̀ ghɨ̀ əkaʼ bə̂d cherə mbe nɨ kaʼi mɨ̀Jû.

1 Kɔrèn 15:32

À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

1 Kɔrèn 16:9

ɨmbə̀ʼ ɨghəm nɨ əpan ə chɔ̀m ə fə jwɨ̀ ɨ num ni mə̀ faʼ ə̀fàʼì ə kyeŋ, àyɨə chəi bə̂d mɨ̀nɔnɔʼ kəbɨ ni mə faʼ ə̀fàʼì ze.

1 Kɔrèn 4:8

Mbə mbɨə ghɨ̀ ɨghabɨ ni mbə fə berɨ ɨghɨjìm mbe nɨ mbə̀ kəbɨ! Mbə mbɨə ghɨ̀ ɨghabɨ ni mbə fə berɨ mbɔ̂n! Mbə mbɨə ghɨ̀ ɨghabɨ ni mbə fə sɨ mɨfɔ̂n, ka à bè yeʼi ni ka tɨ̀ yɨ a mɨfɔ̂n! Mə wɨə kàŋə̀ kə̀bə̀ ni mbə yeʼ mɨfɔ̂n ɨmbə̀ʼ tɨ̀ bə̀ yeʼ mɨfɔ̂n mbɨ nən!

2 Kɔrèn 1:9

À yɨ rəsìʼ ni ə zɨə nyaʼa ɨghabɨ ni mbɨ nyaʼa fə sob ni mbɨ zwiirɨ əwa. Ənû zɔ̂ ə nyaʼa ghɨ̀ ɨmbə̀ʼ tɨ̀ rɨ zɨ a mba ɨnû ɨŋga ta rɨkyerɨ-ɨbɔ. Zɨə nyaʼa ghɨ̀ ɨmbə̀ʼ tɨ̀ zɨ mba ɨnû yeʼ ɨŋga rɨkyerɨ-ɨbɔ Ŋwìə̀ we nɨə zwemnɨə bə̂d.

2 Kɔrèn 6:9

Bə̂d mɔʼɔ mbɨə ghɨ̀ mbɨ na ɨghabɨ ni chəi mbɨ kyerɨ əwa, àyɨə mbɨ kàŋ jeŋgɨ kyerɨ. Bə̂d mɔʼɔ mbɨə som əwa, àyɨə chəi mbɨ kɨrɨ zwiirɨ əwa.