Mateu 27:63 - Ibibiliya mu Shimakonde Imbodi Yaambi na dimbande dya Imbodi Yakala

⁶³ ndamwaulila kushidoni, “Nang'olo, wetu tunkukumbukila doni aijá munu nshwang'a àvele mumi ashishidoni, ‘Akapita maduva matatu, nangu ndadyuka.’

Mateu 27:63 Cross References

Mateu 16:21

Napanelo kutwala apo Yesu kutunduvanga kuvamanyiya ngala vakwoda vake doni, nae inimmaikila auke ku Yelusalemu, koko ko akapate mauvilo oe kwavanang'olo, kwavakulangalalela-shadaka vanang'olo na kwavamwalimu vadishaliya, apele na muliduva lyantatu lyake adyuke.

Mateu 17:23

vanavo vanampedya napane muliduva lyantatu lyake andadyuka.” Bai vakwoda vake vandívanavo shipalodi shoe.

Mateu 20:19

namomo vanankamudya kwavamidi vanniule, vanshape viboko, vankamele panshalaba napane muliduva lyatatu lyake nae andadyuka.”

Mateu 26:61

naashidoni, “Aju apa ashitangola doni, ‘Nangu ninkuulula kubamalanga ing'ande yake Nnungu kutwala kudenga kwamaduva matatu kumalila.’ ”

Mateu 27:64

Napavedoni lamulila vashunge namene shonga shake mpaka muliduva lyantatu pakulota vakwoda vake havanaide ndamwiva shilo kutwala kuvaulila venentete doni, ‘Andidyuka pakati pavakupela.’ Nadoni kushang'apa aku kulota kuva kwakumamodya kupunda kutandi.”

Mateu 28:6

Nae apa hapali. Andidyuka kwodana na kenga mo mwatangaladíle. Ida mulole davo palyutu lyaléle.

Malukushi 10:34

Vanavo vandamwiludyanga, kunshunangila mata, kunshapa viboko na vanampedya. Kanji muliduva lyantatu lyake andadyuka.”

Malukushi 8:31

Napanelo Yesu andítunduvanga kuvapundisha vakwoda vake aashidoni, “Mwana Wamunu inimmaikila apate mauvilo oe; inimmaikila vamwite vanang'olo, vakulangalalela-shadaka vanang'olo pamo na vamwalimu vadishaliya, apele na muliduva lyantatu lyake adyuke.”

Malukushi 9:31

mwaa ashindavapundisha vakwoda vake kushidoni, “Mwana Wamunu vanannimya kunkamudya kumakono kwavanu, vanavo vanampedya, ling'oto lyakupela, muliduva lyantatu lyake andadyuka.”

Lukashi 18:31

Napanelo Yesu andívatwala avalá kumi na mbili kuvaulila kushidoni, “Mwenu, apa tunkwamboka kuka ku Yelusalemu; koko ko, vindatandeka vinu uti vyavaandike vakulava vimwámba Mwana Wamunu

Lukashi 18:33

kunshapa viboko, vanampedya na muliduva lyantatu andadyuka.”

Lukashi 23:2

Vanavo vandítunduvanga kuntambudyanga vinu vaashidoni, “Munu aju tuninkadyedya avatindinganianga venentete vetu aleya kunnipa Shashali ukodi wakunnodya nae kuva umu wetu na kavili jojo kulivika jo mwene kuva Klistu yani umu.”

Lukashi 9:22

na kutangola kavili doni, “Mwana Wamunu inimmaikila auvauvange namene; vanang'olo, vakulangalalela-shadaka vanang'olo pamo na vamwalimu vadishaliya, vanavo vandamwita. Indimmaikila vamyae kanji muliduva lyantatu andadyuka.”

Nshuwau 2:19

Nae kushidoni, “Bamalanga ing'ande ya Nnungu ai, nangu ndadenga mumaduva matatu kumalila.”

Nshuwau 7:12

Pakati paimbumba yavanu andípagwa manyinyi oe. Vanji vashishidoni, “Munu aju, wambone.” Vanji do, “Ata padyoko, aju ankuvaashadyanga venentete.”

Nshuwau 7:47

Mapalishayo kushidoni, “Da namwenu mundiduwangika?

II Vakolintu 6:8

nkati mukwishimika na mukwiludyangigwa, mukupata shimbili shakunyata na shambone, twaneka kenga tuvakushang'apa kumbe tuvelé tuvaiu,