Malukushi 12:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Nadoni vanavo vanínkamula kumpedya kutwala kunjela kunyenje lishamba.

Malukushi 12:8 Cross References

Lukashi 20:15

Bai vanavo vandíngang'alangila kunyenje lishamba kutwala kummalidya. Napanelo mwene lishamba alota kuvatandela mwashi vanu avo?

Mateu 21:39

Nadoni vanavo vanínkamula kumumya mulishamba mo, kumpedya.

Mateu 21:33

“Napanelo igwilila nkong'o unji! Andípagwa ntajili jumo e alimíle lishamba lyake lyamilandi vyavinyu. Lishamba alyo nae andítang'anedya na lingongo kwimba shima shakuminyangila vinyu, kudenga libodo lyakulepa kutwala kuvakodisha vakulima mwene kutwala mwanda kuka.

Malukushi 12:7

Kanji avalá vakulima vandyáulanila shivenevene vaashidoni, ‘Aju ni jojo walota kunkamudya lishamba. Idananga akuno tummalidye kwambangidya lishamba live lyetu.’

Malukushi 12:9

Napanelo mwene lishamba jo alota kutandela mwashi? Nae andaida ndavabyanga uti vakulima avo kutwala lishamba lyo kuvapa vanu vanji.