Rm 8:34 - Ikan feg

³⁴ Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

Meta’

³⁴ À kɨə we nɨ bɨrɨ gha ni mbɨ fə gù ɨsaʼi ə? À wa kɨə Kristo Yeso nɨ nyaʼa kwɨ, ee, nɨ Ŋwìə̀ nyaʼa zwemnɨ, nɨ chub əbà əbɔ ə jɨgɨ ə Ŋwiə̀, kɔ̀ŋgɨ̀ əməd ɨgwɨ mba ɨtu ə?

Rm 8:34 Cross References

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Jn 14:19

Àsi bùʼ məyi ikə nyumə̀ ne chəyi bəd igun isəg biri ywiri bàd amə. Si ya gha, mbə̰ biri bàd amə. Icheg ne mə̀ yaʼi izɔm, à ya bə̀ icheg ne mbə biri yaʼ izɔm.

Jn 16:23

Anyumə̀ ne aneg ze biri pè, chəyi mbə̀ biri biri anug mɔ̀ʼɔ inum. Mə ghà ya tesiʼ inən gha, anug ne mbə̀ biri biri abə ìmə Mbaʼ inga ìmə ikum, wì biri fàʼ inən.

Ɨ̀fàʼì 2:24

Si ya gha, Ŋwiye ya zwemni aməd ane iwu, chì aməd ane ika we ne iwu beri imbə̀ʼ icheg ne chəyi iwu ya beri ika ni nyimi aməd.

Rm 14:13

Ane, imbə̀ʼ tì ywiri sɔ̀bɔ awa isaʼi igun wə̀d gha wè gùg anug. Mbə̀ nɔŋɔ inga ìtən fìŋ gha chəyi mbə̀ biri ghì wə̀d mɔ̀ʼɔ abɔ̀ʼ inən gùg anug, kə̀ ghì ìwən ifi kùn feg.

Rm 14:9

Ane, Kristo ya ku, Ŋwiye zwèmni aməd ni gha wì yaʼ Anɔŋisəg abə bəd ne yaʼi izɔm fɔrɔ abə bəd ne fə ku.

Rm 4:25

À ya məd Yeso, Anɔŋisəg we ne Ŋwiye ya cha, wì ku imbə̀ʼ ìmba inug tibɔ̀ŋ. Ŋwiye ya zwemni aməd ane iwu ni ghì gha tì təm kòʼ imbìghè abə Ŋwiye.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 8:27

Ŋwiye we ne bàrà inug mbe ne yaʼi inga ìta fìŋ, à ya məd kyeri anug ne Azwighi Ŋwiye ze kɔ̀ndɔ. À ya ane imbə̀ʼ icheg ne Azwighi Ŋwiye ya bòʼo ibo abə Ŋwiye atog abə bəd Ŋwiye, ghà inug kwàʼ icheg ne Ŋwiye kə̀bi.

Kòlosè 3:1

Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 7:25

Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.

Ɨnû 1:18

Mo ya wə̀d we ne yaʼi izɔm. Mə ya ku, si ya gha, nḛ, mə we izɔm kwàʼ ane ighə̀m imɔʼ. Mə bèrì ika igun iwu bə̀ fɔrɔ igun aben iwu bəd.