Mə̀Hibrù 7:25 - Ikan feg

²⁵ Ane, Yeso we tì wì pùmni bəd mbe ne yeʼe abə Ŋwiye anjìm məd mà nyumə̀ ijìm imbə̀ʼ icheg ne məd we dèghè abə Ŋwiye atog inɔb.

Meta’

²⁵ Əne məd ə berɨ ɨka ənɨ mɨ̀nyùmə̀ jìm nɨ chɨ bə̂d mbe nɨ che ənjìm məd tindɨ ɨban ə Ŋwiə̀ rəŋgəʼ, ɨmbə̀ʼ ɨghəm nɨ məd wɨ i ɨkǎ koŋ ɨmbə̀ʼ kɔŋgɨ ə Ŋwiə̀ ɨgwɨ mɨ̀mə̌d.

Mə̀Hibrù 7:25 Cross References

Jn 14:13

Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

Jn 14:16

Mə biri ghì gha, ìmə mbaʼ naʼa Àwètìbə̀d ndəŋ ne biri chughi tì inən ane ighə̀m imɔʼ.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Rm 5:10

Anyumə̀ ne tì ya kiri yaʼi bəd ìpàb Ŋwiye, wì ya ghì tì si yaʼ mə̀sə̀ʼ məd anjìm Ŋwan məd we ne ya ku imbə̀ʼ awa. Amad anìŋ ne tì si yaʼ mə̀sə̀ʼ Ŋwiye, tì fə pum anjìm ìtḛ̀ Ŋwan məd.

Rm 5:2

À ya anjìm Yeso Kristo ne tì nyi inga ìchɔ̀mì gho̰ ne tì yaʼi inga tèchɔ̀ŋ. Ane, tì we kɔ̀mɔ̀ igo nɔ̀ŋɔ̀ ikɔndi ghɔ̀mɔ̀ ni chughi tì Ŋwiye inga kə̀tə̀d məd.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Efesùs 3:12

Anjìm icheg ne tì yaʼi ane ifɔti tì Kristo fɔrɔ anjìm icheg ne tì nɔŋi ibḛfiŋ igun məd, tì fə bèrì ika ni ghò imbìghè abə Ŋwiye ne chəyi te bɔ.

Efesùs 3:20

À ya Ŋwiye nàʼi ika we ne fàʼà inga ina. Məd we tì wì ghi inug ina ne nɔʼi chè inug ne te bìre ibo kə̀ inug ne te kɔ̀ndɔ.

Fìlipì 3:21

Anyumə̀ ne wì biri yeʼe, wì biri niŋ ìta nyàmnyɔd ìto̰ ne tì tì ku bə̀ŋì ti si yaʼ icheg nyàmnyɔd ze ne məd ya beri anyumə̀ ne Ŋwiye ya zwemni aməd ane iwu. Wì biri ghì ane anjìm ika we ne wì beri ni tùmbì ighi ijìm.

1 Timotì 2:5

Ŋwiye ya məyi imɔʼ. À ya bə̀ məyi wə̀d imɔʼ ne fɔ̀tɔ bəd ane anug amɔʼ tì Ŋwiye. Məd ya Yeso Kristo.

2 Timotì 1:12

À ya aton ne mə zə̰ ngəʼ anìŋ. Si ya gha, chəyi mə̀ bèrè tìnìrètog imbə̀ʼ icheg ne mə kyèri wə̀d ne mə̀ zì ìmə ibḛfiŋ igun məd. Mə bə̀ taŋ kyèri gha məd bèrì ika ni nɔ̀ŋì aghi ze ne məd zì inum ikye abo ghò pè ane aneg ìnwḭ.

Mə̀Hibrù 11:6

Wə̀d ne chəyi wì beri ibḛfiŋ, chəyi tì tengàŋ ghì inug ne Ŋwiye kɔ̀ŋi. À ya ane imbə̀ʼ icheg ne wə̀d ne kə̀bə̀ ni ya ghùmnə Ŋwiye, wì mənyìʼ bèrì ibḛfiŋ gha Ŋwiye we angu bə̀ nàʼà chùd abə bəd mbe ne kə̀bə̀ ni kyeri aməd ane ìzɔb fìŋ ijìm.

Mə̀Hibrù 13:15

Ane, tì che anjìm Yeso ghì gha inug mbe ne dùwə̀ ina ichug, mbi ya nàʼà ighumni abə Ŋwiye ane aghəm ajìm icheg àza aghi àfàtì ne ghumnə ikum Ŋwiye.

Mə̀Hibrù 2:18

Məd we tì wì wèti bəd mbe ne Sàtàn we kwàʼrà awɔb imbə̀ʼ icheg ne məd ini ya bə̀ zə̰ ngəʼ anyumə̀ ne Sàtàn ya kwàʼri aməd.

Mə̀Hibrù 2:9

Tì we bàrà Yeso ne Ŋwiye ghì wì beri ìzḛzḛ fɔrɔ ighumni. Si ya gha, Ŋwiye ya ghì wì beri ati ne to kə chè àzi mbè angirə̀ ane iki nyumə̀ ni gha anjìm àsɔ̀mnəfiŋ Ŋwiye wì zə̰ ngəʼ ane iki nyumə̀ bə̀ ku atog abə bəd məjìm.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Mə̀Hibrù 7:16

Məd ya wə̀d mbàn Ŋwiye anjìm ika we ne yaʼi inga ìtḛ̀ ne chəyi tì aghi mɔ̀ʼɔ nimni. Məd kayi wə̀d mbàn icheg ne mə̀nɔ̀ʼɔ̀ Muse chwi.

Mə̀Hibrù 7:19

Chəyi anug mɔ̀ʼɔ ne mə̀nɔ̀ʼɔ̀ Muse ya ghi ze bɔ̀ŋ mànì. Ane, anug ne tì nɔŋi fìŋ igun amad anìŋ ze bɔ̀ŋ chè anug ze ne tì ya bì nɔ̀ŋì fìŋ igun. À ya anjìm àzewən ne te tìnde iban Ŋwiye.

Mə̀Hibrù 7:24

Àsi Yeso ya wə̀d mbàn Ŋwiye ne àfàʼì məd yaʼi ane ighə̀m imɔʼ imbə̀ʼ icheg ne məd we bə̀ izɔm ane ighə̀m imɔʼ.

Mə̀Hibrù 7:8

Tè bàd gha bəd mbàn mbe ane aghaŋ inəbi Levì ne yaya nìŋə aba amɔʼ inga iba ìghum ya bə̀ bəd ne kùyə icheg mə̀mbin. Àsi Mèkisedèg ne ya bə̀ niŋ aba amɔʼ inga iba ìghum ya wə̀d ne yaʼi izɔm ane ighəm imɔʼ icheg ne Àŋwàʼrì Ŋwiye gha.

Mə̀Hibrù 9:24

Aton ya gha, chəyi Kristo ya nyi inga asiŋi ze ne zḛ mànì inga mbàn Ŋwiye ne mbi tangi ane ibo, ne ya afugri ane ighi mbe ne yaʼi ikaŋ àbɔ̀ŋɔ. Wì ya nyi kwàʼ ikaŋ àbɔ̀ŋɔ si təm imbìghè abə Ŋwiye atog ina.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.