Tiyagu 1:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Napavedoni, jaa kushu ko ushapu uti na mavalelo akunyata alinatéla na pwashalela lilove lipandígwe nkati mwenu kwabila makukulu, lyolyo livénavo dimongo lyakwambola ungumi wenu.

Tiyagu 1:21 Cross References

Vaepeshu 4:22

kwaing'ano yamavalelo akala, mupundishigwidyé kumula munu wenu wakala, munu jo abamalegwa na malotelo akushang'apa,

Vaepeshu 1:13

Nkati mwake namwenu momo pamwigwite ntenga waumwiu, ntenga wambone wo umwambwéle; mwenu múnkulupidile nae, mundinamatiligwa kwa Imumu Wanashwe wakulivikila,

I Patulu 2:11

Mmakunagwaleka, kenga mmajeni na mmakwaloka, ninkunnaililila pakulota mwambukange malotelo uti ashimunumunu atandána ing'ondo na ungumi.

Nshuwau 6:63

Imumu ni átadya shinu shivenavo shingumi, mili hashipali shatenda. Malove animwaulidile ni imumu na ni shingumi.

I Patulu 2:1

Nadoni jaa kushu ko vyakunyata uti: ushwang'a uti, shinankulaba, ing'ou na malove uti akwabola.

Vabalaniya 12:1

Napavedoni, pakuva nawetu momo inditutang'anedya imbumba ing'umene yamashuda ava, indituvaikila tulyulange uti vitudingadínga na lidambi litudingíla pakulota tutukute kwakulipililila kwamwaa wa alalá mashindano avikígwe mushu mwetu

Tiyagu 4:8

mmandike Nnungu, nanae momo anammandika! Tadya makono enu atakate mwenu mmakutega, mwemwe múvenavo makumbukililo auju kuvili, ushanianga ushapu mmitima vyenu.

Titu 2:11

Mwaa umonyo umwe Nnungu undilyumilidya widanavo kwambolegwa kwavanu uti

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Vabalaniya 4:2

Mwaa kwetu wetu vandituvalangangila ntenga wambone kenga vanavo momo kanji lilove lyavaigwite hashipali shavakatakadile kwoda lilove alyo, havapwashadile kwalikulupililo avalá vaigwíte.

Vabalaniya 2:3

Napanelo tulota kupalanyoka dashi ikava kenga hatunatanana shinu kwambolegwa aku kukumene? Kwambolegwa aku kuvalangilígwe kunantandi namu Umu kutwala kuka ndaakikishiligwa kwetu wetu namu avalá vaigwíte

I Vakolintu 15:2

na kwaindila yawanavo mundaambolegwa ikava kenga munkukamulila lilove alilá lyanimmalangangidile, ikanava kenga mukulupidilé monyo.

Valoma 6:17

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

Nshuwau 6:68

Simoni Patulu kutwala kunjang'ula aashidoni, “Nang'olo, wetu tuka kumwe nyani? Wako ni úvenavo malove ashingumi shíkamalilika.

I Vateshalonika 2:13

Tunkunnambwalela Nnungu momo kwabila kudoba kwamwaa au: pamupwashaladile lilove lya Nnungu kwaupande wetu, mundipwashalela i kenga lilove lyavanu kanji kenga mwalivalalele mwiu lilove lya Nnungu likóla madengo nkati mwenu mmakukulupila.

II Vakolintu 7:1

Mmakunagwaleka, pakuva tunkuvanavo vyakulivikila avi, tulyushaniange vyaudagwa uti vyamumili na vyamwimumu tuwisha popo kwilimyanga nkati mukunjopa Nnungu.

Vitendo 13:26

“Mmanung'unumunu mmashipinga shaudukulu wake Abulaamu pamo na mwenu mmanji múnjopa Nnungu! Lilove lyakwambwalegwa aku, wavantumidididyé ni wetu.

I Patulu 1:9

mwaa mwenu munkupata shabaa yalikulupililo lyenu yani kwambolegwa kwaungumi wenu.

Valoma 11:17

Kanji napane ikava kenga dinavi dinji vandipanyulanga na wako úvele ulivela wakunundu vandikunamatidya pakati pave kutwala kumajananga muululu walutuba walushija lwaulivela,

Vitendo 10:33

Nangu kuvatuminneu vanu kwida ndakushema na tundilambwalela mwaa wakuwika kwako. Napanelo wetu apa tundikadyania pamevo pake Nnungu pakulota twigwe uti vyakutumenge Umu utuvalangangile.”

Mateu 5:5

Vandyalaligwa avalá valishapéya, mwaa vanavo vandapata shilambo kuva shave.

I Vateshalonika 1:5

pakuva ntenga wambone wetu umwikidilé mwenu i gweka kwalilove kanji namomo kwadimongo, kwa Imumu Wanashwe na nkati mukwakikishidya uti kenga mo mwamumanyilile mwashi mwatunamidile pakati penu kwamwaa wenu mwenu.

Vaepeshu 5:4

ata malove akunyata, aujinga na antau ákavaikidile kanji paikave davo po, kupagwe kulambwalela.

Vaepeshu 4:25

Napavedoni, pamulakile kushang'apa, inimmaikila kula munu atangole umwiu kwanshitanono wake mwaa wetu uti ni mili umo.

Tiyagu 5:20

manya doni, aijá ámuujiya nkútega áambukenge indila yake, aju andaambola ungumi wamunu ajo mukupela na andaputangigwa madambi akwinjipa.

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.