Marcos 12:37 - Manobo Western Bukidnon

³⁷ Ne impelaus ni Jesus haazà is egkeg̵iyen din te, “Emun migkag̵i ni David he Nengazen din is ebperetengen he ibpahadì, kenà egkehimu he kevuwazan dà duen ni Hadì David.” Ne utew nengesuat is mezakel he menge etew zutun te kebpenurù kandan ni Jesus.

Marcos 12:37 Cross References

Mateo 1:23

“Ebmeg̵ingey is rag̵a ne id-anak din is maama, ne iyan ngazan te vatà si Imanwil,” he ke và dà egkeg̵iya, nekeamur is Megbevayà kenitew.

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 21:45

Ne heini is menge sempità ni Jesus, nezineg te menge Perisiyu wey menge lavew he memumuhat ne nesavut dan he iyan din sikandan egkeg̵iyen.

Mateo 21:46

Iyan, hein ed-isipen dan en edekepa si Jesus, kenè dan egkehimu su egkehandek dan te mezakel he menge etew su midtuu is menge etew he ebpeneuven si Jesus te Megbevayà.

Lucas 19:48

Iyan, kenè dan egkeg̵aanggaan te edhimatey sikandin su is langun he menge etew, ne utew zan egkengevenari he ebpememineg kandin.

Lucas 21:38

Ne is langun he etew zutun te inged, ne edselemselem dan edhendutun te Valey te Megbevayà su ebpemineg dan te menge penurù din.

Juan 12:9

Nezineg te utew mezakel he menge etew he ziyà si Jesus te inged he Bitanya, ne nemenhendutun dan. Kenà iyan dan dà ed-ahaan si Jesus, kekenà, ed-ahaan dan daan si Lazaro sikan is mibanhew zin.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

Impezayag 22:16

“Siak si Jesus, midsug̵ù ku ziyan te keniyu te menge tumutuu is belinsug̵uen ku wey zin metudtul heini is langun. Iyan a sikan is kevuwazan te hadì dengan he si David. Iyan a sikan is iring te mekevugwas, kes bituen he ed-anlag ke egkepkepawè en,” ke si Jesus.