Ɨ̀fàʼì 15:1 - Ikan feg

¹ Bəd mɔ̀ʼɔ ya nɔ̀ʼ a Jùdeyà swìʼi ghò a Antìyɔ̀g. Mbi ya pè se chwìte inug abə bəd Kristo gha, “Àmə chəyi mbi ŋwed awən icheg ne mə̀nɔ̀ʼɔ̀ Muse gha, chəyi mbə̀ biri pum.”

Meta’

¹ Bə̂d mɔʼɔ nyaʼa swiʼi rɨ ə Jùdeyà wò ə Antiɔ̀k. Mbɨ nyaʼa pè kɔ chwi ɨnû əmbɨ ə bə̂d Kristo mbe rəŋgu ghàə̀ ni, “Chəi mbə̀ bɨrɨ jwɨ rəŋgəʼ əwù ze nɨ chəi mbɨ ne əwən ɨchî nɨ zɨə yeʼ ɨŋga tɨkə rɨ Mose.”

Ɨ̀fàʼì 15:1 Cross References

Jn 7:22

Muse ya ghà inən gha, mbə̀ ya ŋwère bɔn mbaŋà. Ane, chəyi anug ne ŋwed bɔn mbaŋà ya ko abə Muse, ze ya ko abə ìmbən mə̀mbaʼ kyen. Mbə̰ mbe bə̀ ŋwère bɔn mbaŋà igun aneg àzwètì mə̀Ju.

Ɨ̀fàʼì 1:15

Anyumə̀ we, Pità ya nɔ̀ʼ təm titighe inga fìghàra bəd mbe ne ya nɔŋi ibḛfiŋ igun Yeso. Mbi ya yaʼ ka bəd iki ifibì tì ìghum ibe.

Ɨ̀fàʼì 15:22

Bədtɔm Kristo tì itog bəd inga ifeti bəd Kristo we a Jèrusalèm tì bəd Kristo məjìm ya chuʼri chɔʼ mbaŋà tibe inga inɔb chà gha mbe gho a Antìyɔ̀g tì Pɔl fɔrɔ Bànabàs. Mbaŋà te ya Sayilàs tì Judàs we ne mbi yaya bə̀ kàrà aməd ane Basabàs. Mbɔb ya yaʼ itog bəd inga ifeti bəd Kristo we a Jèrusalèm.

Ɨ̀fàʼì 15:23

Aŋa ya anug ne yaʼi inga àŋwàʼrì ze ne mbi ya cha gha mbe gho tì àzewən: “Ìmba məfi ne tì yaʼi ane anug amɔʼ inga Kristo, À ya mba bədtɔm Kristo tì itog bəd inga ifeti bəd Kristo ŋwaʼri àŋwàʼrì azo̰. Tì we chàʼrà awən, mbə̰ bəd Kristo mbe ne kayi mə̀Ju ne mbə̰ mbe chùghə a Antìyɔ̀g tì a Sirìyà fɔrɔ a Sìlisìyà.

Ɨ̀fàʼì 15:24

Tè fə zug gha bəd mɔ̀ʼɔ nɔ̀ʼ abɔ̀ʼ ina yèʼe kɔ̀ti awən se nàʼà ngəʼ inən, chə ìmbən itog ane inug ne mbe ghà, ne chəyi tì cha awɔb.

Ɨ̀fàʼì 15:3

Ifeti bəd Kristo ya chà awɔb ane, mbi nɔ̀ʼ ko ghò. Mbi ya chè inga Fònisìyà fɔrɔ inga Sàmarìyà. Mbi ya chè angu ane, nè ghà inɔb gha, bəd ne kayi mə̀Ju fə bḛ Kristo. Anug azo̰ ya ghì bəd Kristo məjìm se taŋ gyènde.

Ɨ̀fàʼì 15:32

Judàs tì Sayilàs ne ya yaʼi bədkə̀n Ŋwiye yaya ghà inug nɔʼ nɔʼ ne nə̀rə fìŋ bə̀ ghìyə̀ gha ibḛfiŋ abə bəd Kristo mbe təm kà.

Ɨ̀fàʼì 15:5

Icheg ne mbi ya mə̀ti inɔb ane, bəd mɔ̀ʼɔ abɔ̀ʼ mə̀Farìsi ne ya bḛ Kristo ya nɔ̀ʼ təm titighe ghà gha, “Mbi mənyìʼ ŋwed bəd mbe ne kayi mə̀Ju icheg ne mə̀nɔ̀ʼɔ̀ Muse chwi bə̀ ghì gha mbi mənyìʼ zùgri mə̀nɔ̀ʼɔ̀ Muse.”

Ɨ̀fàʼì 21:20

Anyumə̀ ne mbi ya zughi inug mbe ne Pɔl ya gha inɔb, mbi ya ghumni Ŋwiye, si ghà abə Pɔl gha, “Ìwa ifi, àghò bàd icheg ne mə̀Ju ka chuʼ sə̀ʼə fə bḛ Kristo bə̀ zì atog ni nɔ̀ŋì mə̀nɔ̀ʼɔ̀ Muse.

Ɨ̀fàʼì 6:14

Tè kə̀ zug icheg ne məd we gha Yeso we a Nazarèd biri buʼ mbàn Ŋwiye izo̰, bə̀ kɔ̀pi məcheg aben mbe ne Muse ya nàʼi ina.”

Gàlesìyà 2:1

Ane tituʼ ìghum chɔ̀b ikwè ya fə che, mə̀ ya bə̀ ywìrì kɔʼ ghò a Jèrusalèm. Mə ya ghò tì Bànabàs ane gho̰ tì ighəm. Mə ya bə̀ niŋ Tayitùs tì fɔrɔ ghò inɔn.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Gàlesìyà 6:12

Bəd mbe ne kə̀bə̀ gha mbi mənyìʼ ŋwed bəd ya bəd ne kə̀bə̀ ni chwi asaŋ asaŋ gha mbɔb bɔ̀ŋ. Mbɔb ya ghìyə̀ ane məyi imbə̀ʼ icheg ne chəyi mbi kəbi gha bəd chɔʼ ìmbɔb ibɔʼì ighog anjìm icheg ne mbɔb bḛ gha à ya məyi iwu Kristo igun azed abaʼri we ghìyə̀ bəd pumə̀.

Kòlosè 2:16

Ane, imbə̀ʼ mbə̰ bḛ awən gha wə̀d mɔ̀ʼɔ ziye isaʼi igun inən imbə̀ʼ aghi ne mbə̰ mbe jə̀ghə kə̀ imbə̀ʼ aghi ne mbə̰ mbe no, kə̀ imbə̀ʼ anug ni ghumni ineg mɔ̀ʼɔ, kə̀ anug ni ghumni aneg mbègtog inga iməg feg, fɔrɔ anug ni ghumni aneg àzwètì mə̀Ju.

Kòlosè 2:8

Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.