Vapilipo 2:30 - Ibibiliya mu Shimakonde Imbodi Yaambi na dimbande dya Imbodi Yakala

³⁰ mwaa nae andípela kwashimadengo shimwe Klistu alimyanga shingumi shake pakulota awishe popo ashilá she shibakidíle mukutumika kwenu kwangu nangu.

Vapilipo 2:30 Cross References

Vitendo 20:24

Kanji navalangilila shinu shingumi shangu kuva shinu shamana kwangu nene nimwene pakulota ngudududile shitamba shangu na utumika wangukamudidye Umu Yesu yakutaa ushuda ntenga wambone waumonyo wake Nnungu.

Valoma 16:4

Vanavo vandilimyanga shingumi shave kwamwaa washingumi shangu; avyo navalambwalela shinu nangu gweka kanji na liganisha uti lyavamidi momo.

I Vakolintu 15:53

Doni, mili au wakulambaleka uligwadye ungalambaleka; mili au wakupela uligwadye ungapela.

I Vakolintu 16:10

Paida Timoti po, mwenu ntadye nae aligwe shana pakati penu mwaa jojo jo, ankukola madengo ake Umu kenga nene.

I Vakolintu 16:17

Ndipuwanga kuwika kumwe Eshitepanashi, Polutunato namu Akaiko mwaa vandidiva lyutu livéle mwandwa kwenu mwenu.

II Vakolintu 12:15

Nangu kwantima wambone ndajaanga na ndalijaangila uti kwamwaa waungumi wenu. Ikava kenga nangu ninkunnagwaledya namene mwenu, ndanagwaleka padyoko?

II Vakolintu 4:12

Nadoni kupela ankukola madengo nkati mwetu kanji shingumi shinkukola madengo nkati mwenu.

Vapilipo 2:17

Ata ikava kenga vankungumimina pashanya shadaka na mukutumika muukulangalalela-shadaka kwalikulupililo lyenu, ninkupuwanga na ninkupuwanga pamo namu mwenu.

Vapilipo 2:27

Mwiu nae andíva nnwele ata mpaka kuleka indaja. Kanji Nnungu andimwanangila shididi na i gweka nae ata nangu momo kwambangidya hangunavenavo shipalodi pashanya shipalodi.

Vapilipo 4:10

Napanelo ninkupuwanga namene nkati mumwe Umu kwamwaa wenu mwenu wamuliladidye kavili kungutanana nangu. Kwaumwiu, mwenu mushinangukumbukila ila hamushivanavo litala lyakulilodya.

Vapilipo 4:18

Nangu ndivanavo uti na ndyumbala. Ndilinganana pangupatile kumwe Epapoloditu avilá vyaléke kwenu; avyo ni kunung'angila kwambone, shadaka shakukubalika shinnagwéla Nnungu.

Pilemoni 1:13

Ishinangunagwela apagwe namu nangu pakulota angutumike adiva lyutu lyako pangungwa apa kwamwaa wantenga wambone.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.