Rm 12:6 - Ikan feg

⁶ Ìta tineʼi ya icha icha icheg ne Ŋwiye ghi ìchɔ̀mì ina. Ineʼi wə̀d mə̀ yaʼ ni ghà ikən Ŋwiye, tengàŋ ya fàʼà icheg ne ibḛfiŋ məd chwi.

Meta’

⁶ Tɨ̀ berɨ mɨneʼe nɨ kwepə beenɨ əbɔʼ ɨchî nɨ Ŋwìə̀ ghɨ ɨ̀chɔ̀m ənɨ ə na. Ɨneʼe wə̀d mɔʼɔ mɨ yeʼ ni wɨ̀ zu ɨkə̂n Ŋwiə̀ ghà, wɨ̀ gha ɨchî nɨ ɨbenɨ məd chwiə.

Rm 12:6 Cross References

Matìyò 23:34

Ane, mə̀ ya anìŋ chà ìmbum bədkə̀n tì ìmbum bəd iwe fɔrɔ ìmbum mə̀chwitì mə̀nɔ̀ʼɔ̀ inən. Mbə̰ biri zweti bəd mɔ̀ʼɔ abɔ̀ʼ inɔb, kɔ̀mbì mbi mɔ̀ʼɔ igun azed abaʼri, bə̀ ywìri bəd mɔ̀ʼɔ abɔ̀ʼ inɔb inga ìmbən məchamì Ŋwiye. Mbə̰ biri bə kamni ìmbum bədtɔm mɔ̀ʼɔ chà mbi sàkà ghò iben iben.

Matìyò 25:22

Wə̀d àfàʼì we ne ya niŋi ìbàn ikab gol ibe ya bə̀ nyi ghò ghà mbaʼ àfàʼì we gha, ‹Masà, àghò ya nàʼ ìbàn ikab gol inum ibe. Nḛ, mə fə jəg njìm ìbàn ndəŋ ibe.›

Lk 11:49

Ŋwiye ya fə we yi ni ghà imbə̀ʼ anug azo̰ gha, ‹Mə biri chà bədkə̀n tì bədtɔm inɔb. Mbi biri zweti ìmbi mɔ̀ʼɔ bə̀ chɔʼ ibɔʼì ighog abə mə̀mbin.›

Ɨ̀fàʼì 13:1

Bədkə̀n Ŋwiye tì mə̀chwitinùg ya yaʼ inga ifeti bəd Kristo we a Antìyɔ̀g. Mbɔb yaya: Bànabàs tì Sɔl tì Simìyòn we ne mbi yaya bə̀ kàrà ane Nayijà tì Lusìyùs ne ya nɔ̀ʼi a Sayirèn fɔrɔ Manìyàn ne ya kweghi tì Erɔ̀d we ne yaʼi gɔbnà.

Ɨ̀fàʼì 15:32

Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Ɨ̀fàʼì 2:17

Wì ya gha, ‹Ŋwiye gha, inga ineg mbe ne se nwḭ̀yḛ̀, mə biri chà àmə Azwighi igun bəd məjìm. Ìmbən bɔn mbaŋà fɔrɔ bɔn àyi biri se ghà ikən Ŋwiye. Ìmbən bɔn ijɔŋ biri se bàrà inati njə̀m. Ìmbən inṵ bəd biri bə se bèrè njə̀m.

Ɨ̀fàʼì 21:9

Məd ya bèrì bɔn àyi məkwè ne chəyi mbi ya kiri nami. Bɔn àyi mbe yaya ghà ikən Ŋwiye.

Rm 1:11

Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

Rm 12:3

Ane, icheg ne Ŋwiye fə ghi ìchɔ̀mì inum gha mə yaʼ wə̀dtɔm Kristo, mə̀ ya anìŋ ghà abə wə̀d ijìm ne abɔ̀ʼ inən gha, imbə̀ʼ wə̀d nìŋə yi ìwi nyɔd ane wə̀d kyen chè icheg ne wì yaʼi. Wə̀d ijìm nɔŋɔ ikɔndi yaʼ ni swi ìwi nyɔd aseg. Wə̀d imɔʼ imɔʼ məgri ìwi nyɔd ane ibḛfiŋ we ne Ŋwiye nàʼi ibo.

