Nengeulaula 21:38 - Manobo Western Bukidnon

³⁸ Kenè ke ve iyan kes tig-Ihiptu he malù en neug̵et guntaan he midsukul te gubirnu ne mibpengulu te heepat he libu he menge tulisan diyà te tanà he kenà ed-ubpaan te etew?”

Nengeulaula 21:38 Cross References

Mateo 24:26

Ne emun duen egkag̵i te, ‘Ahaa niw, su is hadì he mibpilì te Megbevayà, diyè en sikandin te tanà he wazà duen ed-ubpà he etew,’ ne haazà is etew he egkag̵i, kenè niw pemineg̵a. Ne emun duen daan egkag̵i te, ‘Kayi sikandin med-eles,’ haazà is egkag̵i, kenè niw zaan tuuwi.

Mateo 5:11

Su utew kew zeyzey emun tenged te sumusundan ku sikiyu edsulaan kew wey ebpesipelahan kew te menge etew, ne ebpenudtul zan te tarù he mezaat is menge vaal niw.

Marcos 15:7

Ne zuen dutun pirisu he egngezanan ki Berabas, ne haazà si Berabas wey is menge zuma zin, ne midsukul zan te gubirnu ne nekepatey sikandin te etew zutun te kedsinamuk dan.

Lucas 23:19

Ne heini si Berabas, ne iyan ingkepirisu zin su impepekidtebek din te gubirnu is menge etew ne kenà dutun dà taman su nekevunù daan sikandin te etew.

1 Kurintu 4:13

Ne emun ed-el-elezen key ne kenà mezaat is idtavak dey. Minsan guntaan henduen key te rapek dà duen su kenè key idrerepengan te menge etew, ne henduen key te utew minus is pid-etawan din.