2 Kɔrèn 10:3 - Ikan feg

³ Ka tì jiʼì yaʼ inga isəg, chəyi te màʼà ibid icheg ne bəd inga isəg mbe màʼà.

Meta’

³ Ka à bè yeʼi ni tɨ̀ wɨ ɨŋga ɨsɨg, àyɨə chəi tɨə màʼə̀ bid ɨchî nɨ bə̂d mɨ̀sɔŋɨchù ə màʼə̀.

2 Kɔrèn 10:3 Cross References

Rm 7:5

Anyumə̀ ne tì yaya ghìyə̀ inug tibɔ̀ŋ, fìŋ inug tibɔ̀ŋ ze à ya mə̀nɔ̀ʼɔ̀ ya nɔ̀ri inug tibɔ̀ŋ mbe ne ìta nyàmnyɔd yaya ghə̀ʼrə̀. À ya aton ne tì yaya se ghìyə̀ yaʼ inug tibɔ̀ŋ ne zwète awa.

Rm 8:13

À ya ane imbə̀ʼ icheg ne wə̀d ne ghìyə̀ inug mbe ne nyàmnyɔd məd ze ghə̀ʼrə̀, tengàŋ biri ku nim. Àsi wə̀d ne Azwighi Ŋwiye chiki ika we ne inug tibɔ̀ŋ beri igun bəd chì inga məd, tengàŋ biri jəg ìtḛ̀.

Rm 8:4

Ŋwiye ya fàʼ anìŋ ni ghì gha mba mbe ne chùghə icheg ne Azwighi Ŋwiye kəbi, ne chəyi te ghìyə̀ inug mbe ne ìta nyàmnyɔd te ghə̀ʼrə̀, tì təm kòʼ icheg ne mə̀nɔ̀ʼɔ̀ Muse chwi.

2 Kɔrèn 1:17

Mbə̰ mɔ̀ʼɔ mbe bìre gha, kə̀ àkə aghə ghi mə̀ kṵ̀ igha̰ gho̰? Kə̀ chəyi mə̀ ya taŋ chùʼri nyɔd? Kə̀ mə kə icheg bəd inga isəg ne ghàmà tichug tibe tibe? Mbi ya mə̀ gha, “E!” ywìrì nɔ̀ʼ gha “Indèʼ!”

2 Kɔrèn 10:4

Ìmba ighi ibid ya kayi icheg ighi ibid bəd-aku. À ya ighi ibid Ŋwiye ne beri ika ni chìkì isiŋi mbe ne bəd ìpàb məd yaʼi angu.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

1 Timotì 1:18

Mə nàʼ tikə ìto̰ ine àghò Timotì, ìmə ŋwan icheg ne Azwighi Ŋwiye ya nàʼi ika abə bəd Kristo mbi ghàm inug mbo̰ imbə̀ʼ awe. Àghò mə ghì inug mbo̰, àghò we tì àghò zɔŋ chè, təm kà ane ìwe ibḛfiŋ igun Kristo.

2 Timotì 4:7

Mə fə zɔ̀ŋ àzɔ̀ŋì chɔm ni fàʼ abə Kristo. Mə fə nòtò ghò pè ane ìnwḭ. Mə fə nɔ̀ŋì ìmə ibḛfiŋ igun Kristo ghò pè ane ìnwḭ.

Mə̀Hibrù 12:1

Icheg ne tì beri bəd ndan ndàn ne nḛ̀ awa, ne ya nyimi ìwɔb ibḛfiŋ kwàʼ icheg chɔm, tì waʼ inug ijìm mbe ne kə̰ awa fɔrɔ inug tibɔ̀ŋ mbe ne kə nyìme awa anjìm. Tì nyimbi fìŋ ni nòrò ànòtì ze ne yaʼi ina imbìghè.