Mə̀Hibrù 1:2 - Ikan feg

² Àsi inga ìwa nyùmə̀ gho̰ ne isəg we se nwìyḛ̀, wì ya se ghàmà ina anjìm Ŋwan Məd. À ya anjìm Ŋwan məd we ne Ŋwiye ya tangi isəg ijìm. Ŋwiye bə̀ chɔʼ aməd nɔ̀ŋì gha wì ya tùmbə̀ ighi ijìm.

Meta’

² Àyɨə ɨŋga nyùmə̀ wɔ̂ nɨ sɨ nwìə̀, wɨ̀ fə ghàm ɨ na ənjìm i Wan we nɨ wɨ̀ nyaʼa nuŋ ənɨ əjɨnəb ɨgwɨ ɨghɨjìm. Wɨ̀ nyaʼa bə̀ chè ənjìm məd tekɨ ɨsɨg.

Mə̀Hibrù 1:2 Cross References

Matìyò 13:39

Wə̀d ìpàb we ne ya nyɔ̀ʼi ifog ya Debrə̀. Nyùmə̀ we ne mbe mòʼò kyì ya nyumə̀ we ne isəg biri nwḭ̀yḛ̀. Bəd mbe ne mòʼò kyì ya mbè angirə̀ Ŋwiye.

Matìyò 17:5

Icheg ne wì yaya kiri ghamà, pàʼ ne yaya fùyə njànda ya kəndi awɔb mbɔb məjìm. Gì mɔ̀ʼɔ ya si ghàm inga pàʼ ze gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd. Mbə̀ zug anug ne we ghà!”

Matìyò 21:38

Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.›

Matìyò 26:63

Yeso ya chim yi tizi. Ane, atog wə̀d igun bəd mbàn Ŋwiye we ya ghà ibo gha, “Gha àze anug tesiʼ ane ikum Ŋwiye we ne yaʼi izɔm, àghò kə Wə̀d we ne Ŋwiye zɔ̀ʼi, ne yaʼi Ŋwan Ŋwiye?”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Matìyò 3:17

Gì mɔ̀ʼɔ ya si ghàm ikaŋ àbɔ̀ŋɔ gha, “Aŋa ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ aməd.”

Mk 1:1

Icheg ne ikən chɔm imbə̀ʼ Yeso Kristo we ne ya Ŋwan Ŋwiye ya ko angu.

Mk 12:6

Mbaʼ mben we ya kiri bèrì wə̀d ndəŋ imɔʼ, ne ya ŋwan məd ne wì taŋ kɔ̀ŋ. Wì ya si nwḭ̀yḛ̀ chà ŋwan we inɔb, gha, ‹Mbi biri ghùmnə ìmə ŋwan.›

Mk 12:7

Si ya gha, bəd mbe ne ya gwi ŋwan we si chùm mbɔb mbɔb gha, ‹À ya àjəgnəb məd gho̰. Mbə̀ yèʼe tì zweti aməd, imbə̀ʼ ighi mbo̰ si yaʼ ìmba.›

Jn 1:10

Məd ya yaʼ inga isəg gho̰ ne Ŋwiye ya che anjìm məd tàngi. Si ya gha, chəyi bəd ya kyeri wə̀d ne məd yaʼi ìwiwən.

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:3

Ŋwiye ya chè anjìm məd ni tangi ighi ijìm. Chəyi Ŋwiye ya tangi aghi mɔ̀ʼɔ amɔʼ witì chè anjìm məd bɔŋ tangi.

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Jn 13:32

Mbi mə̀ fə ghumni Ŋwiye anjìm məd, ane ya gha, Ŋwiye biri bə ghumni aməd anjìm inug mbe ne we ghìyə̀. Wì biri ghì ane, məyi kwàʼ amad anìŋ.”

Jn 15:15

Chəyi mə̀ ywìrè kàrà awən ane bəd àfàʼì imbə̀ʼ icheg ne, chəyi bəd àfàʼì kyeri inug ìmbi ìwɔb mbaʼ àfàʼì. Mə ya se kàrà awən yaʼ ane ìmbum mə̀sə̀ʼ imbə̀ʼ icheg ne, inug mbe ne ìmə Mbaʼ gha inum, mə fə ghì mbə̰ kyeri kwàʼ ijìm.

