1 Juan 5:14 - Manobo Western Bukidnon

¹⁴ Sikitew is nemeketuu, dekelà is kebpekesarig tew ke ed-ampù kiw ziyà te Megbevayà. Netuenan tew he ke zuen minsan hengkey he ebuyuen tew he kenà supak te egkesuatan din, ibeg̵ey zin kenitew.

1 Juan 5:14 Cross References

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Juan 11:42

Netuenan ku he layun ka ebpemineg te egkeg̵iyen ku, iyan, tenged te menge etew kayi te uvey ku ed-ampù a kenikew g̵untaan wey zan meketuu he midsug̵ù a kenikew zini te kelibutan.”

Juan 14:13

Ke zuen ebuyuen niw kediey tenged te kedtuu niw kediey, ebeelan ku su wey mevantug is Amey ku tenged kediey.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

Juan 16:24

Wazè niw pa mibuyù diyà te kandin ebpuun te kedtuuwi niw kediey. Buyù kew wey kew mekezawat su wey kew utew melipey.

Juan 9:31

Netuenan tew he is Megbevayà, kenè din edtevangan is mesinupaken he etew, iyan, ke zuen etew he ed-azap kandin wey edtuman te egkesuatan din, iyan edtevangan din.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

Hibriyuhanen 10:35

Umba, menge suled, kenè niw engkezi is kedsarig niw su emun meheg̵et is kedsarig niw te Megbevayà, egkezawat niw is suhul zin he utew meupiya.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

Santiago 4:3

Ne minsan ke ebuyuen niw ziyà te kandin, kenè din ibeg̵ey su mezaat is tuyù niw te kebuyua niw kayi. Iyan ketezengan te kebuyù niw is wey niw metuman is mezaat he kebayè niw.

Santiago 5:16

Ne tenged dutun kinahanglan he petudtudtulè kew te menge salè niw su wey iampù te kada sevaha is duma zin ne wey meulii is egkengezeruwan. Utew mekeg̵eg̵ehem is ked-ampù te metazeng he etew.

1 Juan 2:28

Ne tenged kayi te langun, menge anak ku, hemeni niw is kebpekidsevaha niw ki Kristu su wey kenè kew mahandek ne kenè kew egkeeled keuzemà dutun te kedlikù din.