Mateu 11:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Napanelo Yesu pamalidile kuvapa malailililo vakwoda vake kumi na mbili avalá, andyúma kuka ndapundisha na ndavalanganga ntenga mumakaja aisemu ayo.

Mateu 11:1 Cross References

Mateu 28:20

na muvapundisha kutandedya uti avilá vyaninnamulidile. Nadoni nangu ninkupagwa namu mwenu mumaduva uti mpaka mwisho wawakati.”

Mateu 4:23

Napanelo Yesu ashindatanela makaja a ku Galileya apita apundisha muvitala vyave vyakulipudidya avalanganga ntenga wambone wautawala, aponia vilwele na mauvilo uti kwavenentete.

Mateu 7:28

Bai Yesu pamalidile kutangola malove alo, dimbumba dyavanu dindíshanga namene mapundisho ake

Mateu 9:35

Napanelo Yesu ashindatanela minjini uti na makaja apita apundisha muvitala vyakulipudidya avalanganga ntenga wambone wautawala, aponia vilwele na mauvilo uti.

Malukushi 6:12

Bai vanavo vandyúma kupita vavalangangila vanu valijugulange madambi ave.

Lukashi 23:5

Kanji vanavo vashindang'ang'anikila vaashidoni, “Aju ankupita avatubya venentete na mapundisho ake ku Yudeya akuno uti kutunduvanga ku Galileya mpaka nkaja amu.”

Lukashi 8:1

Vinu avyo vikapite, Yesu ashindapita atanela makaja makumene na madikidiki alailila na avalanganga ntenga wambone wautawala wa Nnungu. Vamyombe kumi na mbili avalá vandímwoda pamo na

Nshuwau 15:10

Mwenu mukaigwilila malamulo angu mundapagwa mulinagwaledyo lyangu kenga nangu malamulo amwe Atata ndiigwililila na ninkupagwa mulinagwaledyo lyake.

Nshuwau 15:14

Mwenu ni mmavangu mukatandedya avilá vyaninnamulila nangu.

Vitendo 1:2

mpaka muliduva lyaukile ndatanduligwa kuka kuwa ling'oto lyakumya malailililo na dimongo dya Imumu Wanashwe kuvapa vamyombe vake vavatandwele.

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

Vitendo 10:42

Nae wetu anditutuma tuvalangange ntenga kwavenentete na tumye ushuda kenga nae Nnungu andimupa madalaka akuva nkúukumu wavangumi na vapadíle.

I Vateshalonika 4:2

Mwenu mundimanya malamulo shani atumpele kwaindila yamadalaka amwe Umu Yesu.

II Vateshalonika 3:10

Mwaa ata patupagwíte namu mwenu tunínnamulila doni, munu akanalota kukola madengo, bai hanalye.

II Vateshalonika 3:6

Napanelo tunkunnamulila mmanung'unumunu palina limwe Umu wetu Yesu Klistu doni, vaambukange vanung'unumunu vanáma shinamidyo shauwondo i kulingana na mavalelo avapatile kwalakela kwetu.

I Timoti 6:14

shunga lilamulo ali pakave lilemba na pakave likosha mpaka kuumilila kumwe Umu wetu Yesu Klistu,