Ɨ̀fàʼì 17:1 - Ikan feg

¹ Pɔl tì Sayilàs ya nɔ̀ʼ a Fìlipì chè inga Àmfipolìs bə̀ chè inga Àpòlonìyà ghò pè a Tèsàlonikà ne ichamì Ŋwiye mə̀Ju ya yaʼi angu.

Meta’

¹ Pɔ̂l mbɨ Sailàs nyaʼa chè ə Amfipolìs fɔrɨ ə Àpolonià wò pè ə Tèsàlonikà, nɨ yeʼ əsɨ nɨ nəb ə̀kàtɨ̀ mɨ̀Jû nyaʼa əŋgu.

Ɨ̀fàʼì 17:1 Cross References

Fìlipì 4:16

Anyumə̀ ne mə̀ ya gho a Tèsàlonikà, mbə̰ ya chà ighi inum ywìrì chà, anyumə̀ ne mə̀ ya cheʼi ighi.

1 Tèsàlonikà 1:1

À ya mo Pɔl tì Sayilàs fɔrɔ Timotì ŋwàʼri àŋwàʼrì azo̰. Tì ya ŋwàʼrà anìŋ inən, mbə̰ ifeti bəd Kristo we a Tèsàlonikà. Mbə̰ ya ifeti bəd Ŋwiye ne yaʼi ìwa Mbaʼ. Mbə̰ ya bə̀ bəd Anɔŋisəg Yeso Kristo. Ŋwiye ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd.

2 Tès 1:1

À ya mo Pɔl ŋwàʼri àŋwàʼrì azo̰. Mə we aŋa tì Sayilàs fɔrɔ Timotì. Mə ŋwàʼrì anìŋ inən, mbə̰ bəd Kristo mbe ne yaʼi inga ifeti we a Tèsàlonikà. Mbə̰ ya bəd Ŋwiye ne yaʼi ìwa Mbaʼ fɔrɔ bəd Anɔŋisəg Yeso Kristo.

Ɨ̀fàʼì 20:4

Bəd ne yaya yḛ̀ tì Pɔl yaya: Sopatà ŋwan ìwi Pirùs ne ya wə̀d inga Bèriyà fɔrɔ Àristakùs tì Sèkundùs ne ya bəd inga aben Tèsàlonikà fɔrɔ Gayòs ne ya wə̀d inga aben Debè fɔrɔ Timotì fɔrɔ Tichikùs tì Tròfimùs ne ya bəd inga aben Esìyà.

2 Timotì 4:10

imbə̀ʼ icheg ne Demàs fə waʼ amə ghò yi a Tèsàlonikà. Məd ghò angu imbə̀ʼ icheg ne wì kɔ̀ŋ inug igun isəg gho̰. Kresèn fə ghò a Gàlesìyà. Tayitùs fə ghò a Dàmatìyà.

Ɨ̀fàʼì 27:2

Tì ya nyi abaŋ igyi ne ya nɔ̀ʼi a Àdràmitìyùm. Abaŋ igyi ze ya bèrì ni nɔ̀ʼ se yḛ̀ nè tə̀mə ane isiŋi mbe inga Esìyà ne yaʼi iban igyi. Mbaŋà mɔ̀ʼɔ ne ikum məd ya Àristakùs, ne ya nɔ̀ʼi a Tèsàlonikà inga Màsèdonìyà ya yaʼ tì ina.

Ɨ̀fàʼì 17:13

Anyumə̀ ne mə̀Ju mbe a Tèsàlonikà ne chəyi mbi ya bḛ Kristo ya zughi gha Pɔl we se ghàmà Ìngam Ŋwiye a Bèriyà, mbi ya ghò angu pè ko se chìkə̀ fìŋ abə bəd bə̀ to bəd gha mbe bughə ndum.

Ɨ̀fàʼì 17:11

Mə̀Ju mbe a Bèriyà ya bèrì fìŋ chɔm chè mbe a Tèsàlonikà imbə̀ʼ icheg ne mbi yaya nìŋə Ìngam Ŋwiye kwàʼ ane fìŋ ijìm. Mbi yaya taŋ zìyè fìŋ ni zug Ìngam Ŋwiye. Mbɔb yaya kàrà Ìngam Ŋwiye ineg ijìm ni nèn gha inug mbe ne Pɔl yaya chwìte kə kwàʼ mbe tesiʼ.

Ɨ̀fàʼì 16:13

Igun aneg àzwètì mə̀Ju, tì ya dù inga ikye aben ghò iban igyi kyen imbə̀ʼ icheg ne tì ya kɔndi gha à ya asiŋi ne mə̀Ju mbe angu yaya ghò fète ni chàʼra Ŋwiye. Tì ya pè chùghi, si ko se mùghə̀ tì mə̀yi mbe ne ya fete angu.

Ɨ̀fàʼì 15:21

Tè ghiyə ane imbə̀ʼ icheg ne bəd ya fə ko ni zug mə̀nɔ̀ʼɔ̀ Muse nɔ̀ʼ ane nyùmə̀ we abə ìmba mə̀mbaʼ aneg. Mbi ya bə̀ fɔ̀ŋɔ mə̀nɔ̀ʼɔ̀ mbe igun ineg àzwètì ijìm inga məchamì Ŋwiye məjìm.”

Ɨ̀fàʼì 14:1

Pɔl tì Bànabàs ya ghò a Ìkonìyùm, chè ghò nyi inga ichamì Ŋwiye mə̀Ju we ne yaʼi angu icheg ne mbi yaya nḛ ghò. Mbi ya ghàm Ìngam Ŋwiye inga ichamì Ŋwiye we ane icheg ne ya ghì gha mə̀Ju nɔʼ nɔʼ tì bəd nɔʼ nɔʼ ne kayi mə̀Ju mbe bḛ Kristo.

Ɨ̀fàʼì 17:10

Àsi tizimi, bəd Tèsàlonikà mbe ne ya bḛ Kristo ya niŋ Pɔl tì Sayilàs chà a Bèriyà. Anyumə̀ ne mbi ya pè angu, mbi ya ghò inga ichamì Ŋwiye mə̀Ju.

1 Tèsàlonikà 2:2

Bəd mbe a Filipì ya ghì tì zə̰ ngəʼ. Mbə̰ bə̀ kyèri àzən aghi gha mbi ya zì tìnìrètog igun ina. Si ya gha, Ŋwiye ya nàʼ ika ina gha tì gha ikən chɔm inən, ka chəyi bəd nɔʼ nɔʼ ya kə̀bi gha tì gha ikən chɔm we.