Mateu 24:45 - Ibibiliya mu Shimakonde Imbodi Yaambi na dimbande dya Imbodi Yakala

⁴⁵ “Da ntumika shani wakukulupilika na wading'ano wammikile nang'olo wake kuva nanangalaledi wapaing'ande pake na kuvapa shakulya muwakati uvaikidíle?

Mateu 24:45 Cross References

Mateu 10:16

“Mwenu, nangu ninkuntumidya kenga mmangandolo shing'ati mavinji. Napavedoni ava mmajanja kenga dinyoka na múkavele makukulu kenga ding'unda.

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Mateu 24:46

Andijaligwa ntumika aijá walota kunkodya nang'olo wake pauja atandela momo.

Mateu 25:2

Pakati pave mwanu vavele vakupuwanikanga, vanji mwanu vo kuva vading'ano.

Mateu 25:21

Nang'olo wake kushidoni, ‘Shambone namene! Wako ni untumika shii na wakukulupilika! Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Mateu 25:23

Nang'olo jo kushidoni, ‘Shambone namene! Wako ni untumika shii na wakukulupilika. Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Mateu 7:24

“Napavedoni kula munu áigwilila malove angu na kutandedya mwalatangalakela, ankuva kenga munu wamang'amung'amu ádangile ing'ande yake pashanya lijanga lyakulitandika.

Lukashi 19:17

Nae kushidoni, ‘Shambone namene! Wako ni untumika shii. Ikava kenga undikulupilika kuvinu vidikidiki, undavanavo madalaka amakaja makumene kumi.’

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

I Timoti 1:12

Ninkunnambwalela aijá ángupele dimongo, Klistu Yesu Umu wetu mwaa nae aningwona kuva wakukulupilika anguvika mushimadengo shake

II Timoti 2:2

Avilá vyawigwite kwangu nangu pamevo pavashuda voe, vakamudye vanu vakukulupilika valóta kuulula kuvapundisha vanu vanji momo.

Vabalaniya 3:5

Doni, Musha andíkulupilika mwing'ande uti ya Nnungu kenga ntumika áumya ushuda wa avilá vilóta kutangaleka wakati wamushu;

Maono 2:13

“ ‘Ndimanya doni, paunama po ni pashiteng'u shimwe Shatwani. Ata ive davo mpaka ambi unkunamatila lina lyangu na haukanile likulupililo lyako kwangu, ata muwakati umwe Antipashi nshuda wangu wakukulupilika wavamyaile pakati penu, po panama Shatwani po.