1 Kɔrèn 3:15 - Meta’

¹⁵ Əghɨ ze nɨ wə̀d bɔm ə mɨ fɨ ə, wɨ̀ bɨrɨ nim i ɨchɔʼ ə̀fàʼì. Məd ziə bɨrɨ jwɨ̀ rəŋgəʼ àmei ɨghabɨ ɨchî nɨ wə̀d jwɨ rɨŋga ɨwid.

Ikan feg

¹⁵ Àfàʼì wə̀d mə̀ bère ajìm inga iywid we, àze chwi gha tengàŋ sam chùd, si ya gha, wì biri jiʼì pum yi. Ane, wì biri pum kwàʼ icheg wə̀d ne nòrò chè inga iywid.

1 Kɔrèn 3:15 Cross References

Ɨ̀fàʼì 27:21

Ɨchî nɨ mbɨ nyaʼa chub ənɨ əgha ə se zɨ rɨ jɨg, Pɔ̂l nyaʼa nɔ̀ʼ təm əkaʼ mɨ̀mə̌d ghà ni, “Məmbe, njɨ mbə̀ nyaʼa zu ənû ze nɨ mə̀ nyaʼa gha ɨ nən, chub ə Kret. À kɨ nɨ mbə̀ nyaʼa zu, njɨ chəi əfim zɔ̂ ə chəkɨ əbaŋ zɔ̂, njɨ chəi tɨ̀ bə nimnɨ ɨghɨ mbɔ̂.

Ɨ̀fàʼì 27:44

Wɨ̀ nyaʼa sɨ ghà əmbɨ ə̀bùʼ ə bə̂d ni mbɨ beenɨ ɨgun mɨplaŋ fɔrɨ ɨgun tɨkə rɨ ɨghɨ te nɨ nyaʼa sandɨ rɨ ənɨ əbaŋ ze. Wɔ̂ yɨ ɨnə̂njɨ̀ nɨ mbà mɨjìm nyaʼa jwɨ əsaŋ nɨ chəi mbaŋə̀ mɔʼɔ nyɨ ə ŋgəʼ.

1 Pità 4:18

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Zɨə mɨ yeʼe se əmbɨ ə bə̂d mbe nɨə ghɨ̀ ɨnû nɨ kuʼnɨ nɨ jwɨ rəŋgəʼ, njɨ zɨə kɨə wo yeʼ rɨ ye mbɨ mbe nɨ chəi mbɨə wumnɨ ə Ŋwiə̀ fɔrɨ mbe nɨə ghɨ̀ ɨnû rɨbɔ̀ŋ ə?”

2 Jɔn 1:8

Mbə̀ we əwən ɨmbə̀ʼ tɨ mbə̀ nim ə əghɨ ze nɨ mbə̀ fə faʼ ɨmbə̀ʼ əzɨ əwən, àyɨə mbə̀ wo ɨmbì fàʼ ɨmbə̀ʼ mbə̀ berɨ ɨchɔʼ ə̀fàʼì ɨ swi.

Jûd 1:23

chɨ̀ mbɨ mɔʼɔ rɨŋga ɨwid əne chɨ̀ mɨ̀mə̌d rəŋgəʼ. Mbə̀ diirɨ mbɨ mɔʼɔ, àyɨə mbə̀ we əwən ɨmbə̀ʼ ɨnû rɨbɔ̀ŋ mɨ̀mə̌d nɨə tàb əwən. Mbə̀ ban ka àbei ngywɨ̌ te nɨ ɨnyod mɨ̀mə̌d fə fiinɨ ənɨ ɨnû rɨbɔ̀ŋ.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.