1 Jɔn 1:7 - Meta’

⁷ Tɨ̀ mɨ yeʼ ɨŋga ɨzeŋɨ zeŋɨ, ɨchî nɨ məd ziə bə yeʼ ɨŋga ɨzeŋɨ zeŋɨ, njɨ tɨ̀ wɨ ənɨ ɨfɔtɨ mbǎ mbǎ, əne ənəm ə Yeso, Wan məd, ə zɨə sò mba ɨnû rɨbɔ̀ŋ jìm.

Ikan feg

⁷ Tì mə̀ yaʼ inga ìzḛzḛ icheg ne məd bə̀ yaʼ inga ìzḛzḛ, nji tì biri yaʼ ane ifɔti mba mba, anəm Yeso Ŋwan Ŋwiye bə̀ sò ìmba inug tibɔ̀ŋ ijìm.

1 Jɔn 1:7 Cross References

Matìyò 6:12

Waʼ mba ɨnû rɨbɔ̀ŋ, ɨchî nɨ tɨ̀ fə waʼ ɨnû rɨbɔ̀ŋ bə̂d mbe nɨ gù ɨnû ɨ na.

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Jn 12:35

Yeso nyaʼa ghà əmbɨ mɨ̀mə̌d ni, “Ɨzeŋɨ zeŋɨ wɨə kɨrɨ əkaʼ nən ənɨ ɨkə nyumə̀. Mbə̀ yen ənɨ ɨsɨ ə kɨrɨ zeŋə, ɨmbə̀ʼ tɨ əfub ə kən i əwən. Chəi wə̀d we nɨə yèn əkaʼ əfub kyerɨ əsɨ ze nɨ wɨə wò əŋgu.

Jn 5:4

ɨmbə̀ʼ ɨghəm nɨ aŋgɨrə̀ Ə̀nùŋɨ̀sɨg nyaʼə kɨə swiʼə wò ɨŋga ətuŋ ze pè nɔm mɨnib. Zɨə nyaʼa chwi ni wə̀d əwɔn we nɨ nyaʼa be nyɨ ɨŋga ətuŋ ze, ənɨ aŋgɨrə̀ we nyaʼa nɔm mɨnib mbe, nyaʼa bɔtɨ rɨ ənɨ əwɔn ze nɨ wɨ̀ nyaʼə wɔ̀nə̀.]

Rm 13:12

Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

1 Kɔrèn 6:11

Bə̂d mɔʼɔ rəbɔʼ nən mbɨə nyaʼə ghɨ̀ ɨnû mbɔ̂. Àyɨə Ə̀nùŋɨ̀sɨg Yeso Kristo mbɨ Əzwî à Ŋwiə̀ fə sò əwən bə̀ zeŋnɨ əwən, ghɨ̀ mbə təm kùʼnɨ̀.

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Efesùs 5:8

À nyaʼa ənɨ ə nyùmə̀ mɔʼɔ, mbə mbɨə nyaʼa ɨŋga ɨsɨ firɨ, àyɨə tɨ̀nîn nɨ mbə̀ sɨ bə̂d Ə̀nùŋɨ̀sɨg, mbə mbɨ ɨŋga ɨzeŋɨ zeŋɨ. Əne mbə̀ chub ɨghabɨ ə bə̂d nɨ yeʼ ɨŋga ɨzeŋɨ zeŋɨ,

1 Timotì 6:16

Àmei məd we mɔʼ nɨ chəi wɨ̀ bɨrɨ nɔ kwɨ. Məd wɨə chub ɨŋga ɨzeŋɨ zeŋɨ we nɨ chəi ənɨ tɨ wə̀d tindɨ ɨban. Chəi wə̀d mɔʼɔ kweʼ zə əməd. Chəi wə̀d mɔʼɔ bɨrɨ nɔ zə əməd. Ɨsɨg jìm wumnɨ əməd, məd bə̀ tumbɨ ɨsɨg mbɨ ɨka we nɨ ten i koŋ. À yɨ əne.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.

Mə̀Hibrù 9:14

njɨ ənəm ə Kristo ə bɨrɨ zeŋnɨ əwa chè. Əzwî ze nɨ ten i koŋ ə nyaʼa ghɨ̀ ni Kristo naʼ i ɨnyod əmbɨ ə Ŋwiə̀ ənɨ əghɨ ə̀fà nɨ chəi ənɔʼɔ ɨmbə̀ʼ zeŋnɨ ta fîŋ tɨ ənɨ ɨnû rɨbɔ̀ŋ mbe nɨə ghɨ̀ ni bə̂d kwɨ. Əne yɨ ɨmbə̀ʼ tɨ̀ faʼ əmbɨ ə Ŋwìə̀ we nɨ yeʼ ɨkǎ.

