Lukashi 22:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Vanavo pavaukile vandyánela mo mwavaulilidile Yesu; bai vanavo vandípanganianga Pasaka ayo.

Lukashi 22:13 Cross References

Lukashi 19:32

Vakwoda vakauke, vandíkodya mo mwatangaladile Yesu.

Lukashi 21:33

Shilambo shakuwa na shapai, vindapita kanji malove angu mwiko hapita.

Lukashi 22:12

Nae anannangudya lyutu lyakulyandaula shana livenavo vinu uti; mwenu panganianga popo.”

Lukashi 22:14

Wakati pauwikile, Yesu andíikala pandamu pamo na vamyombe vake

Nshuwau 11:40

Yesu, “Da nangu handikwaulidile doni, ukakulupila undona lishangelo lyake Nnungu?”

Nshuwau 2:5

Bai jujumunu andívaulila avalá vatumika vapaing'ande doni, “Vinu uti vyalota kumwaulila, mwenu tandedya.”

Vabalaniya 11:8

Kwalikulupililo Abulaamu andíigwilila paukile ndashamegwa kuka kulyutu lyaukile ndalivikila Nnungu kumupa kenga maleko pakamanya kwashi kwashuka.