Rm 8:10 - Ikan feg

¹⁰ Ane, mbə̰ mə̀ yaʼ ane anug amɔʼ tì Kristo, ka ìtən nyàmnyɔd biri jiʼi ku imbə̀ʼ inug tibɔ̀ŋ, Azwighi Ŋwiye biri ghì mbə̰ jəg ìtḛ̀.

Meta’

¹⁰ Kristo mɨ yeʼ ənɨ ɨfɔtɨ mbɨ nən, ka à bè yeʼi ni tə nyamnyod fə kwɨ ɨmbə̀ʼ ɨnû rɨbɔ̀ŋ, ə əzwî ə zɨ ɨkǎ ɨmbə̀ʼ ɨghəm nɨ mbə̀ fə təm kùʼnɨ̀.

Rm 8:10 Cross References

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

Jn 15:5

Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 4:14

Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Jn 6:54

Wə̀d ne kuri ìmə nyàmnyɔd bə̀ no àmə anəm, wì biri jəg ìtḛ̀ ighə̀m imɔʼ. Mə biri zwemni aməd ane iwu igun aneg ìnwḭ.

Jn 6:56

Wə̀d ne kuri ìmə nyàmnyɔd bə no àmə anəm tengàŋ biri yaʼ ane anug amɔʼ tì inum, mə bə̀ yaʼ ane anug amɔʼ tì məd.

Rm 5:12

Icheg ne inug tibɔ̀ŋ ya nyi inga isəg anjìm wə̀d imɔʼ, iwu ya bə̀ nyi anjìm inug tibɔ̀ŋ. Ane, iwu ya nyi igun wə̀d ijìm imbə̀ʼ icheg ne anjìm wə̀d imɔʼ, wə̀d ijìm ya gùg anug.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

2 Kɔrèn 13:5

Mbə̀ kwaʼri ìtən nyàmnyɔd bə̀ nḛ̀ gha mbə nɔ̀ŋì ibḛfiŋ igun Kristo. Àmə yaʼ aghi ne mbə̀ bari gha chəyi Yeso Kristo yaʼi inga ìtən fìŋ, ane ya gha mbə fə gùg àkwàʼrì ze.

2 Kɔrèn 4:11

Mba mbo̰ ne yaʼi izɔm ya bəd ne yaʼi ichug iwu mà ineg ijìm imbə̀ʼ Yeso ni ghì gha bəd ya bàrà ìtḛ̀ ìwi Yeso inga ìta nyàmnyɔd ìto̰ ne tì ti ku.

2 Kɔrèn 5:21

Ŋwiye ya ghì gha Kristo yaʼ wə̀d inug tibɔ̀ŋ ne chəyi wì ya beri anug tibɔ̀ŋ. Ŋwiye ya ghì ane ni gha tì we tì tì təm kòʼ imbìghè abə Ŋwiye anyumə̀ ne tì yaʼi ane ifɔti tì Kristo.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Efesùs 3:17

Mə we bə̀ chàʼrà Ŋwiye gha ìwən ibḛfiŋ ghiyə Kristo yaʼ inga ìtən fìŋ, mbə̀ bə ya kɔ̀ŋɔ̀ Ŋwiye bə̀ ya kɔ̀ŋɔ̀ ìmbən məfi fɔrɔ ìtən njàbi. Mbə̰ mə̀ ghì ane, mbə biri təm kà inga àkɔ̀ŋì icheg azed ne ighaŋ taŋ nyi aseg bə̀ təm kà icheg nəb ne ati nəb taŋ kà.

Fìlipì 1:23

Inug mbo̰ ibe yaʼ inum inga fìŋ. Mə kɔ̀ŋ ni ku amə, ghò abɔ̀ʼ Kristo ne yaʼi anug ne bɔŋi chè.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.

Kòlosè 1:27

Ŋwiye ya kə̀b gha bəd məd kyeri gha anug kyen ze ne yaʼi inə̀mbi ya fɔrɔ abə bəd mbe ne kayi mə̀Ju. Anug ze ya gha, Kristo we inga inən, mbə̰ mbe ne kayi mə̀Ju. Ane ya gha, mbə̰ biri bə nyi inga kə̀tə̀d məd.

1 Tèsàlonikà 4:16

Anyumə̀ ne Anɔŋisəg zìye biri swiʼi ikaŋ, wì biri ghàm ane gì ka ka. Angirə̀ kyen biri bə ghàm. Tàŋ Ŋwiye biri bə̀ ghàm. Bəd mbe ne ya bḛ Kristo bɔŋ ku biri bi zweme.

Mə̀Hibrù 12:23

À ya bə̀ asiŋi ne tifeti bəd Kristo ne ya ŋwan mbèg Ŋwiye ti fete fə bə̀ ŋwàʼrì ìtɔb tikum ikaŋ àbɔ̀ŋɔ. Mbə yèʼe abə Ŋwiye we ne sàʼa bəd məjìm fɔrɔ ane asiŋi ze ne izwighi bəd yaʼi angu. Bəd mbe ne Ŋwiye fə ghi mbi təm kòʼ bə̀ bɔ̀ŋ mànì ya angu.

Mə̀Hibrù 9:27

À ya icheg ne ze bə yaʼ gha, wə̀d ijìm mənyìʼ ku ighə̀m imɔʼ, si təm imbìghè abə Ŋwiye ane isaʼi, Ŋwiye saʼ aməd.

Ɨnû 14:13

Mə ya si zug gì mɔ̀ʼɔ ne ya ghàmi ikaŋ àbɔ̀ŋɔ gha, “Ŋwàʼra gha: Bəd mbe ne ku ni ko amad anìŋ se ghò imbìghè, ne yaʼi ane ifɔti tì Anɔŋisəg, Ŋwiye ziye àbɔrɔ̀bɔd igun inɔb.” Azwighi Ŋwiye ze gha, “E, à ya kwàʼ ane. Mbi biri zwètì ane ìfàʼì mbe ne mbe fàʼà imbə̀ʼ icheg ne inug mbe ne mbi fə ghi biri beni abɔ̀ʼ inɔb!”