Jn 3:3 - Ikan feg

³ Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Meta’

³ Yeso nyaʼa wììrɨ̀ ɨ bɔ ni, “Mə ghà rəsìʼ ɨ ne ni chəi wə̀d mɔʼɔ əŋgu nɨ tɨ̀ wɨ̀ nyɨ ɨŋga ənû ɨfɔ̀n ə Ŋwiə̀, kɨrɨ ənɨ mbɨ wɨrɨ gywɨ əməd ɨghəm cherə.”

Jn 3:3 Cross References

Matìyò 16:17

Yeso ya ywìtì gha, “Ŋwiye ziye àbɔrɔ̀bɔd igun ine, àghò Sayimùn, ŋwan Jɔn imbə̀ʼ icheg ne kayi wə̀d-aku ghi àghò kyèri anug azo̰. À ya ìmə Mbaʼ ne yaʼi ikaŋ àbɔ̀ŋɔ ghi àghò kyèri.

Matìyò 19:24

Mə ya anìŋ ywìrè ghà inən gha, ze zàm abə kàme ni chè inga ibighi saʼ chè icheg ne ze zami abə wə̀d ikab ni nyi inga anug ìfɔ̀n Ŋwiye.”

Matìyò 21:31

Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?” Mbɔb ya ywìtì gha, “À ya ŋwan mbèg.” Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən.

Matìyò 5:18

Mə gha tesiʼ inən gha, ghò pè ane nyumə̀ ne ikaŋ fɔrɔ isəg biri chè nim, chəyi iki achəpi ane ighə àŋwàʼrì ifibì inga inug mbo̰ ne mbi ŋwàʼri inga mə̀nɔ̀ʼɔ̀ Muse biri chè ako witì inug mbo̰ ijìm dù ane tesiʼ.

Mk 10:14

Si ya gha, anyumə̀ ne Yeso ya bàri anug ze, wì ya gaŋ, si ghà abə ìmbi mə̀mə̀nənùg gha, “Mbə̀ sàŋì bɔn kwa mbe, mbe yèʼe abɔ̀ʼ inum. Imbə̀ʼ mbə̰ kə̰ awən awɔb imbə̀ʼ icheg ne à ya bəd icheg mbo̰ biri jəg anug ìfɔ̀n Ŋwiye.

Mk 9:47

Ìwe ighə mə̀ ghì gha àghò ghiyə anug tibɔ̀ŋ, chɔʼ. Ze bɔ̀ŋ gha àghò nyi inga anug ìfɔ̀n Ŋwiye tì ighə imɔʼ, chè icheg ne àghò biri bèrì aghə abe Ŋwiye màʼ awe inga asiŋi ichə.

Jn 1:13

Chəyi mbi yaʼi bɔn Ŋwiye icheg we ne wə̀d-aku we gwìye ŋwan, kə̀ icheg we ne wə̀d-aku we chùʼrə, kə̀ icheg ne we kə̀bə̀. À ya kwàʼ məd Ŋwiye nàʼi ati inɔb gha mbe yaʼ ìmbi bɔn.

Jn 1:5

Ìzḛzḛ we we zùʼə kyèʼè isiŋi abə bəd mbe ne yaʼi inga afub. Chəyi tì afub nimni ìzḛzḛ we ka.

Jn 1:51

Yeso ya si gha, “Mə gha tesiʼ inən gha, mbə biri bàd icheg ne ikaŋ àbɔ̀ŋɔ biri fìʼè igun Ŋwan Wə̀d, bə̀ bàd icheg ne mbè angirə̀ Ŋwiye mbe chè kɔ̀ʼɔ chè swìʼe.”

Jn 12:40

“Ŋwiye fə fə̀ghì àzɔb aghə bə̀ ghì ìtɔb fìŋ tu, ni ghì gha chəyi tì mbi bàd isiŋi, chəyi tì mbi bə̀ kyèri anug chɔm. Ane, chəyi mbi biri bə̀ŋì ìtɔb fìŋ yèʼe inum ni ghì gha mə̀ ghuyə awɔb.”

