1 Timoteo 5:19 - Manobo Western Bukidnon

¹⁹ Kenè niw pemineg̵a is edsumbung te ebmeg̵urangen te menge tumutuu ke wazà dezuwa wey ke tetelu ve he ebpeketistig̵us te idsumbung.

1 Timoteo 5:19 Cross References

Mateo 18:16

Iyan, ke kenà ebpekidhusayà, peng-ehè ka te sevaha, ne emun kenà, ne zezuwa pa he tumutuu su wey mepirmahi zutun te zezuwa, emun kenà, ne tetelu haazà is kebitiyara niw.

Juan 18:29

Tenged dutun migawas si Gubirnedur Pilatu ziyà te kandan ne ke sikandin te, “Hengkey is idsumbunga niw kayi te etew?”

Juan 8:17

Duen insurat diyà te kesug̵uan niw he edhenduen te, ‘Egkeserig̵an is kebpenistig̵us te zezuwa emun egkeuyun.’

Nengeulaula 11:30

Ne mid-ulaula zan heini ne midsug̵ù dan si Bernabe wey si Seulu he iyan ibpahated te selapì diyà te menge ebmeg̵urangen te menge tumutuu ziyà te Hiruselim.

Nengeulaula 25:16

Ne migkag̵i ku kandan he sikami is menge Rumanu, kenè dey igkepalad is etew he insumbung ke wazè pa sikandin mekeetuvang te menge midsumbung kandin su wey sikandin mekepengetezengan.

2 Kurintu 13:1

Iketelu en heini te kebpenumbaley ku ziyan. Ke zuen etew he ebpehusey kedì ne zuen idsumbunga zin te zuma zin he tumutuu, kinahanglan he ebentayan ta is sug̵ù diyà te insurat he Lalag te Megbevayà he edhenduen te, “Ke zuen idsumbunga niw te zuma niw kinahanglan he edtistig̵usan te menge tetelu ne emun kenà ne menge zezuwa he etew.”

1 Timoteo 4:14

Kenè nu lipati haazà is ketau he imbeg̵ey zengan kenikew te Megbevayà pinaag̵i te kebpenuvadtuvad te ebpeneuven wey pinaag̵i te kedempaa kenikew te menge ebmeg̵urangen.

1 Timoteo 5:17

Is menge ebmeg̵urangen he meupiya is ked-uwita zan te menge tumutuu, kinahanglan he isipa niw sikandan he zait he edtekepen is suhul kandan, lavew en sikandan is dekelà is baal zan te kedwali wey kebpenurù.

Tito 1:6

Is ebmeg̵urangen, kinahanglan he wazà supak din, sevaha zà is esawa zin, ne kenè din selselai. Kinahanglan he menge tumutuu is menge anak din, ne kenà sikandan ed-isipen te menge etew he iyan dan dà ebpen-ahaan is kelibutanen he kelipey. Kinahanglan he metinumanen sikandan te menge idsug̵ù kandan.

Hibriyuhanen 10:28

Su is minsan hentei zengan he wazè din tehuza is kesug̵uan he imbilinbilin ni Moises, emun edtistig̵usan heini te minsan tetelu wey ke zezuwa ve he tistig̵us, ne kenà egkehizuwan, kekenà, edhimetayan sikandin.