1 Kurintu 6:6 - Manobo Western Bukidnon

⁶ Iyan, sikiyu, ke zuen idsumbung niw he zuma niw ne kenà meupiya is ulaula niw su ziyè kew ebpehusey te huwis he kenà tumutuu. Ne kenà meupiya ke iyan edhusey kenitew is etew he kenà tumutuu.

1 Kurintu 6:6 Cross References

Nengeulaula 7:26

Ne hein nepawà dutun, midlikù med-uman si Moises. Ne zuen neehè din he zezuwa he menge Hudiyu he ebpetebekà. Ne ebpelangen din pezem haazà is dezuwa su ke sikandin te, ‘He menge suled, kenè kew medtebek su teltelesuled kew.’

1 Kurintu 6:1

Ne emun duen idsumbung te sevaha keniyu he zuma zin he tumutuu, maan is layun kew ebpehusey te menge zatù he kenà tumutuu? Kinahanglan he iyan edhusey kenitew is duma tew he tumutuu.

1 Kurintu 6:7

Ne heini is kebpesumsumbungè niw, wazè niw ve metueni he tuus heini he utew zekelà is kurang te kedsunud niw te Nengazen? Deyzey ke kenè kew medsukul ke zuen ebpesipala keniyu. Deyzey ke ed-eg̵awan kew te menge azen niw, kenà te idsumbung niw is duma niw he tumutuu.

2 Kurintu 6:14

Kenè kew, menge suled, mebpekidsevaha te menge etew he kenà tumutuu su kenà egkehimu he egkesevaha is meupiya wey mezaat. Ne kenà daan egkehimu he ebpeked-amur is kerayag wey is merusirem.

2 Kurintu 6:15

Kenà daan egkeuyun si Kristu wey si Setanas ne kenà egkehimu he egkesevaha is tumutuu wey is kenà edtuu.

1 Timoteo 5:8

Su ke zuen tumutuu he kenè din ed-elimahan is menge edsarig kandin, lavew en sikandan he ziyà ed-ubpà te valey zin, mid-engkezan din en is kedtumana zin te tuluuwen tew. Meupiya pa sikan is wazà meketuu kenà sikandin.