Marcos 15:3 - Manobo Western Bukidnon

³ Ne is menge punuan te memumuhat, mezakel is menge sumbung dan mehitenged ki Jesus.

Marcos 15:3 Cross References

Mateo 27:12

Iyan, dutun te migkag̵i en te menge punuan te menge memumuhat wey menge ebmeg̵urangen te menge Hudiyu ziyà te ki Pilatu is sumbung dan mehitenged ki Jesus ne wazà haazà tevaka ni Jesus.

Marcos 15:2

Ne si Pilatu, mid-insaan din si Jesus te, “Hadì ke ve te menge Hudiyù?” Ne midtavak si Jesus te, “Uya, iyan is migkag̵i nu.”

Marcos 15:4

Ne tenged dutun mid-uman med-insà si Pilatu ki Jesus te, “Wazè nu ve igketavak kayi te mezakel he menge sumbung dan mehitenged kenikew?”

Marcos 15:5

Iyan, wazà medtavak si Jesus te minsan hengkey he insà kandin ne tenged dutun neinuinu utew si Pilatu.

Juan 19:12

Ne zutun, mid-iseg is gustu ni Pilatu he edlibriyen din si Jesus, iyan, mibpememensag en maan haazà is menge Hudiyu, ke sikandan te, “Emun ibpaawè nu heeyan he etew, egkuntedahan nu is hadì tew ziyà te Ruma he si Cesar su is etew he iring kayi he ebpahadì, ebpekigkuntada ki Cesar.”