Rm 10:16 - Ikan feg

¹⁶ Si ya gha, chəyi məIzre məjìm mbe bḛ ikən chɔm we. Wə̀dkə̀n Ŋwiye Àzayà ya gha, “Anɔŋisəg, àkə we bḛ ikən chɔm we ne te ghà?”

Meta’

¹⁶ Àyɨə kaʼi bə̂d mɨjìm kɨrɨ ben ɨkə̂n chɔ̀m we. Wə̀d ɨ̀kə̀n Ŋwìə̀ Aizayà nyaʼa ghà ni, “Ə̀nùŋɨ̀sɨg, à kɨə we fə ben ɨkə̂n we nɨ tɨə ghà ə?”

Rm 10:16 Cross References

Matìyò 13:14

Ze biri yaʼ anìŋ inɔb ni ghì gha anug ze ne wə̀dkə̀n Ŋwiye Àzayà ya gha ze duwə ane tesiʼ. Anug ze ya gha, Mbə̀ biri jiʼì zug, si ya gha chəyi ìmbən itog biri zen. Mbə̰ biri jiʼì nèn, si ya gha chəyi mbə̀ biri bàd.

Jn 10:26

Chəyi mbə̀ bḛ imbə̀ʼ icheg ne, mbə̰ kayi ìtum njə̀g.

Ɨ̀fàʼì 28:24

Bəd mɔ̀ʼɔ ya bḛ anug ne wì yaya ghà, si ya gha, chəyi mbi mɔ̀ʼɔ ya bḛ.

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 11:17

Àmə yaʼ aghi ne mbi ya sɔbi fìtab mɔ̀ʼɔ ane azed olìf tibɔ̀ŋ ghò nàndì ane ibəm azed olìf chɔm, nji mbə̰ mbe ne kayi mə̀Ju ya icheg azed olìf tibɔ̀ŋ ze ne mbi ya nàndì ane àze chɔm. Mbə̰ mbe se bə̀ bèrè àbɔrɔ̀bɔd ze ne mə̀Ju mbe bèrè amad anìŋ.

Rm 16:26

Amad anìŋ, mbi fə tòʼ inug mbe asaŋ inga ìŋwàʼrì mbe ne bədkə̀n Ŋwiye ya ŋwàʼri ghì gha iben ijìm kyeri. Ŋwiye we ne yaʼi ane ighə̀m imɔʼ ya fə ghì ane ni gha iben ijìm bḛ aməd bə̀ zùgri aməd.

Rm 2:8

Àsi bəd mbe ne to̰ awɔb tesiʼ, si nɔ̀ŋì fìŋ se ghìyə̀ yaʼ inug tibɔ̀ŋ fɔrɔ inug mbe ne bɔŋi inɔb, Ŋwiye biri gaŋ tì inɔb, chə awɔb.

Rm 3:3

Si ya gha, chəyi bəd mɔ̀ʼɔ abɔ̀ʼ inən mbe fàʼà anug ne mbi beri ni fàʼ abə Ŋwiye. Ane, Ŋwiye wa biri ton ni fàʼ anug ne wì ya fə nɔŋi gha zìye biri fàʼ?

Rm 6:17

Tè nàʼ məyakà abə Ŋwiye gha, à ya yaʼ mbègtog, mbə̰ ya yaʼ ìbòʼì abə inug tibɔ̀ŋ. Àsi amad anìŋ, mbə̰ mbe se nɔ̀ŋɔ̀ inug feg mbe ne tì fə chwiti inən ane ìzən fìŋ ijìm.

Gàlesìyà 3:1

Mə ya anìŋ ghà inən gha, mbə̰ məGàlesìyà ya kwàʼ inen. Wə̀d ne nùʼi awən àkə we? Mbi ya tòʼrì inən ze dù zen gha Yeso Kristo ya mbi ya kɔ̀mbi igun azed abaʼri!

Gàlesìyà 5:7

Mbə̰ yaya ghìyə̀ inug kwàʼ icheg chɔm. Wə̀d ne si bùrì ìmbən itog ghì gha mbə̀ waʼ ikuchèg tesiʼ gho̰ àkə we?

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

Mə̀Hibrù 11:8

À ya ibḛfiŋ ya ghì gha Abràham zugri Ŋwiye anyumə̀ ne Ŋwiye ya kàri aməd gha wì duwə inga àzi aben ghò ane asiŋi ne Ŋwiye biri nàʼ ibo. Ka chəyi Abràham ya kyeri asiŋi ze ne wì yaya ghò angu, wì ya dù ibo aben ghò.

Mə̀Hibrù 4:2

Ikən chɔm we ne tì ya zughi, bəd mbègtog ya bə̀ zug. Mbɔb ya jiʼì zug ane, si ya gha, chəyi wi ya wèti awɔb imbə̀ʼ icheg ne mbi ya zug chəyi mbi si bḛ.

Mə̀Hibrù 5:9

Ŋwiye ya ghì aməd wì bɔ̀ŋ mànì, bə̀ ghì gha məd yaʼ wə̀d ne pùmnə wə̀d ijìm ne zùgrə aməd ane ighə̀m imɔʼ.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 2:8

A ze bə̀ inga Àŋwàʼrì Ŋwiye gha, “Iteg gho̰ ya we ne biri ghì bəd tə̀ngə̀. À ya bə̀ igho ne biri ghì bəd gùg.” Mbɔb biri gùg imbə̀ʼ icheg ne chəyi mbɔb bḛ ìngam we. À ya icheg ne Ŋwiye ya fə nɔ̀ŋì gha ze biri yaʼ.

1 Pità 3:1

Mə̀yi, mbə̀ swi ìwən nyɔd aseg zùgri ìmbən mənɔm. Àze biri ghì gha ìmbən mənɔm mbe ne chəyi mbi kiri bḛ Ìngam Ŋwiye, mbi biri bḛ anjìm ikuchèg chɔm ne mbə̀ beri.