2 Timoteo 2:26 - Manobo Western Bukidnon

²⁶ Ne pinaag̵i zutun human ebmetandang is ked-isipa zan te langun, ne human dan egkepeleg̵uyi is gehem ni Setanas su iyan si Setanas nekezakep kandan wey zan metuman is egkesuatan din.

2 Timoteo 2:26 Cross References

Lucas 11:21

Ne zutun impesavut ni Jesus he lavew he mekeg̵eg̵ehem sikandin kenà si Setanas is egalen te menge mezaat he mulin-ulin. Ke si Jesus te, “Ke zuen mezesen he etew he nepurung meg̵umeeni ne ebentayan din is baley zin, wazà ebpekeag̵ew te menge azen din.

Lucas 15:17

Ne hein neug̵et dutun ne nekepurung sikandin mekeisip-isip. Ke sikandin te, ‘Langun te menge sulug̵uen te amey ku ne idsegkayè dan is egkeenen, iyan, siaken heini, ne egkeumes e en te vitil.

Lucas 5:10

Elin daan nengeinuinu zutun is menge anak ni Sibidiyu he si Santiago wey si Juan he menge zuma ni Simon te ebpenlaya. Ne migkag̵i si Jesus diyà te ki Simon te, “Kenè ka mahandek. Menlelaya ka te pait, iyan, puun guntaan iyan ku ibpeveelan kenikew is kebpen-ahà te etew wey mehimu he menge sumusundan ku.”

Juan 13:2

Si Jesus wey is menge sumusundan din, ne edlavung dan dutun. Ne si Hudas he tigKeriyuti he anak ni Simon, daan en he impeseled ni Setanas diyà te isip din is ked-ekali zin ki Jesus.

Juan 13:27

Ne hein nezawat ni Hudas haazà is supas, ne mid-ehukan sikandin ni Setanas ne migkeg̵iyan ni Jesus te, “Gègaani nu is ebeelan nu!”

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Nengeulaula 5:3

Ne migkeg̵iyan sikandin ni Pedro te, “Eneniyas, maan is ebpevayàbayè ka ki Setanas su edlimbungan niw is Wag̵as he Mulin-ulin su kenè niw id-amin is selapì.

1 Kurintu 15:34

Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

2 Kurintu 2:11

Ne umba ed-ul-ulahan ku heini su wey kenè kiw meekali ni Setanas. Netuenan tew ke hengkey is mezaat he edhimuwen din pezem dini te kenitew.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

Kulusas 1:13

Midtevangan kiw te Amey tew he Megbevayà ne tenged kayi wazè kiw en maan meveyveyai te kerusireman, he ke và dà egkeg̵iya, si Setanas. Ne g̵untaan iyan en ebayàbayà kenitew is Anak te Megbevayà he si Jesus he utew mahal ziyà te g̵ehinawa te Megbevayà.

1 Timoteo 1:20

Duma kayi si Himinyu wey si Alejandro. Impevayàbayè ku si Setanas kandan wey ikepenurù kandan he kenè dan sumpelita is Megbevayà.

1 Timoteo 3:7

Kinahanglan he meupiya layun is menge ulaula zin su wey mehimu he telehuzen sikandin te menge etew he kenà tumutuu ki Kristu, su emun kenà, kela ke ituka zan ne egkeseleizan sikandin ni Setanas.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.