Valoma 16:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Timoti mmádengomwangu ankuntumidya nandele, namomo Lushiu, Yashoni namu Shoshipatulu valikola lyangu.

Valoma 16:21 Cross References

Vitendo 13:1

Napanelo paliganisha lya pa Antiyokiya vandípagwa vakulava na vamwalimu kenga ava: Balinaba, Shimiyau áshimanyika kwalina lya Wakudimba, Lushiu wa ku Shilene, Manaeni munu ákulumwike pamo namu umu Elode na kupagwa Saulu.

Vitendo 17:14

Muwakati wowo vanung'unumunnu vandímwaulila na vanímpanganiangidyanneu Paulu auke nanyenje imanga kanji Shilashi namu Timoti vandíikala mo nkaja mu Baleya.

Vitendo 17:5

Kanji vayuda vandívanavo ing'ou vakavatwalanga vakubanga vanji vapashakoni vakaunga shipinga shavo shaupuju kupita vataa upuju nkaja; vanavo vandyúka ndapajola ing'ande imwe Yashoni valota vankamule Paulu namu Shilashi vavaukenavo kuumbala.

Vitendo 18:5

Napanelo Shilashi namu Timoti pavawikile vaalakela ku Makedoniya, Paulu ashindabanigwa kwalilove aumya ushuda kwavayuda kenga Klistu ni Yesu.

Vitendo 19:22

Napavedoni andívatuma vatumikamwagwe yani Timoti namu Elashitu vauke ku Makedoniya kutwala nae kwikala padyoko ku Ashiya.

Vitendo 20:4

Mushimwanda asho andyódana namu Shopatulu wa ku Beleya mwanagwe Pilu, Alishitaliku namu Segundu vanu va ku Teshalonika, Gayu wa ku Delebe, Tikiku namu Tolopimo vanu va ku Ashiya namu Timoti.

Valoma 16:11

Mupe nandele nkwetu Elodiyau. Vape nandele valikola limwe Nalishishu vavéle nkati mumwe Umu.

Valoma 16:7

Mupe nandele Andoloniku pamo namu Yuniya vakwetu na vavangu nkati mukungwa, vanu vamanyíke namene pakati pavamyombe na vanavo vatandi kupagwa nkati mumwe Klistu nangu nikanava.

Valoma 9:3

Mwaa ndikandilota ata nene nimwene ngupate dilana na ngwapukanangenavo Klistu kwamwaa wavanung'unumunu vàvele vakwetu kwashimunu.

II Vakolintu 1:1

Paulu, myombe umwe Klistu Yesu kwalilotelo lyake Nnungu namu nung'unumunu Timoti kwaliganisha lipágwa ako ku Kolintu pamo na vakwilimyanga uti vapágwa disemu uti dya ku Akaya.

II Vakolintu 1:19

Mwaa Mwana wa Nnungu, Yesu Klistu ávalangangiligwe pakati penu kwaindila yetu, nangu, Shilivanu namu Timoti, haivele “Elo” namomo “Mene” kanji nkati mwake mo, ngwengwe muvelé “Elo.”

Vapilipo 1:1

Paulu namu Timoti vatumwa vamwe Klistu Yesu kwavakwilimyanga uti nkati mumwe Klistu Yesu múpagwa ako ku Pilipo pamo na vakulaledya na vatumika.

Vakoloshu 1:1

Paulu, myombe umwe Klistu Yesu kwalilotelo lyake Nnungu namu nung'unumunu Timoti

I Vateshalonika 1:1

Paulu, Shilivanu namu Timoti kwaliganisha lyavateshalonika lìvele nkati mumwe Nnungu Tatamunu namu Umu Yesu Klistu. Umonyo upagwe kwenu mwenu pamo na amani.

I Vateshalonika 3:2

kutwala kuntumidya Timoti aijá nung'unugwetu, mmádengomwagwe Nnungu nkati muntenga wambone umwe Klistu pakulota annonowange na amupe ntima shii kwaupande walikulupililo lyenu

I Vateshalonika 3:6

Kanji napane paidile kwetu Timoti aalakela kwenu kutwala kutupa dyabali dyambone dyalikulupililo na linagwaledyo lyenu na kutuvalangangila kenga ngwengwe mwenu munkuvanavo likumbukililo lyambone kwetu wetu na munkuvanavo mweshe wakutwona wetu kenga wetu kwenu mwenu,

II Vateshalonika 1:1

Paulu, Shilivanu namu Timoti, kwaliganisha lyavateshalonika lìvele nkati mumwe Nnungu Tatagwetu namu Umu Yesu Klistu.

I Timoti 1:2

kumwe Timoti mwanangu waumwiu nkati mulikulupililo. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

I Timoti 6:20

Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

II Timoti 1:2

kumwe Timoti mwanangu wakunagwaleka. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

Vabalaniya 13:23

Ninkulota nimmanyiye doni, nung'unumunu Timoti tayali vanimuungula nkalaboshi. Ikava kenga nae andawikinneu apa, nangu ndaida kwenu nannola pamo namu nae.