Jn 3:4

Anug ya chè Nìkòdemòs, wì si ywìrì bìri abə Yeso gha, “Wə̀d kə fə mə̀ kweg si wə̀d kyen, mbi kə ywiri gwi aməd iye? Tì wì ywirì nyi inga fibum abə ngɔb məd, ni gha mbe ywirì gwi aməd ighəm ndəŋ?”

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Kɔrèn 5:17

Àze chwi gha wə̀d mɔ̀ʼɔ mə̀ yaʼ ane ifɔti tì Kristo, məd ya si wə̀d feg. Inug anun fə chè, ìmbi feg fə yeʼe.

Gàlesìyà 6:15

Kə̀ mbe ŋwed wə̀d kə̀ chəyi, àze kayi anug mɔ̀ʼɔ ze. Anug kyen ne angu ya gha, ikuchèg wə̀d si yaʼ ìwi feg anjìm ibḛfiŋ məd igun Kristo.

Efesùs 2:1

Anjìm ìmbən inug tibɔ̀ŋ fɔrɔ ìwən tìzughə̀, mbə̰ ya fə yaʼ icheg bəd ku.

Tayitùs 3:5

chì awa inga ngəʼ. Wì ya chì awa inga ngəʼ imbə̀ʼ icheg ne wì beri àsɔ̀mnəfiŋ igun ina, kayi imbə̀ʼ inug chɔm ne tì ya ghi. Wì ya pumni awa icheg ne Azwighi Ŋwiye ya sò awa tì zen bə̀ bə̀ŋì awa tì si yaʼ icheg bɔn bɔd. Azwighi Ŋwiye ya bə̀ nàʼ ìtḛ̀ feg ina.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

1 Pità 1:3

Tì nàʼ ighumni abə Ŋwiye. Məd ya Mbaʼ abə ìwa Anɔŋisəg Yeso Kristo. Wì taŋ bèrì àsɔ̀mnəfiŋ igun ina, ghì gha tì jəg ìtḛ̀ feg icheg ne wì ghi Yeso Kristo zwème ane iwu. Anug azo̰ ghì gha tì nɔŋɔ ikɔndi ghɔ̀m inug mbe ne Ŋwiye kàʼi ina.

1 Jɔn 2:29

Mbə̰ mə̀ kyèri gha məd ya wə̀d we ne təmi kòʼ, mbə biri bə kyeri gha wə̀d ne ghìyə̀ inug ne koʼi ya ŋwan Məd.

1 Jɔn 3:9

Chəyi wə̀d ne yaʼi ŋwan Ŋwiye biri chè imbìghè ni ghì inug tibɔ̀ŋ imbə̀ʼ icheg ne ikuchèg Ŋwiye fə se inga tengàŋ. Chəyi wì biri chè imbìghè ni ghì inug tibɔ̀ŋ imbə̀ʼ icheg ne Ŋwiye ya se mbaʼ məd.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.

1 Jɔn 5:18

Tè kyèri gha chəyi wə̀d Ŋwiye mɔ̀ʼɔ angu ne chè imbìghè ni ya ghìyə̀ inug tibɔ̀ŋ. Ŋwan Ŋwiye we kyèʼrè aməd ne chəyi icheg ne tì Wə̀d Tibɔ̀ŋ ywirì zì anə igun məd.

1 Jɔn 5:4

À ya ane imbə̀ʼ icheg ne wə̀d Ŋwiye ijìm fə màʼ chè inug inga isəg. Tì we tì tì màʼ chè inug inga isəg ijìm icheg ne tì nɔŋi fìŋ igun Yeso.

Ɨnû 3:14

Anɔŋisəg ya bə̀ ghà inum gha: “Ŋwàʼra abə angirə̀ we ne kyèʼrè ifeti bəd Kristo we a Làwùdisìyà gha, ‹Ìngam gho̰ nɔ̀ʼ abə wə̀d we ne ikum məd ya À ya ane. Məd ya ghàmà tesiʼ. Məd ya bə̀ ghìyə̀ inug mbe ne wì gha. Ŋwiye ya chè anjìm məd tàngi ighi ijìm.