Mateo 25:24 - Manobo Western Bukidnon

²⁴ Ne midtelavuk daan sikan is sulug̵uen he mibeg̵ayan din te nengkelibu he pisus. Ke sikandin te, ‘Datù, netuenan ku he wazè nu kehizu su edreg̵unen nu is kenè nu pinemula, ne ebpenggenansya ka te wazè nu ipetig̵ayun.

Mateo 25:24 Cross References

Mateo 18:24

Ne zutun te kebpuuni zin pa te kedsusi kayi, mid-uwit dan diyà te kandin is sevaha he nekeutang diyà te kandin te sepulù he libu he libu he pisus.

Mateo 20:12

‘Sengeuras dà is kedterebahu kayi te nengehuziyan, ne sikami, ne tivuuk he andew is ked-antus dey te utew meinit, ne imped-iiring nu zà is suhul zey te langun!’

Mateo 25:25

Ingkehandek ku sikew umba inleveng ku ziyà te tanà is selapì nu. Ahaa nu; heini zed sikan is selapì nu.’

Mateo 25:26

Ne midtavak haazà is egalen din te, ‘Utew mezaat is baal nu! Peg̵ulen ka he sulug̵uen! Netuenan nu ves he edreg̵unen ku is kenè ku pinemula ne ebpenggenansya a te wazè ku ipetig̵ayun?

Mateo 7:21

Su zuen menge etew he ebpengumew-umew kedì te, ‘Nengazen, he Nengazen!’ Iyan, kenà langun te sikandan ebmehimuwen he mehedii te Amey ku he Megbevayà he ziyà te langit, kekenà, iyan dà sikan is edtuman te egkesuatan te Megbevayà.

Lucas 15:29

Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 19:13

Ne hein meg̵aan en sikandin edhipanew pehendiyà te sengeg̵inhedian, mid-umew zin is sepulù te menge sulug̵uen din ne kada sevaha zutun, mibeg̵ayan din te selapì. Ne neked-iiring is kezekelà te selapì he imbeg̵ey zin te kada sevaha. Ne migkag̵i sikandin diyà te kandan te, ‘Heini ve is selapì he ibpiyal ku keniyu, ne iyan kew en metau te ked-iseg din kedekelà taman te kenè e pa ebpekeulì dini,’ ke sikandin.

Lucas 6:46

Ne mid-uman megkag̵i si Jesus te, “Maan is egkeg̵iyen niw he iyan a egalen niw, iyan, kenè niw edtumanen is menge sambag ku keniyu.

Ruma 8:7

Emun ebeyveyaan is isip te etew te menge mezaat he kebayà te lawa zin, kuntada sikandin te Megbevayà su kenè din edtumanen is menge sug̵ù te Megbevayà. Ne kenà duen dà taman su kenà egkehimu he egketuman din.

Ruma 9:20

Ne iyan egkekag̵i ku kayi is: ebpeketavak ki ve te Megbevayà is linimbag din dà? Egkehimu ve he ebpekeinsè ki is mibeelan te mibaal kenita te, “Maan is mibeelan a kenikew he iring kayi?”