Marcos 13:24 - Manobo Western Bukidnon

²⁴ Ne emun egkeiwas haazà is timpu te kemeresayan, kenè en edsilà is andew ne kenè en daan ed-anlag is bulan.

Marcos 13:24 Cross References

Marcos 13:23

Umba mebpekevantey kew su midtudtul ku en keniyu heini is langun he egkehitavù te wazè pa meulaula.

2 Pedro 3:10

Ne minsan pa zutun, edtumanen gihapun te Megbevayà is kedlimasa zin te kelibutan. Egketik-awan is menusiyà he iring te kegketik-awi kandan te tekawen. Dutun he andew egkezineg is kerekatak ne egkehanew is langit. Egkeg̵evà ne egkeamin egketutung is minsan hengkey. Egkevinsulan is tivuuk he kelibutan wey is langun he tag̵ù din.

2 Pedro 3:12

Su edteg̵azan ta is andew te kedlimasa te Megbevayà te kelibutan. Edhimuwen ta is taman te egkehimu ta su wey meg̵aan metuman. Dutun he andew egkeamin egketutung is langit, wey egkengetunew is langun te utew meinit.

Impezayag 20:11

Ne zutun neehè ku is dekelà he meputì he pinuuwà te edhadì ne neehè ku zaan is ebpimpinuu zutun. Naawà is langit wey tanà diyà te etuvangan din ne nahanew ne kenè en maan sikandan egkeahà.