Vagalata 3:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Mmagalata mmajinga mwe! Da mwenu annagwilé nyani, mwemwe wavammalangangidile ngala pamevo penu kenga Yesu Klistu andikamalalegwa panshalaba?

Vagalata 3:1 Cross References

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Mateu 7:26

Napane kula munu áigwilila malove angu kanji mene kutandedya mwalatangalakela, ankuva kenga munu ákave ding'ano ádangile ing'ande yake palitimbwitimbwi.

Lukashi 24:25

Napanelo Yesu kushidoni, “Shasho! Mwenu mmajinga namene na mmakukakova mmitima pakulota kukulupila uti vyavatangwele vakulava!

Vitendo 16:6

Vanavo vandípita isemu ya ku Piligiya na ku Galata vakadivililigwa kwa Imumu Wanashwe kuvalanganga lilove ku Ashiya.

Vitendo 6:7

Nadoni lilove lya Nnungu lishindaandavala; pa Yelusalemu vakwoda vashindaanjandyeka na vakulangalalela-shadaka voe vashindaigwilila likulupililo.

Valoma 10:16

Kanji i uti vaigwilíla ntenga wambone mwaa Ishaiya ankushidoni, “Umu, da nyani ákulupidile dyabali dyetu?”

Valoma 2:8

kanji shitundi na shishimwashimwa kwa avalá vavénavo malotelo augweka vaíta umwiu kutwala kwigwilila ungave-shaliya.

Valoma 6:17

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

I Vakolintu 11:26

Mwaa ngwengwe pamulya ligung'u ali na kukumbilila shikombe ashi, munkuvalanganga kupela kumwe Umu mpaka palota kwida.

I Vakolintu 2:2

Mwaa ndyámuwa namanye shoeshoe pakati penu ila Yesu Klistu na yakukamalalegwa panshalaba.

II Vakolintu 10:5

Tunkubamalanga makumbukililo na kulyona uti kulyumilídya apinga limanyilo lyake Nnungu na tunkuteka makumbukililo uti pakulota amwigwilile Klistu

II Vakolintu 11:3

Kanji shangujopa ni ashi, kenga mo mwanduwangidídye nyoka Eva kwaujanja wake, ding'anong'ano dyenu inkuululika kumwashadyanga mukulipudya kwiu na kúkave ushapu kumwe Klistu.

Vagalata 1:2

nene pamo na vanung'unumunu uti vapagwíte namu nangu akuno tunkwandikila kwamaganisha a ku Galata ko.

Vagalata 1:6

Napanelo nangu ninkunshanga mwenu mwaa muwakati ungwipi tu mundimwambukanga aijá ánshamile mupagwe muumonyo wake Klistu kutwa kwoda ntenga wambone unji.

Vagalata 2:14

Bai pangugwene kenga havanauka shana nkati muumwiu wantenga wambone, ndímwaulila nae paumbala doni, “Wako umuyuda kanji unkunama kenga ummidi i kenga muyuda. Napane mwaa shani uvalamulila vamidi vaname kenga vayuda?”

Vagalata 3:3

Da mwenu mmajinga mmakumamodya? Shapo mundítunduvanga mu Imumu, napane ambi po mulyaladyanga dashi kwamili?

Vagalata 4:9

kanji napane pamummanyite Nnungu apa, kwali tuushidoni mundimanyika na Nnungu, mwaa shani munkuujila kumavalelo lolo akudabadabanga na ákave lyululilo? Da mulota mutandegwe kavili mmatumwa?

Vagalata 5:11

Mmanung'unumunu, ikava kenga nangu mpaka ambi ninkuvalanganga likumbi mwaa shani ninkupapatigwa? Leka ìvele davo, bai kunyatilika kwanshalaba kundiputangigwa.

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vaepeshu 5:15

Lilaledye shinamilo shamunama; i kenga shavajinga kanji shammanu mmalimanyilo

II Vateshalonika 1:8

mulilamba lyamoto avapa shaushanga avalá vákammanya Nnungu na vákaigwilila ntenga wambone umwe Umu wetu Yesu.

I Timoti 6:4

munu ajo ni wakulyona na hashipali shamanya. Nae po ni munu ávenavo mweshe wamitau na ing'ondo yamalove iidanavo ing'ou, ushaka, kwabola, kwambambidyania kunyata

Vabalaniya 11:8

Kwalikulupililo Abulaamu andíigwilila paukile ndashamegwa kuka kulyutu lyaukile ndalivikila Nnungu kumupa kenga maleko pakamanya kwashi kwashuka.

Vabalaniya 5:9

Namomo pantadidye awikile popo nae anditadya ave ntipu wakwambolegwa kúkamalilika kwa avalá uti vamwigwilíla,

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.

I Patulu 4:17

Mwaa wakati waukumu utunduvangíla mwing'ande yake Nnungu undiwika tayali; napane ikava kenga shitandi namu wetu, ulota kuva dashi mwisho wa avalá vákaigwilidile ntenga wambone wa Nnungu?

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

Maono 18:3

Mwaa venentete uti vandikumbila vinyu vyashitundi shawendi wake. Vaumu vamushilambo vanditenda vyakulauka namu nae, vamishulusho vamushilambo kutajilika poe kwadimongo dyashinamidyo shake shaditamaa.”

Maono 2:20

Ila napane shipali shikunyatyánga, wako unkumpambedya Yeshebeli nkongwe álivika kuva nkúlava. Kwamapundisho ake, nae ankuvaashedya vatumika vangu mukulavalava na mukulya vyakulya vyavavaumididye vannungu vakushang'apa.