Rm 1:11 - Ikan feg

¹¹ Mə ya bòʼo ibo ibo ane imbə̀ʼ icheg ne mə̀ kɔ̀ŋ ni bàd awən ni ghì gha mbə̀ bere ineʼi we ne Azwighi Ŋwiye ze nàʼà imbə̀ʼ təm kà.

Meta’

¹¹ Mə wɨə kàŋə̀ kə̀b zə əwən, ɨmbə̀ʼ mə ghɨ̀ Əzwî ə naʼ ɨneʼe ɨ nən. Ɨneʼe we bɨrɨ ghɨ ni mbə̀ kaanə.

Rm 1:11 Cross References

Ɨ̀fàʼì 16:5

Ane, ibḛfiŋ abə bəd inga tifeti bəd Kristo te tijìm ya təm kà. Inun bəd ne yaya bḛ Kristo yaya yètè igun ineg.

Ɨ̀fàʼì 19:21

Anyumə̀ ne anug imbə̀ʼ bɔn ìmbi Sefà ya fə che, Pɔl ya nɔ̀ŋì inga ìzi fìŋ ni chè a Màsèdonìyà bə̀ chè a Akìyà ghò a Jèrusalèm. Wì ya gha, “Mə mə̀ pè angu, mə mənyìʼ ghò pè a Rom.”

Ɨ̀fàʼì 19:6

Anyumə̀ ne Pɔl ya nɔŋi ìmbi ibo igun inɔb, Azwighi Ŋwiye ya yeʼe igun inɔb, mbi ko se ghàmà tìngam iben ndəŋ bə̀ ko se ghà ikən Ŋwiye.

Rm 1:12

Anug ze ne mə̀ kə̀bə̀ ni ghà ya gha, tì wete ìwa ibḛfiŋ mba mba. Mbə̀ wete amə, mə̀ bə̀ wètì awən.

Rm 15:23

Àsi amad anìŋ ne mə̀ fə mànì àmə àfàʼì inga iba iben mbo̰, mə biri yeʼe bàd awən icheg ne mə̀ yaya kə̀bə̀ ni yeʼe nɔ̀ʼ inga tituʼ tin.

Rm 15:29

Mə kyèri gha anyumə̀ ne mə̀ yèʼe, mə biri ghì mbə̰ bèrì àbɔrɔ̀bɔd ajìm ze ne Kristo ya nàʼà.

Rm 15:32

Mbə̀ ghiyə ane ni gha Ŋwiye mə bḛ, mə biri yeʼe ni bàd awən nè gyènde. Ane, mba məjìm biri bèrì àzùtì.

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

2 Kɔrèn 1:15

Mə ya fə taŋ kyèri gha à ya icheg ne ze yaʼi. À ya aton ne mə̀ ya kàʼi ni bi yeʼe inən, ni gha Ŋwiye ziye àbɔrɔ̀bɔd igun inən ane ighəm ne pè ane ibe.

2 Kɔrèn 1:21

À ya Ŋwiye ghi gha mba tì inən tè təm kà icheg ne tì yaʼi ane ifɔti tì Kristo. À ya məd zɔ̀ʼi awa,

2 Kɔrèn 11:4

Aton ya gha, mbə̰ ya zàmbà niŋ inug ijìm ne bəd mbe yèʼe pè ghà inən. Kə̀ àkə mbi ghà inug imbə̀ʼ Yeso ndəŋ ne kayi ìwe ne tì ya gha inən, ka mbi yèʼe tì Azwighi ndəŋ ne kayi àze ne mbə̀ ya niŋi ina, ka mbi chètì ikən chɔm ndəŋ ne kayi we ne mbə̀ ya zughi ina, mbə̰ ya zàmbà bḛ witì kɔ̀ndi.

2 Kɔrèn 9:14

Ane, mbi biri se gyènde ni chàʼra Ŋwiye inən bə̀ ya kɔ̀ŋɔ̀ awən imbə̀ʼ ìchɔ̀mì kyen ne Ŋwiye fə ghi inən.

