Leeter ŋgada Hebəre hay 11:23 - Mofu-Gudur

²³ Ata papaŋ ŋga *Mawiz ta mamaha ta pamara Gazlavay la ŋga ndaw ata fara fara. Anda keɗe, daa masa ata ma yamərwa Mawiz a na, ta ɓadamara la ta ɓey kiya maakar da way. A nəkmara bəzey a na, a mbey ara mey ba. Ata na, kwa ta zluram ta mey ŋga bay Ejip daa ba.

Leeter ŋgada Hebəre hay 11:23 Cross References

Matiye 10:28

Ka da zluram ta ndəhay ma da kəɗmakwar vagay ba, maja a da kəɗam na, vaw akwar daada gway, ama a gwamara a ray mesəfney akwar ba. Zluram na, si ta Gazlavay gway. Aŋga na, a gwa ŋga kəzla vaw akwar ta mesəfney akwar aa vəgeɗ ŋga awaw magaza.

Sləra ŋga Ndəhay Meslərey ŋga Yesu 7:20

«Daa ɗar a ŋgene, a yamərwa *Mawiz, aŋga bəzey membey, ma mbafar a Gazlavay. A gəley da way papaha kiya maakar.

Leeter ŋgada Hebəre hay 13:6

Anda keɗe, kwa waawa da wuzlah aləkwa a gwa ŋga ləvey ta mandərzay daa dey daa ba: «Bay Gazlavay na, ara ndaw ma jənya. Maja ŋgene, ya fa da zlurey kwa ta meeme daa ba, maja ndaw ma gwa ŋga kaya cek maaya ba na, daa ba.»