Jn 16:15

Ighi ijìm mbe ne ìmə Mbaʼ beri ya bə̀ ìmbum. À ya aton ze ne mə gha, Azwighi Ŋwiye biri ya nìŋə inug mbe ne mə ghà ibo, se ghà inən.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:25

Mə̀mə̀nənùg ìmbi Jɔn mɔ̀ʼɔ yaya tàŋà anug mɔ̀ʼɔ tì Ju mɔ̀ʼɔ imbə̀ʼ ikuchèg tesiʼ ni sòrì nyɔd bə̀ sòrì ighi icheg ne mə̀nɔ̀ʼɔ̀ chwi.

Jn 5:26

Icheg we ne à ya Mbaʼ we ghìyə̀ gha bəd jəg ìtḛ̀ ighə̀m imɔʼ, wè bə̀ nàʼ ika abə Ŋwan məd ni gha wì bə se ghìyə̀ gha bəd jəg ìtḛ̀ ighə̀m imɔʼ.

Jn 5:27

Ane, məd fə bə̀ nàʼ ika abə Ŋwan məd gha wì saʼ bəd imbə̀ʼ icheg ne məd ya Ŋwan Wə̀d.

Jn 9:29

Tè kyèri gha Ŋwiye ya ghàm abə Muse. Àsi mbe we, chəyi tì kyeri asiŋi ne wì nɔ̀ʼi angu.”

Ɨ̀fàʼì 10:36

Mbə̰ kyèri ìngam we ne Ŋwiye ya gha abə mə̀Izre. Ìngam we ya mə̀tì ikən chɔm imbə̀ʼ icheg ne tì che anjìm Yeso Kristo si chùghi ane àbɔrɔ̀bɔd tì Ŋwiye. Yeso Kristo ya Anɔŋisəg igun bəd məjìm.

Ɨ̀fàʼì 2:17

Wì ya gha, ‹Ŋwiye gha, inga ineg mbe ne se nwḭ̀yḛ̀, mə biri chà àmə Azwighi igun bəd məjìm. Ìmbən bɔn mbaŋà fɔrɔ bɔn àyi biri se ghà ikən Ŋwiye. Ìmbən bɔn ijɔŋ biri se bàrà inati njə̀m. Ìmbən inṵ bəd biri bə se bèrè njə̀m.

Rm 1:4

Si ya gha, ane icheg Azwighi ìzḛzḛ, Ŋwiye ya chwi gha Yeso Kristo Anɔŋisəg ya ìwi Ŋwan. Wì ya chwi ane icheg ne wì ya zwemni aməd ane iwu ane ika Azwighi məd.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

1 Kɔrèn 2:7

Tì ya ghàmà yaʼ ane iwe we ne Ŋwiye we nàʼà. Iwe we ya yaʼ inə̀mbi. À ya iwe ne bɔŋ Ŋwiye ya se tànga isəg, məd ya fə nɔŋi ni nàʼ ina. Wì ya ghì ane ni gha tì beri ighumni.

1 Kɔrèn 8:6

Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

Gàlesìyà 4:4

Si ya gha, anyumə̀ ne nyùmə̀ ya kòʼi, Ŋwiye ya chà Ŋwan məd ina. Mbi ya gwi Ŋwan məd gho̰ kwàʼ icheg ne mə̀yi mbe gwìye bɔn. Wì ya bə̀ kweg aton mə̀nɔ̀ʼɔ̀ Muse,

Efesùs 1:10

Wì ya chuʼri inug mbe nɔ̀ŋì ni ghì gha ane nyumə̀ kòʼi, Kristo biri yaʼ atog igun ighi ijìm ne Ŋwiye tàngi, kə̀ àkə ighi ne yaʼi ikaŋ àbɔ̀ŋɔ kə̀ ighi ne yaʼi igun isəg.

Efesùs 3:9

Wì ya bə̀ chɔʼ amə gha mə̀ ghiyə wə̀d ijìm kyeri anug azo̰ ne yaʼi inə̀mbi, ne Ŋwiye we ne ya tangi ighi ijìm, ya nə̀mbì inga ìzi fìŋ nɔ̀ʼ ane nyumə̀ ne wì ya tangi isəg.

