Mateu 7:24 - Ibibiliya mu Shimakonde Imbodi Yaambi na dimbande dya Imbodi Yakala

²⁴ “Napavedoni kula munu áigwilila malove angu na kutandedya mwalatangalakela, ankuva kenga munu wamang'amung'amu ádangile ing'ande yake pashanya lijanga lyakulitandika.

Mateu 7:24 Cross References

Mateu 12:50

Aijá átandedya mwalatela Atata ávele kuwa, ajo ni mwanetu, numbwangu na ajala.”

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Mateu 24:45

“Da ntumika shani wakukulupilika na wading'ano wammikile nang'olo wake kuva nanangalaledi wapaing'ande pake na kuvapa shakulya muwakati uvaikidíle?

Mateu 25:2

Pakati pave mwanu vavele vakupuwanikanga, vanji mwanu vo kuva vading'ano.

Mateu 25:4

Napanelo avalá vading'ano, pavatwete dikalaboi dyave vandínyukatinneu mauta muvitumba vyave.

Mateu 25:9

Vading'ano vo kushidoni, ‘Hatutamwa! Twonadavo mauto lo, hatutosha wetu namu mwenu. Wena ko kwavanashumidya ko, mukashume.’

Mateu 7:25

Medi kutonya, dyundi kuumbalanga, imepo kupunga yuka shalatoto na ing'ande ayo kanji ing'ande yo kugwa do mene mwaa wakudenga palijanga.

Mateu 7:26

Napane kula munu áigwilila malove angu kanji mene kutandedya mwalatangalakela, ankuva kenga munu ákave ding'ano ádangile ing'ande yake palitimbwitimbwi.

Lukashi 11:28

Kanji Yesu kushidoni, “Vamamodye namene kujaligwa avalá vaigwilíla lilove lya Nnungu na kuvikila kuntima.”

Nshuwau 13:17

Napane ikava kenga mundimanya vinu avi, mundaalaligwa mukatandedya.

Nshuwau 14:15

“Mukangunagwaledya, malamulo angu mundaigwilila

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 15:14

Mwenu ni mmavangu mukatandedya avilá vyaninnamulila nangu.

Valoma 2:13

Mwaa vaishaliya pamevo pake Nnungu havanava shinu avalá vaígwa lilamulo kanji avalá vatandédya lilamulo ni valóta kuvalangiligwa kuva ishaliya.

I Nshuwau 2:3

Namomo tundimanya kenga tunkummanya nae patwigwilila malamulo ake.