Vapilipo 4:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Hamunangaikange kwamwaa washinu shoeshoe kanji kwakula shinu, kwaindila yakushwali na yakujugwa pamo na kulambwalela, palakedya majugwilo enu kwake Nnungu

Vapilipo 4:6 Cross References

Mateu 10:19

Napane vakankamudya kwavanavo, hamunajugulange mukumbukila mwakutangalela kwali shakutangola. Shakutangola sho, mundapata muwakati wowo

Mateu 13:22

Imbeju igwilidíle padimiva ni munu áigwilila lilove kanji mangaikangilo awakati au pamo na lung'unuku lwamali, avyo vindáshinya lilove kutwala nae mene kupa vyepo.

Mateu 6:34

Nadoni hamunangaikangile liduva lyalunduno mwaa vyalunduno, vyalunduno. Migagolo vyaliduva limo vinkutosha kwaliduva lyolyo.

Mateu 6:8

Mwenu hamunave kenga vanavo! Tatagwenu, ata mukanava kunjugwa, nae andimanya kaladavo ashilá shamulóta.

Lukashi 10:41

Umu kushidoni, “Malita, Malita, shapo wako muntima mo unkwangaikangila vinu vyoe

Lukashi 12:22

Yesu kutwala kuvaulila vakwoda vake kushidoni, “Hamunaangaikangile shingumi shenu kwa ashilá shamulota kulya na ata mili vyenu kwa ashilá shakulota kugwadya.

Lukashi 12:29

Mwenu hamunalambele shakulya na ata shakukumbila. Hamunajugulange.

Lukashi 18:1

Napanelo nae andíkong'a nkong'o avamanyiya vakwoda vake vashwalye ngwengwe pavakaujila kunyuma

Lukashi 18:7

Kushi Nnungu vakutandalegwa vake vannamadikíla shilo na mui vo, havapa ishaliya? Mwona kenga andatimatimanga kwavanavo?

I Vakolintu 7:21

Da vakushamile ùvele untumwa? Haunangaikange kwamwaa awo kanji mwiu ukapata litala lyakuva muunaiti, katakela.

I Vakolintu 7:32

Nangu ngushindalota mwenu po muve mmakwambolegwa mukwangaikanga. Munu ákalombile aangaikangila vimwe Umu mwashi mwakunnagwalela nae.

II Vakolintu 1:11

mwenu mutupwashela mukushwali kwenu kwambangidya dashi, vanu voe valambwalele kwaupande wetu kwamwaa walitananilo lyatupatile kwaindila yakushwali kwavanu voe.

Vaepeshu 5:20

munnambwalela ngwengwe vinu uti Nnungu Atata palina limwe Umu wetu Yesu Klistu,

Vaepeshu 6:18

Kwakula inamuna yakushwali na kujugwa, shwali kula wakati mu Imumu. Kwadoni, ava mevo mulipililila uti mushwali muvajugwila vakwilimyanga uti

Vakoloshu 3:15

Doni, amani imwe Klistu ave nkwángangola mmitima myenu mwaa kwaamani mwenu mundishamegwa kwamili umo na muve mmakulambwalela.

Vakoloshu 3:17

Uti vyamulota kutenda, ata ikava kwalilove kwali kwavitendo, tenda palina limwe Umu Yesu munnambwalela Nnungu Atata kwaindila yake.

Vakoloshu 4:2

Wena mushu munanopa mukushwali, muva mevo nkati mwake na mulambwalela,

I Timoti 2:1

Napavedoni shitandi ninkulaililila kupagwe kujugwa, kushwali, kujugwangila na kulambwalela kwaupande wavanu uti,

I Timoti 5:5

Napane namwili wiu ákave pashinu aijá ávele bai gweka yake, ankuvanavo lilindilililo lyake kumwe Nnungu na ankuka mushu mukujugwangila na mukushwali shilo na mui.

I Patulu 4:7

Mwenu, mwisho wavinu uti undivandika. Nadoni lipange muding'ano dyenu, namomo ava mevo kwamwaa wakushwali kwenu.

I Patulu 5:7

munjalela nae mangaikangilo enu uti mwaa nae ankumwangaikangila mwenu.