Mə̀Hibrù 1:5

Àkə angirə̀ iweg ne Ŋwiye ya kweʼì ghà ibo gha, “Àghò ya ìmə Ŋwan; Nɔ̀ʼ tèchɔ̀ŋ, mo fə si ìwe mbaʼ?” Kə̀ àkə angirə̀ iweg ne Ŋwiye ya gha imbə̀ʼ aməd gha, “Mə biri yaʼ mbaʼ məd, məd si yaʼ ìmə ŋwan?”

Mə̀Hibrù 1:8

Àsi imbə̀ʼ Ŋwan Məd, Ŋwiye ya gha, “Ŋwiye, àghò biri chughi igun àze atən ifɔn kwàʼ ane ighə̀m imɔʼ. Àghò biri ya tùmbə̀ bəd inga àze anug ìfɔ̀n ane icheg ne koʼi.

Mə̀Hibrù 11:3

À ya anjìm ibḛfiŋ ne tì kyeri gha Ŋwiye ya tangi isəg ane ìwi ìngam, ni gha ighi mbe ne tè bàrà kayi mbi ya tangi ane ighi ni ya fə yaʼi.

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Mə̀Hibrù 4:14

Tì taŋ nyìmi ìwa ibḛfiŋ we ne tì zi igun Yeso. Məd ya atog wə̀d igun bəd mbàn Ŋwiye ne beri ighumni kyen. Məd ya Yeso, Ŋwan Ŋwiye. Wì fə ghò ikaŋ àbɔ̀ŋɔ.

Mə̀Hibrù 5:8

Ka wì ya jiʼì yaʼ Ŋwan Ŋwiye, ngəʼ ne wì ya zə̰ ya ghì wì zugri Ŋwiye ane inug ijìm.

Mə̀Hibrù 7:28

Mə̀nɔ̀ʼɔ̀ Muse ya ghìyə̀ mbi chɔʼɔ atog wə̀d igun bəd mbàn Ŋwiye ne tì mbi gùg inug icheg mə̀mbin. Anug ze ne Ŋwiye ya zɔ̀mi ya si yèʼe yaʼ anjìm. Ŋwiye ya chɔʼ Ŋwan məd bə̀ ghì wì bɔŋ mànì ane ighə̀m imɔʼ.

Mə̀Hibrù 7:3

Chəyi Mèkisedèg gho̰ ya bèri ngɔb kə̀ mbaʼ kə̀ mə̀mbaʼ kyen. Chəyi aneni mɔ̀ʼɔ ne chwìye gha mbi ya gwi aməd kə̀ wì ya ku. Məd ya yaʼ wə̀d mbàn Ŋwiye ane ighə̀m imɔʼ kwàʼ icheg ne Ŋwan Ŋwiye bə̀ yaʼ.

Mə̀Hibrù 9:26

Àkə aghi ne wì ya nyi aghəm nɔʼ nɔʼ, nji wì ya bə̀ zə̰ ngəʼ aghəm nɔʼ nɔʼ ni ko ane nyùmə̀ ne Ŋwiye ya tangi isəg. Wì fə yeʼe ighəm imɔʼ ane nyùmə̀ isəg we ne se nwḭ̀yḛ̀ nàʼ ìwi nyɔd ane aghi àfàtì imbə̀ʼ sò inug tibɔ̀ŋ bəd məjìm inga nyùmə̀ isəg ijìm.

1 Pità 1:20

Ŋwiye ya fə chɔʼ Yeso Kristo bɔŋ se tànga isəg, si ya gha, à ya məyi inga ineg mbo̰ ne si nwìyḛ̀ ne Ŋwiye ghi gha bəd kyeri aməd. Wì ya ghì ane ni wètì awən.

2 Pità 3:3

Anug mbègtog ne mbə̀ beri ni wendi ya gha, inga ineg mbe ne se nwìyḛ̀, bəd ne chwìte inug ako biri yeʼe se chàpà inug tesiʼ mbe be mbə̀ nɔŋi ibḛfiŋ igun. Mbɔb biri se bène yaʼi abɔ̀ʼ inug mbe ne ìtɔb nyàmnyɔd te ghə̀ʼrə̀.

Jûd 1:18

Mbi ya ghà inən gha, “Inga ineg mbe ne se ghò ane ìnwḭ, bəd ne biri ya chə̀ʼə awən biri yeʼe. Mbɔb biri ya ghìyə̀ yaʼ tiku inug te ne ìtɔb nyàmnyɔd te ghə̀ʼrə̀, ne chəyi te ghùmnə Ŋwiye.”