1 Kɔrèn 12:18

Tesiʼ ya gha, Ŋwiye ya tangi nyàmnyɔd tì isiŋi nyɔd nɔʼ nɔʼ. Isiŋi nyɔd ijìm ya igun nyàmnyɔd icheg ne Ŋwiye kə̀bi.

1 Kɔrèn 13:2

Ka mə bèrì ineʼi ni ghà ikən Ŋwiye, bə̀ kyèri inug ijìm ne yaʼi inə̀mbi, bə̀ bèrì iwe ijìm, bə̀ bèrì ibḛfiŋ ne tì mə ghàm ghì tiwum kye asiŋi ne ti yaʼi angu, àmə chəyi mə̀ kɔ̀ŋɔ̀ bəd, mo ya kwàʼ ati ako.

1 Kɔrèn 14:1

Mbə̀ kirə ika ni ya kɔ̀ŋɔ̀ wə̀d imɔʼ imɔʼ. Mbə̀ bə nɔ̀ŋì ìtən fìŋ igun tineʼi te ne Azwighi Ŋwiye ze nàʼà. Mbə̀ ziye atog yaʼ ane ineʼi we ni ghà ikən Ŋwiye.

1 Kɔrèn 14:24

Anyumə̀ ne mbə̰ mbe ghà ikən Ŋwiye, wə̀d mɔ̀ʼɔ ne kayi wə̀d Kristo, kə̀ wə̀d ne chəyi wì kyeri inug mbo̰, mə̀ yèʼe, wì biri zug anug ne mbə̰ mbe ghà. Wì mə zug, fìŋ məd biri se sàʼa aməd imbə̀ʼ inug tibɔ̀ŋ məd. Bəd məjìm biri bə bḛ gha tengàŋ ya wə̀d inug tibɔ̀ŋ.

1 Kɔrèn 14:29

Bədkə̀n məbe kə̀ mətad, mbe gha ikən Ŋwiye, mə̀mbin si taŋ nèn anug ne mbe ghà.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

1 Kɔrèn 7:7

Wə̀d ijìm kə icheg inum nji ze bɔ̀ŋ. Si ya gha, wə̀d imɔʼ imɔʼ bèrì ìwi ineʼi ne Ŋwiye nàʼi ibo. Wə̀d bèrì ìwi ineʼi, wə̀d ndəŋ bə̀ bèrì iywi.

2 Kɔrèn 8:12

Ane, wə̀d mə bèrì fìŋ chɔm ni wètì bəd bə̀ nàʼ ighi icheg ne abo məd chwi, Ŋwiye biri niŋ ighi mbe ne wì nàʼi. Chəyi Ŋwiye we kə̀bə̀ gha wə̀d naʼa ighi ane mbe ne chəyi wì bèri.

Efesùs 3:5

Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

Efesùs 4:11

À ya məd ya nàʼi tineʼi abə bəd. Wì ya ghì bəd mɔ̀ʼɔ yaʼ bədtɔm, ghì mə̀mbin yaʼ bədkə̀n, ghì bəd mɔ̀ʼɔ yaʼ bəd ne chètè ikən chɔm, ghì mə̀mbin yaʼ bəd ne kyèʼrè bəd Ŋwiye bə̀ ghì mə̀mbin yaʼ bəd ne chwìte inug abə bəd Ŋwiye.

Fìlipì 3:15

Mba bəd Kristo məjìm mbe ne fə təmi kà, tì beri ikɔndi imɔʼ imbə̀ʼ inug mbo̰. Wə̀d mɔ̀ʼɔ mə̀ bèrì yaʼ ikɔndi ndəŋ, Ŋwiye biri ghì atog məd zen.

1 Tèsàlonikà 5:20

Imbə̀ʼ mbə̰ si wèghe awən tikən Ŋwiye te ne bəd mbe ghà.

2 Pità 1:20

Anug mbègtog ne mbə̀ koʼi ni kyeri ya gha, chəyi wə̀d mɔ̀ʼɔ ne tì wì toʼrì anug ze ne bədkə̀n Ŋwiye ya ŋwàʼri inga Àŋwàʼrì Ŋwiye ane ìwi ika.