1 Kurintu 14:28 - Manobo Western Bukidnon

²⁸ Su emun wazà ebpekeluwas dutun ne kinahanglan he wazà megkag̵i te kineg̵iyan he kenà egketuenan. Egkehimu ke egkag̵i haazà is etew ziyà te Megbevayà asal kenà edhabet, kekenà, diyà dà te isip din.

1 Kurintu 14:28 Cross References

1 Kurintu 14:27

Ke zuen ebpemekekag̵i te kineg̵iyan he kenè dan egketuenan, ne zezuwa zà is megkag̵i, ne emun kenà ne tetelu, ne kenè dan mebperedredseey ne kinahanglan he zuen dutun metau he edluwas.

1 Kurintu 14:29

Ne iring din ded daan haazà is menge etew he edseysey te impesavut kandan te Megbevayà su egkehimu he zezuwa zà ne emun kenà ne tetelu is egkag̵i. Ne kinahanglan he ebpemineg is langun ne ed-isipen dan ke hustu ve wey ke kenà haazà is egkeg̵iyen.

1 Tiselunika 5:21

kekenà, gezami niw is langun ne tipig̵i niw is meupiya.