Lucas 21:37 - Manobo Western Bukidnon

³⁷ Ne kada andew zutun ne ebpenurù si Jesus diyà te simbahan he Valey te Megbevayà. Ne te kada mezukilem ne edhendiyà sikandin te vuvungan he egngezanan te Ulivuwan su zutun sikandin edhizeg̵à.

Lucas 21:37 Cross References

Mateo 21:1

Ne hein uvey zan en diyà te inged he Hiruselim su uvey zan te inged he Bitpagi, ne uvey zaan te vuvungan he egngezanan te Ulivuwan, migkeg̵iyan ni Jesus is dezuwa zutun te sumusundan din,

Mateo 21:17

Ne mid-ewaan din sikandan ne mid-awà sikandin dutun te inged he Hiruselim ne midhendiyà te inged he Bitanya, ne zutun medhizeg̵à.

Mateo 26:30

Ne zutun migkanta zan te kedalig te Megbevayà ne hein nepasad haazà migawas dan ne midhendiyè dan te vuvungan he egngezanan te Ulivuwan.

Mateo 26:55

Ne zutun migkeg̵iyan ni Jesus haazà is menge etew te, “Tulisan e ve? Su maan is neg̵umeenan kew te menge ubpit wey menge lagkut is edakep kedì? Kada andew ne egkeahà a keniyu is ebpenurù te menge etew ziyà te Valey te Megbevayà, ne maan is wazà a keniyu zutun dà dekepa?

Marcos 11:12

Ne nepawà dutun te ziyè en ensi Jesus te zalan su edlikù dan diyà te Hiruselim he ebpuun te Bitanya, nevitil sikandin.

Marcos 11:19

Ne zutun te midsanlep en is andew, mid-awà ensi Jesus dutun te inged.

Marcos 14:49

Kada andew ne zuma a keniyu ziyà te Valey te Megbevayà is ebpenurù ne wazà a keniyu zutun dà dekepa. Iyan, egkeulaula heini su egketuman sikan is menge tagnà diyà te insurat he Lalag te Megbevayà.”

Lucas 19:29

Ne hein uvey zan en diyà te inged he Bitpagi wey ziyà te inged he egngezanan te Bitanya he ebpeketekezeg dutun te vuvungan he egngezanan te Ulivuwan, ne midsug̵ù ni Jesus is dezuwa te menge sumusundan din.

Lucas 19:37

Ne hein edtupang dan en dutun te vuvungan he Ulivuwan su uvey zan en diyà te inged he Hiruselim, ne langun dutun te menge sumusundan din he nemenduma kandin, utew zan nengelipey he edhabet edalig te Megbevayà tenged te langun he nengeehè dan he menge egkengein-inuwan he mibeelan ni Jesus.

Lucas 19:47

Igenat dà dutun ne kada andew ne ebpenurù si Jesus dutun te zekelà he simbahan. Ne is menge punuan dutun te menge memumuhat te Megbevayà, wey is menge menunudlù te kesug̵uan, wey is ebmeg̵urangen te menge Hudiyu, ne egkesuatan dan pezem si Jesus te edhimatey.

Lucas 22:39

Ne zutun migawas si Jesus puun te valey ne midhendiyà te vuvungan he egngezanan te Ulivuwan su zutun dan layun edhizeg̵à ne nemenduma kandin is menge sumusundan din.

Juan 12:1

Mekeenem pa zutun is Pista te Kedlevayi, ne nekeuma si Jesus diyà te Bitanya he inged ni Lazaro, kes mibanhew ni Jesus.

Juan 18:2

Ne si Hudas, sikan is ed-akal kandin wey mehimetayi, netuenan din haazà is mibpunduwan dan su si Jesus wey is menge sumusundan din, layun dan edtig̵um dutun.

Nengeulaula 1:12

Ne zutun mid-awà is menge epustul ziyà te vuvungan he egngezanan te Ulivuwan, ne mid-ulì dan diyà te inged he Hiruselim. (Haazà is buvungan, uvey zà te Hiruselim; sengekilumitru zà buwa is keziyù din.)