Fìlipì 1:8

Ŋwiye kyèri gha mə kɔ̀ŋ awən bə̀ kyèri icheg ne mə̀ kə̀bə̀ ni bàd awən mbə̰ məjìm. Ŋwiye bə̀ kyèri gha, mə kɔ̀ŋ awən kwàʼ icheg ne Yeso Kristo kɔ̀ŋ awən.

Fìlipì 2:26

Məd we kə̀bə̀ ni bàd awən mbə̰ məjìm. Wì ya se nyə̀ngi nyəngi ni yeʼe icheg ne mbə̀ ya zughi gha məd we ghɔ̰̀.

Fìlipì 4:1

Ìmbum məfi fɔrɔ ìtum njàbi, mə kɔ̀ŋ awən. Mə bə̀ kə̀b ni bàd awən. Mbə̰ mbe ghìyə̀ ìmə fìŋ bɔŋɔ̀. Mbə̰ ya icheg àmə ichɔʼ àfàʼì ane àfàʼì ze ne mə fàʼà. Ìmbum mə̀sə̀ʼ ne mə̀ taŋ kɔ̀ŋ, icheg ne mbə̀ yaʼi ane ifɔti tì Anɔŋisəg, mbə kòʼ ni təm kà.

1 Tèsàlonikà 3:13

Anɔŋisəg Yeso ghiyə ìwən ibḛfiŋ təm kà bə̀ ghì mbə̀ zen mànì imbìghè abə Ŋwiye ne yaʼi ìwa Mbaʼ. Wì ghiyə gha imbə̀ʼ wə̀d mɔ̀ʼɔ bere yi anug tibɔ̀ŋ mɔ̀ʼɔ ni gha imbə̀ʼ awən anyumə̀ ne məd biri yeʼe tì ìmbi bəd ìzḛzḛ.

1 Tèsàlonikà 3:2

Ane, Tì ya chà Timotì ne yaʼi ìwa ifi bə̀ yaʼ wə̀d àfàʼì Ŋwiye ne bə̀ fàʼà icheg ina ni chètì ikən chɔm imbə̀ʼ Kristo, gha wì yeʼe nə̀ri awən, ghì ìwən ibḛfiŋ we təm kà.

2 Tès 2:17

wì bə̀ nəri ìtən fìŋ bə̀ nàʼ ika inən ni fàʼ ìfàʼì chɔm ijìm bə̀ ya ghàmà tìngam chɔm mà nyumə̀ ijìm.

2 Tès 3:3

Anug ne angu ya gha, Anɔŋisəg ya fàʼà inug mbe ne wì kàʼi. Wì biri nàʼ ika inən bə̀ kyèʼrì awən ni ghì gha imbə̀ʼ mbə̰ nyi awən ikye abo abə Wə̀d Tibɔ̀ŋ.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

1 Pità 5:10

Anyumə̀ ne mbə̰ mbe zə̰ ngəʼ anìŋ ane iki nyumə̀ mɔ̀ʼɔ, Ŋwiye we ne ghìyə̀ ìchɔ̀mì abə wə̀d ijìm, wì bìri ywiri tangi inug ijìm inən. Wì biri ghì gha ìwən ibḛfiŋ təm kà bə̀ ghì mbə yaʼ ika ika bə̀ təm kòʼ. À ya məd ya che anjìm Kristo kàrì awən gha mbə̀ yaʼ ane ifɔti tì Kristo inga ìzḛzḛ məd we ne biri yaʼ ane ighə̀m imɔʼ.

1 Pità 5:12

À ya Sayilàs wèti amə ni ŋwàʼrì iki ìngam gho̰ ne mo we chà inən. Məd ya kwàʼ ìwa ifi ne taŋ zì ibḛfiŋ igun Kristo. Àŋwàʼrì azo̰ ya ni nəri awən bə̀ bḛ gha aŋa ya kwàʼ ìchɔ̀mì tesiʼ ne Ŋwiye ghi inən. Mbə̀ təm kà inga ìchɔ̀mì we.

2 Pità 1:12

Ka mbə̀ jiʼì kyèri inug mbo̰ bə̀ təm kà inga tesiʼ, mə biri kiri ya wènde inug mbo̰ inən mà nyumə̀ ijìm.