Mateu 21:46 - Ibibiliya mu Shimakonde Imbodi Yaambi na dimbande dya Imbodi Yakala

⁴⁶ Vanavo vashindalambela dindila dyakumuungila kanji vashindavajopa venentete mwaa vanavo vashindamwamini nae kuva nkúlava.

Mateu 21:46 Cross References

Mateu 21:11

Imbumba yavanu kutwala kushidoni, “Aju ni aijá nkúlava, Yesu wa ku Nashaleti ya ku Galileya.”

Mateu 21:26

Ata tukaashidoni, ‘Walakadilé kwavanu,’ tuvajopa venentete mwaa vanavo uti vankumwamini Nshuwau kuva nkúlava.”

Mateu 21:45

Bai vanang'olo vavakulangalalela-shadaka pamo na mapalishayo pavaigwite mikong'o avyo, vandímanyinneu do, avamba vanavo.

Mateu 22:1

Napanelo Yesu andítangolanavo kavili atumila mikong'o aashidoni,

Malukushi 11:18

Malove alo, vanang'olo vavakulangalalela-shadaka pamo na vamwalimu vadishaliya vashindaigwa. Vanavo vashindalambela dindila dyakummalididya mwaa vashinanjopa kwoda vanu uti vashindashanga mapundisho ake.

Lukashi 7:16

Vanu uti kuvainjila kujopa kutwala kumupa lishangelo Nnungu vaashidoni, “Pakati petu andyumilila nkúlava nkumene namene!” Vanavo kavili kushidoni, “Nnungu andida ndavaangangola venentete vake!”

Lukashi 7:39

Napanelo mpalishayo aijá annalike Yesu akone davo, andítangola shintimatima aashidoni, “She! Aju leka àvele nkúlava mwiu, shi akanimmanya nkongwe ánkamulanga aju; nkongwe aju, nkùtega!”

Nshuwau 7:30

Vanavo napane kulota vankamule kanji hapali alyalavéke kundabunya mwaa wakati wake uvele ukanava kuwika.

Nshuwau 7:7

Shilambo, mwenu mwiko hashimmangedya ila nangu shinkunguvangedya mwaa nangu ninkumya ushuda nguvalanganga kenga vitendo vyake, vindinyata.

Vitendo 2:22

Patulu kutwala kuka mushu aashidoni, “Mmanaishilaeli ngwigwa! Yesu nnashaleti, munu áakikishigwe pamevo penu kwavyamakango, vyakutikinikanga na vimanyikilo vyatandile Nnungu kwenu mwenu kwaindila yake nae kwodananavo mwamumanyilile mwemwe mmene,