Lukashi 2:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Napanelo Yoshe dadavo andyúma ku Galileya palikaja lya pa Nashaleti kwambokela ku Yudeya kuka kwavo Daudi ku Beteleemu mwaa Yoshe avele washipinga shaudukulu umwe Daudi.

Lukashi 2:4 Cross References

Mateu 1:20

Akuno apanga nnugu wake au, njelo wake Umu andímwidila mwindoti ndamwaulila kushidoni, “Yoshe ndukulugwe Daudi, haunajope yakumpwashalela Maliya kuva ndyavo mwaa nae andiimita kwaindila ya Imumu Wanashwe.

Mateu 2:23

ndaikala panjini umo wavashema Nashaleti pakulota liwikile popo lilove litangaléke kwaindila yavakulava doni, “Vananshema kuva Nnashaleti.”

Lukashi 2:3

Nadoni vanu uti vandyúka ndalyandika kanji kula munu ashuka ndalyandika kwave.

Lukashi 2:5

Ako nae aukile kukulyandikisha; andyúka pamo namu Maliya nkongwe wantamadíle kunnomba, jo Maliya aju àvele na shitumbo.

Lukashi 4:16

Napanelo andíwika palikaja lyake lyakulumukidile pa Nashaleti; akawike apo, muliduva lyakupumula nae mwalidyavalelo lyake, andíinjila mushitala shakulipudidya. Akainjile, andítakatuka pakulota ashomye;

Nshuwau 1:46

Kutwala Nataniyele kumudya Pilipo doni, “Ku Nashaleti kunkuululika kwaloka shinu shambone?” Pilipo kushidoni, “Ida ulole.”

Nshuwau 7:42

Da Maandiko hatangwele aashidoni, muudukulu umwe Daudi na mulikaja lya Beteleemu, likaja lyake Daudi, andaalakela Klistu?”