Rm 1:16 - Ikan feg

¹⁶ Chəyi mə bèrè tìnìrètog imbə̀ʼ ikən chɔm gho̰ ka; à ya ika Ŋwiye we ne pùmnə bəd məjìm ne nɔŋi ibḛfiŋ igun məd. Ikən chɔm gho̰ ya bì yaʼ abə mə̀Ju bɔŋ bəd ne kayi mə̀Ju.

Meta’

¹⁶ Chəi mɨ ətu ə nìd ɨmbə̀ʼ ɨkə̂n chɔ̀m, ɨmbə̀ʼ ɨghəm nɨ ɨkə̂n chɔ̀m yɨ ɨka Ŋwiə̀ nɨə chɨ̀ə̀ wə̀d jìm we nɨ benɨ rəŋgəʼ. Wɨ̀ bɨrɨ be chɨ mɨ̀Jû, beenɨ chɨ̀ bə̂d mbe nɨ kaʼi mɨ̀Jû.

Rm 1:16 Cross References

Mk 8:38

Atog abə wə̀d mɔ̀ʼɔ mə̀ ya nìrè imbə̀ʼ amə fɔrɔ imbə̀ʼ ìmə ìngam inga ikəri bəd gho̰ ne chəyi we ghùmnə Ŋwiye, ne we bə̀ ghìyə̀ yaʼ inug tibɔ̀ŋ, nji atog abə Ŋwan Wə̀d biri bə nìd imbə̀ʼ tengàŋ anyumə̀ we ne wì ywirì yèʼe tì ìmbi mbè angirə̀ ìzḛzḛ tì ika we ne Mbaʼ nàʼi ibo gha wì tumbə isəg.”

Lk 9:26

Wə̀d ne beri tìnìrètog imbə̀ʼ amə fɔrɔ ìmə ìngam, tengàŋ kyeri gha Ŋwan Wə̀d biri bə bèrì tìnìrètog imbə̀ʼ aməd. Wì biri bèrì tìnìrètog imbə̀ʼ tengàŋ anyumə̀ ne wì biri yeʼe ighəm ndəŋ tì ighumni we ne mbaʼ məd tì mbè angirə̀ ìzḛzḛ nàʼi ibo.

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Ɨ̀fàʼì 3:26

Ŋwiye ya chɔʼ ìwi wə̀d àfàʼì bì chà aməd inən gha wì ziye àbɔrɔ̀bɔd igun inən icheg ne we ghìyə̀ mbə̰ bə̀ŋə̀ ìtən fìŋ chìyè ane inug tibɔ̀ŋ.”

Rm 10:17

Ane, bəd ya nɔ̀ŋɔ̀ ibḛfiŋ igun Yeso Kristo anyumə̀ ne mbi ya zughi ikən chɔm imbə̀ʼ aməd. Bəd biri zug ikən chɔm gho̰ abə bəd mbe ne biri ya chètè ikən chɔm imbə̀ʼ Kristo.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

Rm 15:29

Mə kyèri gha anyumə̀ ne mə̀ yèʼe, mə biri ghì mbə̰ bèrì àbɔrɔ̀bɔd ajìm ze ne Kristo ya nàʼà.

Rm 2:9

Ŋwiye biri zì ngəʼ kyen igun wə̀d ijìm ne ghìyə̀ inug tibɔ̀ŋ. Wì biri ko ni zì ngəʼ ze igun mə̀Ju, nɔ̀ʼ ghò igun bəd ne kayi mə̀Ju. Mbi biri zə̰ ngəʼ. Ìtɔb nyàmnyɔd biri bə tɔ.

Rm 4:11

Àŋwerì ze ya yaʼ aneni ni chwi gha Ŋwiye niŋ aməd ane wə̀d ne təmi kòʼ anjìm ibḛfiŋ məd anyumə̀ ne chəyi mbi ya kiri ŋweri aməd. Ane, Abràham ya mbaʼ mbègtog abə bəd mbe ne nɔŋi ibḛfiŋ igun Ŋwiye ne chəyi mbi ŋweri awɔb. Ze ya yaʼ ane ni ghì gha Ŋwiye bə niŋ awɔb ane bəd ne təmi kòʼ.

1 Kɔrèn 15:2

Mbə̰ biri pum anjìm ikən chɔm gho̰ àmə yaʼ ne mbə̀ nyimi Ìngam Ŋwiye we ne mə̀ ya gha inən kwàʼ icheg chɔm. Àmə chəyi ane, nji inug mbe ne mbə̀ nɔŋi ibḛfiŋ igun ya ati ako.

1 Kɔrèn 2:2

Aton ya gha, anyumə̀ ne mə̀ ya yaʼi abɔ̀ʼ inən, mə ya nɔ̀ŋì inum inga fìŋ gha, chəyi mə̀ biri gha anug ndəŋ chèyi ane anug imbə̀ʼ Yeso Kristo fɔrɔ anug imbə̀ʼ icheg ne mbi ya kɔ̀mbì aməd igun azed abaʼri wì ku.

