1 Timoteo 6:21 - Manobo Western Bukidnon

²¹ Duen duma he menge etew he nekekuwa en kun kayi te ketau, iyan, pinaag̵i kayi neengkezan dan en is tutuu he tuluuwen he midtuuwan tew. Berakat he ikeg̵ag̵ew kew is langun te Megbevayà.

1 Timoteo 6:21 Cross References

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Ruma 1:7

Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 16:20

Ne emun iyan heini egkehitavù, is Megbevayà he iyan puunà te kelinew, meg̵aan din en edhimuwa he mepurung niw mezaag si Setanas. Berakat he ikeg̵ag̵ew kew te Nengazen tew he si Jesu Kristu.

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.

Kulusas 4:18

Siak si Pablo, ebpengemusta a keniyu. Tuus heini is kedsurata ku te ngazan ku he kediey he surat heini. Kenè niw lipati he pirisu a ne iampù a keniyu. Berakat he ikeg̵ag̵ew kew te Megbevayà.

1 Timoteo 1:19

Iyan gumaan nu is kedtuu nu te tutuu he tuluuwen wey is kedtumana nu te langun he netuenan nu he hustu. Duen menge etew he wazè dan tumana is netuenan dan he hustu ne tenged kayi nezeetan en is kedtuu zan te Megbevayà.

1 Timoteo 1:6

Duen diyan menge etew he wazè dan meseg̵ipà heini. Iyan dan impelavi is kebpekidlewanà mehitenged te wazè din pulus.

1 Timoteo 6:10

Su ke zuen etew he susuaten te selapì ne egkehimu he egkeulaula kandin is minsan hengkey he mezaat. Pinaag̵i kayi neiniyug̵an te zuma is tuluuwen tew ne tenged kayi nehimu he utew mezakel is menge keseengan dan.

2 Timoteo 2:18

Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

2 Timoteo 4:22

Berakat he zumahi kew te Nengazen. Ikeg̵ag̵ew kew zin is langun. Iyan a si Pablo.

Tito 3:15

Ebpepengemusta kenikew is langun he menge zuma ku kayi. Ipengemusta key zaan te langun he menge emig̵u zey he tumutuu ziyan. Berakat he ikeg̵ag̵ew kew te Megbevayà is langun.

Hibriyuhanen 13:25

Berakat he ikeg̵ag̵ew kew is langun te Megbevayà.