Mateu 20:25 - Ibibiliya mu Shimakonde Imbodi Yaambi na dimbande dya Imbodi Yakala

²⁵ Yesu kuvashema vakwoda vake kutwala kuvaulila kushidoni, “Mwenu munkumanya kenga avalá vakutawala vavamidi vandálitumbudya kwavenentete na vakumene vave vandátumila madalaka kwavanavo.

Mateu 20:25 Cross References

Mateu 11:29

Lyunge likangoti lyangu na lipundishe kwangu. Nangu ni wakulimaladya na wantima wakulishapeya na mwenu mundapata kupumula kwaungumi wenu.

Mateu 20:24

Bai avalá vakwoda vake vanji kumi pavaigwite davo, vandívashimwidya vanung'unumunu avalá vavili.

Malukushi 10:42

Yesu kuvashema kuvaulila doni, “Mwenu munkumanya kenga avalá vánavavika kuva vakutawala vavamidi vandálitumbudya kwavenentete na vakumene vave vandátumila madalaka kwavanavo.

I Patulu 5:3

hamunavatawale avalá vamuukile ndakulupiligwa kanji ava mpano kwashipinga asho.