Mateo 21:27 - Manobo Western Bukidnon

²⁷ Umba, iyan tavak dan dutun ki Jesus is, “Hanew ta.” Ne migkag̵i si Jesus diyà te kandan te, “Kenè ku zaan egkeg̵iyen keniyu ke hengkey is ketenged ku te kebaal kayi te langun,” ke sikandin.

Mateo 21:27 Cross References

Mateo 15:14

Bey-ani niw en is menge Perisiyu. Iring sikandan te menge lakap. Ne ke zuen lakap he ed-eg̵aken din is sengelelakap, haazà is ebpeeg̵akà, ne pudu egkeulug diyà te vitu.”

Mateo 16:3

Ne ke egkepawà ne ebpemurawag ne zuen kivel, egkag̵i kew zaan te, ‘Edrendeng guntaan.’ Egketuusan niw is uzan tenged te g̵apun, iyan, kenè niw ves egketuusan is ed-ul-ulahan guntaan te Megbevayà.

Mateo 21:26

Ne emun egkeg̵iyen ta he etew zà, ebpemiligru ki te menge etew su midtuu zan he ebpeneuven si Juan te Megbevayà.”

Mateo 21:28

Ne mid-uman megkag̵i si Jesus diyà te kandan te, “Hengkey is isip niw kayi? Duen etew he zezuwa is anak din he maama. Mibeyaan din is kakey ne migkeg̵iyan din te, ‘Diyè ka g̵untaan, Mama, terebahu te perasan.’

Juan 9:30

Ne midtavak maan haazà is etew te, “Utew ku heini igkeinuinu! Duen gehem ni Jesus ne mibewian din is menge mata ku, ne minsan pa zutun wazè niw ves metueni ke hendei sikandin ebpuun!

Ruma 1:28

Ne g̵eina te egkeg̵iyen dan he wazè en pulus te kedtuuwi te Megbevayà, mid-iniyug̵an sikandan te Megbevayà ne tenged kayi iyan ebayàbayà kandan is kelelalung he netag̵ù diyà te isip dan ne ed-ul-ulahan dan is kenà hustu.

2 Kurintu 4:3

Ne is Meupiya he Tudtulanen he ibpesavut dey, emun in-eles heini, iyan dà neelesan kayi is menge etew he kenà edawat te untung he wazè din pidtemanan.