1 Kɔrèn 2:4

Chəyi mə̀ ya ghàmi inug mbo̰ inən ane iwe fɔrɔ ane ìngam nəmi nəmi. Mə yaya ghàmà məyi icheg ne Azwighi Ŋwiye yaya nàʼà ika inum.

1 Kɔrèn 9:12

Bəd ndəŋ mə̀ kə̀ bèrì ati ni biri ighi mbo̰ inən, nji mba bèrì ati ze chè awɔb. Anug ne angu ya gha, chəyi te nḛ̀ igun ighi mbe ne mbə̀ beri ni nàʼ ina. Tè nyìʼ tiku inug ijìm ni ghì gha imbə̀ʼ tì nɔ̀ʼ yaʼ akən ane ikən chɔm imbə̀ʼ Kristo ne tì gha inən.

1 Kɔrèn 9:18

Ane, àmə chùd kə iye? À ya gha mə chètì ikən chɔm ne chəyi wə̀d nàʼi aghi mɔ̀ʼɔ inum, ne chəyi mə̀ bə nèn igun àmə ati ze ne bəd beri ni nàʼ ighi inum.

2 Kɔrèn 2:12

Anyumə̀ ne mə̀ ya gho a Truwàs ni chètì ikən chɔm imbə̀ʼ Kristo, mə̀ ya pè bàd gha Anɔŋisəg fə nàʼ apan inum ni fàʼ ibo angu.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 9:13

Icheg ne mbə̀ nàʼi ighi abə bəd Kristo fɔrɔ abə bəd ndəŋ ni chwi gha mbə̰ mbe zùgrə ikən chɔm imbə̀ʼ Kristo, bəd nɔʼ nɔʼ biri se ghùmnə Ŋwiye.

Gàlesìyà 1:7

Tesiʼ ya gha, chəyi bèyi ikən chɔm ndəŋ angu. À ya gha, bəd mɔ̀ʼɔ mbe kə̀bə̀ ni bùrì ìmbən itog bə̀ kə̀bə̀ ni kɔpi ikən chɔm imbə̀ʼ Kristo ne ya ikən tesiʼ.

1 Tèsàlonikà 2:13

Tì we bə̀ nàʼà məyakà abə Ŋwiye aghəm ajìm imbə̀ʼ icheg ne anyumə̀ ne tì ya yèʼe tì Ìngam Ŋwiye inən, mbə̰ ya zug bḛ gha à ya Ìngam Ŋwiye, kayi ìngam wə̀d-aku. Tesiʼ ya gha, à ya kwàʼ Ìngam Ŋwiye. Ìngam Ŋwiye we we fàʼà inga mbə̰ mbe ne bḛ Kristo.

1 Timotì 1:11

Tì we tì tì bàd tikə Ŋwiye ìto̰ inga ikən chɔm we ne Ŋwiye zi inum ikye abo. Məd ya Ŋwiye we ne bəd mbe yète bə̀ ghùmnə.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

2 Timotì 1:16

Anɔŋisəg Yeso bere àsɔ̀mnəfiŋ igun bəd mbe ne yaʼi inga nəb ìzi Ònèsìforùs imbə̀ʼ icheg ne məd ya nəri amə. Chəyi məd ya beri tìnìrètog imbə̀ʼ amə icheg ne mə̀ yaʼi inga nəb ndəŋ .

2 Timotì 1:8

Ane, imbə̀ʼ àghò bere awe tìnìrètog ni ghàm imbə̀ʼ anug ìwa Anɔŋisəg kə̀ imbə̀ʼ amə, mo ne yaʼi wə̀d ndəŋ imbə̀ʼ aməd. Àghò chuʼri ìwe nyɔd ni ya zə̰ ngəʼ imbə̀ʼ anug ni chètì ikən chɔm imbə̀ʼ Kristo icheg inum. À ya Ŋwiye we nàʼà ika ina.

Mə̀Hibrù 4:12

Aton ya gha, Ìngam Ŋwiye bèrì ika ni fàʼ inug mbe ne Ŋwiye we kə̀bə̀. Ìngam Ŋwiye bèrì ika. Wi ya bə̀ tɔ iba ijìm icheg ibeg ibid. Wi ya mə̀ zùm wə̀d, wì ya ghàpà nyàmnyɔd tì azwighi bə̀ ghàpà iwu tì isɔŋ. Wi bə̀ taŋ bèrì ika ni kyeri inug mbe ne bəd mbe kɔ̀ndɔ bə̀ kyèri inug mbe ne yaʼi inga fìŋ abə bəd.

1 Pità 4:16

Ane, mbə̰ mə̀ ya zə̰ ngəʼ imbə̀ʼ icheg ne mbə̀ yaʼi bəd Kristo, imbə̀ʼ tìnìrètog ghiyə yi awən ka. Mbə̀ ya ghùmnə Ŋwiye gha mbə̰ mbe zə̰ ngəʼ imbə̀ʼ anug Kristo.