Malukushi 11:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Vanu váshuka mushu na váshaloka panyuma vashindapita vatangola pashanya po vaashidoni, “Ashibike!” “Aalaligwe áida palina limwe Umu!”

Malukushi 11:9 Cross References

Mateu 21:9

Imbumba íshuka mushu na íshimwoda, dishindatangola pashanya po diishidoni, “Kushibika kupagwe na mwanagwe Daudi. Aalaligwe aijá áida palina limwe Umu. Kushibika kupagwe kushanya-uti.”

Mateu 23:39

Ninkumwaulila doni, mwiko hamungwona kavili mpaka muwakati wamulota kutangola kushidoni, ‘Aalaligwe aijá áida palina limwe Umu.’ ”

Malukushi 11:8

Vanu voe kupita vatandikanga dinguvo dyave mwindila, vanji kwanganga dinavi dyamilandi kupita valadyanga ndila.

Nshuwau 12:13

vanavo vandínyakatanga maalati amalala kuka nanshinga vajunga pashanya po vaashidoni, “Ashibike! Aalaligwe aijá áida palina limwe Umu! Aalaligwe Umu wa ku Ishilaeli!”

Nshuwau 19:15

Napane vanavo vandíjunga vaashidoni, “Mmalidye! Mmalidye! Mpambilile panshalaba.” Pilatu kuvaudya, “Da mulota nimpambilile panshalaba umu wenu?” Vanang'olo vavakulangalalela-shadaka kutwala kushidoni, “Hatuvé umu junji ila Shashali tu bai.”