Rm 8:1 - Ikan feg

¹ Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Meta’

¹ Tɨ̀nîn chəi wə̀d mɔʼɔ nɨ tɨ̀ wɨ̀ zɨ̀ ɨsaʼi ɨgwɨ ə bə̂d mbe nɨ yeʼ ənɨ ɨfɔtɨ mbɨ Kristo Yeso,

Rm 8:1 Cross References

Jn 14:20

Aneg ze ghi mə̀ kòʼ, mbə biri kyeri gha mo yaʼ ane anug amɔʼ tì ìmə Mbaʼ. Mbə̰ biri bə kyeri gha mbə̰ mbe ane anug amɔʼ tì inum, mo inum bə̀ yaʼ ane anug amɔʼ tì inən.

Jn 15:4

Mbə mə̀ chè imbìghè ni yaʼ ane anug amɔʼ tì inum, mə biri bə chè imbìghè ni yaʼ ane anug amɔʼ tì nən. Chəyi fìtab azed mɔ̀ʼɔ ne tì fi ko titam ne chəyi fi yaʼ ywìrè yi ane ìtḭ vayìn. À ya icheg ne mbə̀ bə yaʼ. Chəyi wə̀d abɔ̀ʼ inən ne tì wì ghì inug mɔ̀ʼɔ ane ìwi ighəm ne chəyi məd we ywìrè ane anug amɔʼ tì inum.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Rm 16:3

Mbə̀ chàʼri Priskà tì Àkwilà. Mbɔb ya fɔrɔ fàʼà tì inum abə Yeso Kristo.

Rm 16:7

Mbə̀ chaʼra Àndrònikùs tì Junìyàs. Mbɔb ya mə̀Ju ne tì ya yaʼi inɔn tì inɔb inga nəb ndəŋ . Bədtɔm Kristo ya niŋ awɔb ane ijiʼi bəd. Mbɔb ya bḛ Kristo bɔŋ mo se bḛ.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 5:16

Chəyi ineʼi Ŋwiye yaʼi icheg iwu ne ya beri ika igun bəd anjìm anug tibɔ̀ŋ wə̀d imɔʼ. Ŋwiye zì ngəʼ igun bəd məjìm anjìm anug tibɔ̀ŋ wə̀d imɔʼ. Si ya gha, ineʼi Ŋwiye we ne ya yeʼe anjìm inug tibɔ̀ŋ nɔʼ nɔʼ ya ghì bəd təm kòʼ imbìghè abə Ŋwiye.

Rm 7:17

Icheg ne ze yaʼi ane, kayi ywìrè yi mo we ghìyə̀ inug mbe. À ya inug tibɔ̀ŋ mbe ne yaʼi inga inum mbe fàʼà.

Rm 7:20

Mə mə̀ ya fàʼà inug mbe ne chəyi mə̀ kɔŋi ni fàʼ, àze chwi gha, kayi ywìrè yi mo we fàʼà. À ya si inug tibɔ̀ŋ mbe ne yaʼi inga inum mbe fàʼà.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

Rm 8:14

Bəd mbe ne ghìyə̀ inug icheg ne Azwighi Ŋwiye ze nàʼà ika inɔb, mbɔb ya bɔn Ŋwiye.

Rm 8:2

À ya ane imbə̀ʼ icheg ne Azwighi Ŋwiye ze ne ghi gha tì jəg ìtḛ̀ icheg ne tì yaʼi ane ifɔti tì Yeso Kristo, ze fə pumni amə chì ane mə̀nɔ̀ʼɔ̀ mbe ne ghìyə̀ gha wə̀d ya ghìyə̀ inug tibɔ̀ŋ mbe ne zwète bəd.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

Rm 8:39

ka à ya bè tika te ne yaʼi ikaŋ kə̀ tika te ne yaʼi aseg, chəyi aghi mɔ̀ʼɔ inga ighi ijìm mbo̰ ne Ŋwiye tàngi ne tì ze ghì gha imbə̀ʼ Ŋwiye ywiri chè yi imbìghè ni kɔ̀ŋ awa anjìm Yeso Kristo ne yaʼi ìwa Anɔŋisəg.

Rm 8:4

Ŋwiye ya fàʼ anìŋ ni ghì gha mba mbe ne chùghə icheg ne Azwighi Ŋwiye kəbi, ne chəyi te ghìyə̀ inug mbe ne ìta nyàmnyɔd te ghə̀ʼrə̀, tì təm kòʼ icheg ne mə̀nɔ̀ʼɔ̀ Muse chwi.

Rm 8:9

Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 15:22

Bəd məjìm mənyìʼ ku anjìm icheg ne mbi yaʼi ane ifɔti tì Adàm. Ane, bəd məjìm biri bə chughi izɔm icheg ne mbi yaʼi ane ifɔti tì Kristo.

2 Kɔrèn 12:2

Mə kyèri wə̀d mɔ̀ʼɔ ne yaʼi wə̀d Kristo. Ŋwiye ya ghì wì kɔʼ ghò nyi inga àbɔ̀ŋɔ ze ne pè ane itad. Kə̀ wì ya ghò nyi ane nyàmnyɔd kə̀ kayi ane nyàmnyɔd, chəyi mə̀ kyeri. Tèchɔ̀ŋ ya fə si tituʼ ìghum chɔ̀b ikwe ne anug azo̰ ya du.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”

Gàlesìyà 3:26

Mbə bàd amad anìŋ gha, mbə̰ məjìm ya fə si bɔn Ŋwiye anjìm ibḛfiŋ we ne mbə̀ nɔŋi igun Yeso Kristo.

Gàlesìyà 3:28

Ane, chəyi ywìrè yi ikɔpi mɔ̀ʼɔ ane mə̀Ju tì bəd ne kayi mə̀Ju; Kə̀ ifeg tì wə̀d ne kayi ifeg. Chəyi ikɔpi mɔ̀ʼɔ ane mbaŋà kə̀ mə̀yi. Mbə̰ məjìm ya si bəd imɔʼ icheg ne mbə fə se ane anug amɔʼ tì Yeso Kristo.

Gàlesìyà 5:16

Anug ne mə ghà inən ya gha, mbə̀ chughi icheg ne Azwighi Ŋwiye ze kə̀bə̀. Mbə̰ mə̀ chùghi ane, nji chəyi mbə̀ biri ya ghìyə̀ inug tibɔ̀ŋ mbe ne ìtən nyàmnyɔd te kə̀bə̀.

Gàlesìyà 5:25

Icheg ne à ya Azwighi Ŋwiye ze nàʼà ika ina, tì ya ghìyə̀ inug mbe ne Azwighi Ŋwiye ze kə̀bə̀.

Efesùs 1:1

À ya mo Pɔl ne Ŋwiye ya chɔʼi amə gha mə yaʼ wə̀dtɔm Kristo icheg ne məd Ŋwiye kə̀bi ŋwàʼri àŋwàʼrì azo̰. Mə ya ŋwàʼrà anìŋ abə bəd Ŋwiye mbe a Efesùs ne yaʼi ane ifɔti tì Yeso Kristo.

Fìlipì 3:9

Mə ya bə̀ ane anug amɔʼ tì məd. Chəyi mə̀ təmi kòʼ imbìghè abə Ŋwiye anjìm icheg ne mə ghi inug mbe ne mə̀nɔ̀ʼɔ̀ Muse gha. À ya Ŋwiye ghi mə təm kòʼ anjìm icheg ne mə zi ìmə ibḛfiŋ igun Kristo. Mə təm kòʼ imbìghè abə Ŋwiye yaʼ anjìm ibḛfiŋ igun Kristo.