Rm 15:3 - Ikan feg

³ Chəyi Kristo yaya ghìyə̀ məyi inug ne biri bɔ̀ŋ ibo. A ze inga Àŋwàʼrì Ŋwiye gha: “Àzɔ̀mbì ze ne bəd ya zɔ̀mbi awe ze yèʼe igun inum.”

Meta’

³ Chəi Kristo nyaʼa ghɨ̀ ni àmei i fîŋ bɔŋ ə. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Mɨzɔ̂m bə̂d mbe nɨ zɔm əwe fə feŋ ɨgwɨ num.”

Rm 15:3 Cross References

Matìyò 10:25

Ze kòʼ gha àmə̀nənùg yaʼ icheg wə̀d ne chwìte inug ibo. Ze bə̀ kòʼ gha ŋwan àfàʼì bə yaʼ icheg mbaʼ àfàʼì məd. Mbi mə̀ kàrì mbaʼ inga inəbi ane Bezebɔ̀b, nji mbi biri bə kàrì bəd inga inəbi məd ane ikum ni bə chè.”

Matìyò 26:39

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Matìyò 26:42

Anyumə̀ ne Yeso ya gha ane, wì ya ywìrì ghò chàʼra Ŋwiye ane ighəm ne pè ane ibe gha, “Ìmə Mbaʼ, àmə chəyi icheg ne tì Àghò chi ngəʼ ìzo̰ igun inum, nji àghò ghiyə icheg ne àghò kə̀bi.”

Matìyò 27:44

À ya bə̀ ane ne məji mbe ne mbi ya bə kɔ̀mbì igun ized abaʼri yaya bə̀ chàpà aməd.

Jn 15:10

Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Jn 5:30

Chəyi tì mə ghì aghi mɔ̀ʼɔ ane ìmə ika. Mə ya sàʼa bəd məyi icheg ne Ŋwiye gha inum. Mə ya sɔ̀bɔ isaʼi ane icheg ne koʼi imbə̀ʼ icheg ne chəyi mə ghìyə̀ anug ne mə̀ kɔndi. Mə ya ghìyə̀ yaʼ anug ne wə̀d ne cha amə kə̀bi.

Jn 6:38

Aton ya gha, mə nɔ̀ʼ ikaŋ àbɔ̀ŋɔ yeʼe ni fàʼ inug mbe ne wə̀d we ne cha amə wì kə̀bi. Chəyi mə̀ yèʼe ni fàʼ yaʼ inug ne mə̀ kəbi.

Jn 8:29

Wə̀d we ne ya cha amə we yi tì inum. Chəyi wì sàŋi mə tèzìʼì imbə̀ʼ icheg ne mə̀ ya ka fàʼà yaʼ anug ze ne bɔŋi ibo.”

2 Kɔrèn 8:9

Mbə kyèri ìchɔ̀mì we ne Anɔŋisəg Yeso Kristo ya ghì. Wì ya taŋ bèrì ighi, si ya gha, wì ya bə̀ŋə si wə̀d ne chəyi àzi məd. Wì ya bə̀ŋə ane imbə̀ʼ awən ni ghì gha mbə̀ si yaʼ bəd ne beri ighi anjìm icheg ne chəyi wì beri ighi.

Fìlipì 2:5

Mbə̀ ghiyə ìwən ikuchèg yaʼ icheg ìwi Yeso Kristo.

Fìlipì 2:8

Məd we ne ya niŋi nyàmnyɔd si yaʼ wə̀d-aku, wì ya swi ìwi nyɔd aseg, zùgrə Ŋwiye ghò pè ane wì ya bḛ ni ku. Wì ya ku ane yaʼi igun azed abaʼri.