Jems 1:17

Ɨghɨ chɔ̀m jìm mbɨ ɨneʼe jìm we nɨ bɔŋɨ màànɨ̀ yɨ rɨkaŋ. Mbɨ yɨ rɨ əmbɨ ə Mbǎʼ we nɨ nyaʼa tekɨ ɨghɨjìm mbe nɨ yeʼ ɨkaŋ, nɨ à yɨə məd ə nàʼ ɨzeŋɨ zeŋɨ. Kaʼ məd wɨə kwepɨ i. Kaʼ ɨchî nɨ wɨə beŋ ɨnyod wɨə ghɨ̀ i ni ɨsɨ fin.

1 Pità 1:19

Wɨ̀ nyaʼa choʼ yeʼ ənɨ ənəm əka ɨnun ze nɨ Kristo nyaʼa chəmnɨ. Kristo yɨ ɨghabɨ ə wan njɨ̀g nɨ chəi ənɔʼɔ kɨ̀ ədurɨ ɨgun.

1 Jɔn 1:3

Ɨnû mbe nɨ tɨ̀ nyaʼa zə bə̀ zu yɨ mbɔ̂ tɨə ghà ɨ nən. Əne yɨ ɨmbə̀ʼ mbə̀ fɔtɨ mbɨ na ənɨ ɨfɔtɨ we nɨ tɨ̀ berɨ mbɨ Mbǎʼ bə̀ berɨ mbɨ Wan məd Yeso Kristo.

1 Jɔn 1:5

Ɨkə̂n we nɨ tɨ̀ nyaʼa zu rɨ əmbɨ ə Wan Ŋwìə̀, nɨ tɨə bə̀ ghà ɨ nən yɨ ni, Ŋwiə̀ yɨ ɨzeŋɨ zeŋɨ, fɔrɨ ni chəi ɨsɨ firɨ berɨ ənû ə mɔʼɔ nɨ ghɨ̀ mbɨ məd.

1 Jɔn 5:6

Ənɨ Yeso Kristo nyaʼa yeʼe, wɨ̀ nyaʼa chwiə ni tə yɨə Wan Ŋwìə̀ ɨchî nɨ wɨ̀ nyaʼa nɨŋ mɨnib mbɨ ɨchî nɨ wɨ̀ nyaʼa chəmnɨ e ənəm əzed ə baʼnɨ. Chəi wɨ̀ nyaʼa nɨŋ àmei mɨnib, wɨ̀ nyaʼa nɨŋ mɨnib bə̀ chəmnɨ e ənəm. Əzwî ziə ə zɨə ghàə̀ ni ənû zɔ̂ yɨ ənû rəsìʼ, ɨmbə̀ʼ ɨghəm nɨ à yɨə Ŋwìə̀ ə nàʼ Əzwî rəsìʼ.

1 Jɔn 5:8

Mɨ̀zərɨmbin mbe yɨ Əzwî ə Ŋwìə̀, mɨnib mbɨ ənəm. Mɨ̀zərɨmbin mbɔ̂ mɨ̀tad mbɨə ghà àmei ənû ə mɔʼ.

2 Jɔn 1:4

Mə nyaʼa kàŋ ghaʼ əku nɨ zə ni mbe bɔn mɔʼɔ mbɨə beenɨ əbɔʼ rəsìʼ àmei ɨchî nɨ Mbǎʼ nyaʼa gha ɨ na.

3 Jɔn 1:4

Chəi ɨghaʼi cherə ɨŋga mɨ fîŋ nɨ che rɨ ənɨ ɨchî nɨ mə̀ zu ni mbɨ bɔn mbɨə beenɨ əbɔʼ rəsìʼ.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.

Ɨnû 12:11

Mbɨ fə baŋ əməd ənjìm ɨvɨ Wan njɨ̀g bə̀ fɔrɨ ənjìm ɨkə̂n chɔ̀m we nɨ mbɨ nyaʼə ghàə̀. Chəi mbɨ nyaʼə bɔ ɨvɨ, ka à be yeʼi ni ɨ mbɨə nyaʼə kə̀b zwiirɨ mɨ̀mə̌d.

Ɨnû 7:14

Mə nyaʼa wììrɨ̀ ɨ bɔ ni, “Chəi mə̀ kyerɨ, kyɨə masà. Àwɔ̀ ə kyerɨ.” Wɨ̀ nyaʼa ghà ɨ num ni, “Mbɔ̂ yɨə bə̂d mbe nɨ fə chè ɨŋga ŋgəʼ ze nɨ chè əbɔ, àyɨə chəi mbɨ kwɨ. Mbɨ fə sò tə ngywɨ̌ ɨŋga ənəm ə Wan njɨ̀g tɨ sɨə fuə.